Medicube

PDRN粉紅膠原凝膠爽膚棉

係尖沙咀cosme做活動時購入，呢款棉片比較特別係需要自己將精華倒入去棉片盒入邊，外觀和整體非常可愛全是粉紅色的，我會早晚洗完面之後敷喺需要嘅位置，通常係面頰，額頭同埋下巴，一盒入邊70塊棉片，吸引我買嘅原因係入面有純度99%高純度三文魚PDRN精華，功效係修復，保濕，彈性同舒緩敏感泛紅，有時做完深層清潔面膜之後就我會用佢敷一陣大概1-3分鐘，感覺上可以退紅同埋皮膚冇咁乾，用完兩盒之後會考慮回購，希望cosme長期有得買啦

俾佢粉紅色嘅包裝吸引咗，仲好得意要自己倒啲精華落乾棉片度，雖然唔明白點解要咁樣。棉片質地最得意係滑嘟嘟，濕敷上面會變半透明，棉片好軟身貼面。我個人用落冇咁鍾意呢種質地，因為除咗濕敷我仲鍾意用嚟抹面，佢嘅棉片太軟身好難抹。濕敷嘅時候可能因為精華太多，或者棉片抓水能力比較差，精華會不斷流落嚟，我覺得唔係好方便。 整體用落，膚質冇太大變化，唔會話差咗我就會用完全盒佢，但之後應該唔會回購。