購買資訊

MAC今次新作真係殺瘋咗🔥！水漾鏡面唇釉，想成個夏天都焊咗喺嘴上面咁～ 先講質地，水爆珠真係絕💧！一掂到嘴唇就化成水，完全唔會有豬油膏嗰種黏𣲷𣲷嘅感覺。薄薄搽一層已經好通透，好似幫雙唇包咗層透光水膜咁✨。 最驚喜係，搽咗成個下晝，唇紋竟然隱形咗！潤到入晒骨，又輕又貼服，抿嘴嗰陣絲滑到爆🍬。低飽和多巴胺色系，鏡光感拉到最滿，陽光下一閃一閃，又熱情又元氣😊！ 佢仲係懶人恩物😭！成膜之後勁持久，連飲手搖都唔點甩色，直接慳返密密補塗嘅麻煩。夏天有呢支，清透水光唇輕鬆上手，姊妹們衝就啱喇🎉！ #火熱新品

#火熱新品 M.A.C. Lustreglass 水漾鏡面持色唇釉顛覆咗我一直對唇彩嘅印象，平時唇彩輕輕一抹就好容易甩色，但係M.A.C. Lustreglass 水漾鏡面持色唇釉可以保持長達12小時嘅長效持色效果，就算飲水都唔會甩得好勁而要即刻補妝，染唇效果好強，仲要係唔會好難卸妝先勁，真係唇彩嘅黑科技！🙈 配方更加入覆盆子油與天然角鯊烷，能夠深層保濕並修護唇部，達至高效鎖水而唔會令雙唇變得乾燥或起死皮甩皮，而且搽完之後雙唇變得豐盈飽滿而高光澤，就好似果凍咁晶瑩剔透，輕鬆呈現出3D立體玻璃鏡面感嘅唇妝效❤️❤️❤️ #火熱新品

當初係門市睇到poster 入面既嘟嘟咀被燒到的，試色嗰陣覺得 Cake Topper（溫柔奶茶色）同 See Sheer（經典水蜜桃珊瑚色）既顏色真係都靚，加上門市 BA 幫我試上咀既效果好自然，一下就包左2支！ 點知返到屋企自己用，完全用唔返當日既效果好sad，最終都係決定送畀朋友。 薄搽一層其實幾靚幾自然，但完全搽唔出廣告嗰種玻璃光澤既嘟嘟咀效果，可能真係我自己技術問題唔識用。 食完野或飲完水，表面嗰層水光甩晒之後，只要補搽，我唇色就會瞬間變深色，太深色又唔適合我。 雖然佢真係做到完全不沾杯，但染唇效果實在太強烈！每次都要花好長時間慢慢卸先卸得乾淨，我自己真心好怕呢種染唇太誇張既產品。