Haruhada

水感美顏防曬凝膠EX SPF50+PA++++

非常感謝@cosme抽中我免費試用Haruhada水感美顏防曬凝膠。
我本身試過好多隻防曬都唔岩用，一係好笠，一係就出粒粒，或者好難卸乾淨，但係呢隻完全無以上問題。
首先講下佢質感，白色比較稀既啫喱狀，有輕微花香味，好容易推開，推開之後係無色既，完全無泛白，只係有少少珍珠光澤。
因為佢聲稱入面有13種美容成份，同埋我比較鐘意清爽d，所以爽膚水同精華後，無搽面霜就直接用佢，感覺好輕盈好清爽，但又唔會覺得乾，係有保濕感覺。
用成日都無乜出油，平時到下午T字位就會開始出油，呢點係有d驚喜既 。
而且好容易洗，普通洗面產品就乾淨晒。
總括黎講，我覺得好好用，有齊曬我想要既效果。