CANMAKE TOKYO

夢幻胭脂膏

呢一盒胭脂係膏體嘅，佢好容易就推開，亦都好容易上到色，就算用手指去推，其實都好容易可以攞到色。同時，亦唔會話好「杰」，佢容易推開得嚟嗰種質地係有少少似牛油半融化嗰種感覺。用手指打一兩個圈跟住再逐點點返上面嘅時候，再用手指或者粉撲去拍開。如果覺得平時用開嗰啲粉撲太大呢，就可以用細啲嘅手指粉撲去上，咁就會更加精準。通常就會喺一個粉底之後去使用，跟住用手指或手指粉撲再拍開。如果覺得太顯色嘅話，就可以用上粉底嗰粉撲拍開，稍微地冚過胭脂嘅顏色。嚟個做法會有一種白裏透紅既效果，好似你自己本身嗰種肌膚嘅紅潤。視乎大家嘅需要去選擇使用方法同工具。另外，嚟種顏色望落去雖然好似好橙咁，上面實際的顏色無眼見咁飽和。相對而言，我會認為係比較適合一啲健康膚色嘅人，佢上落去就顯得膚色更加均勻同更有光澤感。唯一比較唔好嘅缺點係衛生問題。要注意既係手指既乾淨，或者使用粉撲會更衛生，就另外要主要少量多次地上。膏體本身都係有啲細閃，所以佢都會令到嗰個面部呢保持返有返嗰種光澤度。