TOM FORD BEAUTY

璀璨琉光潤澤護唇油

Tom Ford呢支護唇油真係靚到癲！包裝係Tom Ford一貫嘅奢華感，拎上手好有分量，擺喺化妝檯已經覺得自己高貴咗。佢係透明淡粉色嘅護唇油，唔係嗰種有顏色嘅lip gloss，所以上嘴唔會影響本身唇色，淨係會帶出超靚嘅玻璃水光感，嘴唇望落飽滿又嫩滑。 香味更加冇得輸——係一種好高級嘅玫瑰香，搽嗰陣心情即刻變好。質地潤得嚟完全唔會黐笠笠，唔會狂黏頭髮，呢點超加分。 最正嘅係佢疊搽功能，可以就咁單用當護唇，亦可以疊喺任何唇膏上面。啞緻唇膏即刻變水光唇，但又唔會整甩原本嘅顏色，仲可以撫平唇紋，成個妝感精緻咗勁多。有時唇膏覺得乾或者太實色，加層佢就完美拯救返，變咗第二種風格。 總括嚟講，呢支係顏值同實用性並存嘅好物，不過價錢的確有少少貴，啱晒鍾意玻璃唇、又成日嫌唇膏太乾嘅貪靚又追求產品質感嘅小資女仔。 #火熱新品