Kaying Yeung好用推薦：去泰國冇曬黑 有衝動想俾滿分嘅防曬💯 本人皮膚狀態：混合偏乾+超易黑加難白翻 依家係日日都會搽佢 無論係日常出街/沙灘/野餐/露營/旅行🧳 今年中去泰國兩個星期 日日曬，但係都冇曬黑到！點解咁清楚，係因為我粉底顏色冇變+背脊冇搽所以背部明顯黑過身體其他部份😭 質地：搽完唔係成膜 係變粉霧狀 滑滑地 使用方法： 一個5蚊銀大細for我塊面 特色加缺點：好防水，要用卸妝水卸，洗面奶卸唔到！ 防曬真係好重要！如果想美白/抗老，防曬絕對係最basic要做到嘅嘢

Ko好用推薦：anessa嘅防曬都熱門左好耐，但我自己就今年先開始試。呢款防曬霜嘅質地好好推，防曬等級好高。我自己每次出街都會拎佢嚟搽面然後再化妝。完全唔會同底妝打交，唔會起擦膠碎，好好用。夏日炎炎出去玩都曬左兩個鐘，完全冇甩皮冇變紅（冇補過因為我懶xD)。 用過細枝之後即刻係免稅店買左大枝版90mL。 不過佢嘅缺點係如果夏天出街唔化妝淨係搽防曬，佢啱啱搽上塊面會有少少油感，最好薄薄搽一層素顏粉先再帶口罩。佢有酒精，我自己聞就聞唔到，亦都冇敏感，但係如果冇避開隻眼嚟搽，有機會會有少少「醃眼」，所以要小心啲搽。同埋我覺得佢好少少貴，所以淨係用嚟搽面。

Ming好用推薦：一直都用開Anessa嘅防曬產品，不得不說佢哋嘅防曬產品真係好好用，好容易推開，味道又清香，又防水又防油，防曬指數好高，去行山一定會用佢。

bearbear246好用推薦：呢款係凝乳質地 防曬效果不錯 出汗出油都唔甩 但質地唔夠清爽

Cy好用推薦：之前一直用開biore藍色個款，佢個質地我係勁中意擦上去清爽又唔油膩，但用曬之完想轉試物防曬，咁本身想買Dr.Wu嘅物理化曬見網上啲人都話好，但搵唔到想買嘅個支🥲 之後就轉左買Anessa呢支物理+化學防曬，無酒精無香料又無色素不泛白，用後感得呢支係實力防水防曬😆 防曬力)Anessa唔使多講，個人覺得基本上唔會曬黑，SPF50+PA++++ 質地) 質地好輕盈，擦落係好絲滑嘅feel，有種形成一層保護膜嘅感覺，擦上去有少少油感但又唔會話好笠，而吸收速度都快。 幾啱妝前使用，冇潤色效果 見佢有遇汗禦強防摩擦技術，可以延長防曬時間，唔使話太勤力補防曬，啱曬我呢啲懶人😂 依家出街戴住口罩又熱塊面好易出汗，成日要抹汗，之後有次除口罩男朋友都哇左聲話我塊面有好多粒汗珠😂尷，咁但係防水汗同防磨擦方面真係幾ok。 防水防汗抗摩擦測試埋) 隻手背用毛巾磨擦完再噴左啲水試下佢防水力同抗摩擦力，如圖，係形成一粒粒嘅圓形水珠狀態👍🏻利申非打手純粹用後感🤣

robinsbk好用推薦：本身係大乾肌+間中敏感 所以一直都係搵啲物理防曬嚟用 唔會對皮膚造成傷害 但以前好多物理防曬都會好笠好有存在感/粉粒感重🫠但呢隻質地真係易推! 水潤得嚟唔黏笠! 重點係真係long lasting+防到曬!! 之前夏天出海玩2-3個鐘唔補之下塊面都無曬黑無曬紅 船P全日8個鐘 補一次就OK都係無黑 (不過有戴帽) 推介俾所有乾敏肌!! 佢好似係萬寧watson都幾常做優惠 上年同frd夾一人一枝都係百6蚊左右~

Noel好用推薦：由於已經停產了，就只作簡單分享~ 因為對品牌非常信任，所以就試試金色防曬以外的產品🤣 這個Anessa 防曬BB 霜， 我選用了 #自然色。整體感覺比較油膩，不算貼服，而且兩個色號都有點偏黃啊… 遮瑕度 🌟🌟🌟 持久 🌟🌟🌟🌟

winniemaow好用推薦：防曬效果不容置疑，質感水狀幼滑，但因為有色，所以較難推得均勻，出汗後容易有一撻撻，而且只有Natural 同Light 兩隻色，如果平時對妝容有較高要求會失望。但對唔想曬黑、但又唔想素顏去郊游玩水嘅懶人來講，係個唔錯嘅選擇。

lingbb好用推薦： - 因為Anessa牌子效應而入購，耐水、耐汗及皮脂，係戶外活動時用 - 小小一枝出外補好方便 - 噴出黎係一層白白地色嘅油，有陣膠膠地嘅味，要立即推勻，面部如果帶妝就噴唔到面，但呢個質地噴面應該都會幾黏笠。 - 臉部、頭髮都用得嘅防曬，但唔敢噴頭因為唔知會唔會黏埋一齊，而且有點白色 -60g勁快就噴完，CP值品唔高，

jhope0725好用推薦：介紹: 32mL, SPF 50, PA++++ 優點: 呢個牌子嘅防曬出咗名防曬係數高，佢真係即使出去戶外活動用都唔會曬黑。佢嘅質感會比較油一d，但係都好容易推得開。佢唔會有一種用咗上身之後泛白嘅感覺。呢枝特別在於佢係噴霧式，特別適合用來補防曬。而且非常方便攜帶，唔會好似液態裝咁怕佢流出嚟，整污糟手袋或者背囊。 缺點: 佢嘅價錢稍為貴d，不過做到咁高效防曬都係值得嘅。而且噴霧裝嘅缺點就係覆蓋程度未必非常均勻，所以用嚟補防曬就比較適合，如果用作底層防曬，就唔太建議。 建議: 先用同牌子嘅防曬打咗底先，出左街唔想用手直接掂到防曬的話，用呢支噴霧補防曬就非常適合。

