Dior

Miss Dior Blooming Bouquet 淡香薰

首先多謝@cosme 抽中我作為Miss Dior Blooming Bouquet 淡香薰嘅試用者💝等我可以有多一個選擇。首先係佢嘅包裝，單單係包裝盒都已經好高級，係凸面印花嘅紙盒，唔係塑膠，好有質感✨淡淡嘅粉紅色好溫柔而樽身就係透明玻璃，配上寓意為「千花」嘅蝴蝶結，非常之高級🎀

而香水我一般搽係手腕同頸，平時返學或者出街都會搽香水，依照平時嘅習慣試用blooming bouquet，第一覺得佢嘅香味如其名——blooming，好多種唔同香嘅花香味齊放但唔會俗氣，玫瑰味似係主調，但又唔會霸曬其他花香嘅味道，好似佢每個花調嘅味道都調配得啱啱好，相襯得宜，我本身就鍾意淡淡清香但又不失高級嘅味道，而依支就真係正中下懷💯

而第二就係佢嘅持香度，唔補香嘅話就keep到出街3-5個鐘，不過兩個鐘之後我一般都會補香，所以使用起來都OK！

第三我覺得係Miss Dior都好特別嘅一樣野，我覺得真係會自信好多，唔單單因為係自己散發出嘅香氣，亦都係Dior依個知名品牌比到一個人嘅底氣，高級唔落俗，優雅而獨特，依個唔單單係香水，都係品牌嘅推動，所以依點都好加分💘

不過試用裝都有D缺點，因為要倒出來，所以倒出來嘅量比較難控制，不過我諗正裝用噴頭會解決依個問題🤔所以整體都覺得非常好，會購入正裝🫶🏻🌹