HADA LABO 肌研

極潤泡沫潔面乳

洗臉對暗瘡肌嚟講可以話非常十分無敵重要，擁有抗十幾年抗痘歷史嘅我，為咗改善自己皮膚問題，用過好多唔同牌子嘅洗臉產品，後來至發現，暗瘡肌唔一定要用專for暗瘡嘅洗臉乳，因為有啲洗臉乳清潔力太強，洗走污糟嘢嘅同時，亦都洗走哂臉部全部油脂，令臉部缺水以及失去保護屏障，肌膚會為咗彌補失去嘅油脂，反而會分泌更多油脂，形成外油內乾嘅狀態，容易令暗瘡惡化

後來有fd 推薦肌研呢款洗臉乳，再配合佢教嘅洗臉方法（適用於暗瘡凋謝後）先充分將洗臉乳用起泡袋搓成泡泡，上臉打圈，然後輕輕按壓全臉，按壓完再打圈，最後沖水至少10次，洗完臉部仲帶有滋潤感，就算半粒鐘內唔搽嘢都無緊崩感，亦唔會咁快出油，堅持一個月左右，臉上少咗暗粒，鼻哥嘅黑頭同粉刺都睇到明顯減少，最容易爆瘡嘅額頭同下巴都平滑唔少，自此之後我無再換過其他洗臉乳，同樣有暗瘡煩惱嘅朋友值得一試