Jayla好用推薦：質地：不流動乳液，gel狀 顏色：白色，塗開變完全透明 適用人群：喜歡有點滋潤感，敏感肌，嬰兒都得 Anessa嘅防曬多年嚟口碑都好好，而呢支極防水補濕低敏UV乳霜係我嘅秋冬愛用防曬。 SPF34 PA＋＋＋系數唔算高，所以我一般係返工嘅時候用嚟做身體防曬。擠出嚟係白色乳液，比較似gel嘅質地冇乜流動性。搽開之後會見到微微反光嘅膜感，唔會完全吸收晒，摸起嚟都會保留少少滋潤度，所以我會朝早直接省略body cream。搽起嚟膚色冇任何改變，所以冇泛白問題。當噴水上水測試嘅時候見到係一粒粒水珠浮喺皮膚上，證明防水能力相當唔錯。沖涼嘅時候可以正常沖走，冇需要額外卸妝程序，亦冇感覺到殘留。

Noel好用推薦：Anessa 防曬係信心保證，這系列的低敏配方我就用過防曬乳液了，後來就試試手上這枝乳霜，因為大大枝，感覺更優惠❗極防水保濕低敏 UV 乳霜呈白色，中至低流動性，延展性不錯，小小就夠塗全面，如果像圖一的份量塗全面，就會 too much🤨 防曬乳霜滋潤感強，乾肌友善，可以直接當成妝前乳使用👍 沒有泛白，讚！不過因為係防水防汗配方，使用後會感覺有層野，不夠清爽，但可接受啊👌

維他他好用推薦：唔適合我，個人覺得好濕，好難推開，用完暗啞，冇乜光澤，唔推介，麻麻地

Karman28好用推薦：之前買過另一品牌同類型產品，覺得好好用，所以買左呢個。不知道係膚質唔同左定咩原因，呢隻用上面，效果唔太理想，特別係甩皮位，會好唔自然。

killkew.b好用推薦：Anessa新產品非常吸引，我已率先購入試用。 產品質地屬輕爽乳液狀，上臉清爽無負擔， 亦冇油膩感，質地望落有少少近膚色， 可以做到少少均勻膚色既效果， 非常適合用作化妝底霜， 每日搽完佢上少少遮瑕膏再用粉餅定妝， 已經係每日必備😌 最特別當然係當中既革新「Sun Dual CareTM」濾光活膚科研成份，有效阻截UVA及UVB， 更加可以將陽光中有益光譜濾化至美肌能量， 改善同抑制因光老化產生的肌膚問題， 提升肌膚彈性、緊緻飽滿、有效改善乾紋， 做好防曬之餘亦可以好好修護肌膚🤗 作為乾肌既我亦冇覺得用完好乾既情況， 感覺舒服亦有保濕度💞

LenaC好用推薦：多謝@cosme 舉辦嘅會員活動 好幸運被選中成為得獎者☺️☺️☺️☺️ 有機會試用Anessa 嘅呢款全效濾光活膚UV 乳液💕 佢嘅特別之處係不單有效阻截UVA / UVB 仲可將陽光中嘅有益光譜濾化至美肌能量❤️‍🔥❤️‍🔥❤️‍🔥❤️‍🔥❤️‍🔥 抑制因光老化產生嘅肌膚問題 防止肌膚老化 提升肌膚彈性❣️ 質感方面係輕盈清爽嘅乳液 佢蘊含多種活膚成分 包括螺旋藻精華、礦物粉末等 仲有保濕成分如刺梨花精華、黃花精華、透明質酸、膠原蛋白等 做到持久保濕 有效改善因光老化引起嘅乾燥細紋 用後感🤍💛🤍 防水度：💎💎💎/5 防摩擦度：💎💎💎💎/5 持久度：💎💎💎💎/5 保濕滋潤度：💎💎💎/5 佢略帶淡粉紅色調 有助完美修正同提亮膚色觸防曬保護肌膚之餘可作妝前底霜使用 🌸 絕對係將護膚同修飾化妝合二為一嘅典範 #cleanbeauty 而且使用一般卸妝產品就可以輕易卸除 非常方便 #clean beauty

羅小白好用推薦：戶外運動用嘅話確實係曬唔黑，仲要幾持久，不過仲未真係幾臭，同埋用完塊面幾油，一定要用碎粉，同埋有種黐立立嘅感覺，但勝在防曬效果真係好好，比較適合攞嚟搽手腳

Karman28好用推薦：舊包裝時都有用。防曬一般都會比較油，但佢呢支係有少少似cream狀，所以使用時都覺得比其他防曬清爽一d 。我通常都係用係手腳，一般戶外活動，呢隻防曬都夠防曬系數。

維他他好用推薦：一支有齊bb cream, base同粉底液勁效，仲持久防水，又有SPF50防曬，好適合夏天戶外活動使用，對我黎講支野幾好用

A&R好用推薦：BB cream的質地很貼膚，防曬指數很高，有滋潤效果，但是遮瑕度不高，用於平時素顏打底是相當不錯的