Hince 半月唇颊兩用霜 #03 Lilac Moon用後感 🌙✨ 我本身係熟齡混合偏乾肌，喺又濕又熱嘅香港最怕膏狀腮紅「漿住塊面」，但粉狀腮紅又會顯乾紋。Hince呢款全新「霜轉粉」質地，直接KO咗我呢個煩惱——手指輕拍上臉瞬間，由絲滑霜狀化成清爽粉末，柔焦修毛孔又唔會破壞底妝，喺街補妝連鏡都唔使照都唔失手！ --- 🎨 #03 Lilac Moon 顏色分析 唔係誇張嘅偏紫調粉紅，而係帶淡淡透明感，上臉後似喺肌膚入面微微暈開，幫蠟黃肌開咗一盞「透明感補光燈」✨最推薦畀橄欖皮、黃皮用，有效提亮膚色唔顯髒。用手指疊擦2-3層顏色會更明顯，但依然輕薄唔厚粉。 ✨ 透明感實測 · 即時柔焦：霜轉粉嘅質地一拍開就變乾爽粉末，毛孔同肌膚紋理即刻模糊咗，望落平滑細緻。 · 乾淨好氣色：低飽和嘅紫色調唔會顯黃，反而幫整體膚色「調亮一階」，望落乾淨通透。 · 持久唔暗沉：唔會因為時間耐咗而氧化變灰，到下半日妝感依然乾淨有透明感。 🌞 春夏天潮濕天氣用 · 霜狀質地極易延展，唔拉扯皮膚，少量已經夠搽晒兩邊面頰 · 化成粉末後清爽唔黏，頭髮唔會黐面 · 用手指上妝就搞掂，唔使工具，懶人出
看全文>>
