CANMAKE TOKYO

閃爍亮彩眼影

呢一盒眼影佢比較鬆，所以一開嘅時候其實見到佢個蓋都已經有少少飛粉嘅跡象。壓粉鬆嘅好處當然係攞粉好容易，但係亦都好容易令到啲粉飛到周圍都係。另外呢一個眼影比普通其他嘅眼影係更帶細閃，而佢嘅色調係棕色調，係一個有好有壞眼影。壞處其實佢冇辦法好似其他閃片眼影咁樣去用喺眼皮中間或者用喺眼頭、臥蠶呢啲位作提亮用，但係佢又冇辦法淨係作為一個主體顏色去使用喺眼皮上面，所以佢係一個有少少尷尬嘅眼影。但係佢嘅閃片係好靚同好集中，喺燈光打落嚟係有少少金光閃閃嘅感覺。佢可能偏向搭配一啲棕調嘅眼影可能會比較好，主要都係要返喺眼皮上面用會比較合適，眼頭同臥蠶嘅提亮就唔係太啱啦。