CLARINS

賦活精華眼霜 2In1

首先，多謝cosme邀請我參與今次CLARINS 賦活精華眼霜2 In 1嘅試用💗第一，我覺得依隻眼部精華嘅外表同設計都幾好，會比9/10，金黃色樽身幾別緻同淡雅，佢嘅頭係有兩個mode，一個係大滴D，一個係細滴D，可以令用家控制用量，依個設計我覺得非常好，因為有陣時自己會整多左導致浪費，加上佢細細隻都好方便旅行，亦唔會太佔屋企空間🫶🏻第二，就係佢嘅味道，我會比9/10，個人比較鍾意淡香味，依隻就係淡淡嘅花香味，但唔係普通果D茉莉花或者玫瑰味，係一種比較特別嘅花香，聞起身好舒服～

第三，就係佢嘅質地！會比8/10🙌🏻一開始搽上眼會覺得小小笠，但係慢慢鋪開就會冇左黏笠感，反而變成滋潤果種感覺，加分位係佢唔會好厚重，搽完好快就吸收，剩翻小小潤感係眼周。同埋我覺得佢算係一年四季都啱，滋潤度夠但又唔會太over咁，我自己就係乾性偏油肌膚，一開始仲怕會生脂肪粒（以前試過搽其他牌子眼霜會有咁嘅情況），但搽左一個禮拜都冇事😆

第四，最重要就係講功效啦，會比7.5/10，對於保濕、緊緻眼周肌膚依兩樣我會覺得係full mark💯因為保濕真系夠，同埋feel到搽左一個禮拜眼周D肌膚真系會緊緻左；而對於祛黑眼圈就暫時沒見成效，畢竟只用了一個禮拜，目前用過所有所有眼霜/精華都沒試過咁快有效😂所以有待觀察；而因為我本身都冇咩皺紋，所以依方面就不予置評，但眼部肌膚都真系好明顯緊緻左，我相信對祛皺紋都會有好大幫助🥰，所以有興趣不妨一試，我覺得都值得入手‼️