Haruhada

水感美顏防曬凝膠EX SPF50+PA++++

感謝@cosme免費試用HARUHADA水感美顏防曬。

產品特點：
• 不含礦物油、人造色素, 含13種美容液搭配SPF50+PA++++高防曬係數，保護肌膚免受紫外線傷害
• 含兩種抗污染成分(辣木籽萃取及交替單胞菌發酵產物萃取)
• 能減低空氣中的懸浮微粒、濃霧等污染物等對肌膚造成的傷害
• 質地更輕盈清爽、舒適，不留白印

3月26號收到試用品，由27號開始每日都用，已經用咗9日。我係混合性偏油偏乾膚質，容易起紅起敏感，呢個產品好溫和，冇令我起敏感同埋油脂粒，甚至黑頭粉刺都比之前起得少，體驗感覺100分！

質地感覺似潤膚露，就算手殘都可以輕鬆推開，上完唔使10秒就成膜，成膜後上粉底液同乾粉底都唔會起擦膠粒，唔想又用防曬又用隔離嘅可以多個選擇。當然對於冇化妝嘅人嚟講，佢都係一支好好嘅防曬，出汗都唔會流白色汗。

講完優點係時候要講吓缺點
1.由於佢只係一支防曬，並冇特別嘅潤色功能，除咗可以修飾毛孔之外，對於有用開調色防曬，或者素顏霜嘅人嚟講，用完都仲係完全素顏。
2.防曬霜嘅膜巴臉巴得好實（其實係優點），一般嘅潔面乳洗唔甩，要用可以卸妝嘅潔面乳，或者卸妝油先可以輕鬆洗乾淨。


上面前後其實睇到除咗有少少修飾毛孔之外，真係好似咩都冇搽咁