xxxcwing好用推薦：多謝cosme 抽中試用~ 因為我比較少化眼睫毛 所以技巧一般 可以比各位新手參考~ 首先講下佢個包裝先可能因為行簡約風格，所以都係同其他產品一樣有字同底色太似而睇唔清 不過都係一d 小問題 而佢嘅刷頭有別於一般睫毛產品，佢嘅刷頭係相對細而且材質方面係用膠，除咗方便刷出更幼細嘅睫毛之外亦相對衛生 之後可以睇下佢嘅質感 可以睇得出佢用上述嘅刷頭刷得出一條條根根方明嘅線，而且佢雖然有纖維但相對少同短，會比較自然同適合打底 而佢嘅防水防油效果亦相當不錯，用力捽都唔會化開 首先呢個係我淨係夾咗睫毛嘅時候 我本身嘅下眼睫毛比較少同短 上眼睫毛一般呢個係用咗睫毛打底之後 可以明顯見到有效令我嘅下眼睫毛明顯纖長咗 而上眼睫毛則做得到根根分明 雖然冇影到但我喺持妝8小時嘅情況下睫毛依然能保持根根分明，持久力不俗 總括然而呢款係我會回購嘅產品 因為佢化得出自然同根根分明嘅效果 而且亦能夠令我嘅下眼睫毛變得纖長，即使喺冇上睫毛膏嘅情況下依然有不錯嘅效果，如果唔想眼睫毛太誇張單塗亦不失為一個好嘅選擇。

wandywsy好用推薦：多謝Cosme 比我試用ettusais 既魔束捲翹睫毛底膏～ 平時出全日街都怕睫毛膏會暈染而唔擦既我今次試下加左眼睫毛底膏後整個妝容會唔會更加好 呢個係試咗上手的效果，可以睇到眼睫毛底膏裏面包含了一點點黑色纖維，而且顏色是半透明的，可以營造出比較自然的效果。 我先用睫毛夾夾了睫毛然後再上眼睫毛底膏，可以睇得出擦了底膏後眼睫毛會比平常更深色，整體比較翹又不會顯得誇張，營造出睫毛比平時更長同時又根根分明的感覺。 之後再上睫毛液，可以看出眼睫毛已經有束感的效果，整個眼妝都比較乾淨。 上了妝8小時後，係香港26度的天氣下，睫毛膏仍然沒有溶，眼下也沒有暈染，可以話係持妝效果比想像中更持久。 有點疑惑的是，上了睫毛底膏後（沒有上睫毛液的情況下），卸妝時用眼唇卸妝液，眼部竟然也卸不出什麼。 在上了睫毛底膏和睫毛液後，卸妝時也只卸得出一點點黑色的東西。 比我平日用其他品牌睫毛膏後卸妝的感覺不一樣。 總括而言，ettusais 既魔束捲翹睫毛底膏帶比我蠻不錯的感覺而其持妝效果也令人比較驚喜～

Nicnic好用推薦：夏天有好多水上活動，一支起防水嘅Mascara 係必備的，呢一支mascara超防水，船P都唔甩 ✅可濃可淡：上圖係較自然效果，用咗比較少嘅膏體都可以太陽花嘅效果，有自然放大眼嘅感覺。如果用得比較多膏體，就有濃密效果，不過就要小心啲唔好搽到曱甴腳。 ✅勁太陽花：最鍾意佢個curve 極靚 💯 ✅持久度高：不論淡同濃個curve 都hold 得住，大概6/7個鐘之後會drop 少少。而且唔會smudge 或者溶 👍🏻👍🏻 ❗️一定要用眼唇卸妝液卸妝 ❗️要小心控制用量

Karman28好用推薦：kissme 既眼妝產品真係好好用，睫毛膏都唔例外，我唔係成日用睫毛膏，但呢款好易上手，唔會整到好似好污糟咁。

agnessstang好用推薦：性價比超高嘅開架睫毛液 適合喜歡自然妝感嘅女仔👧🏻 唔係heavy嘅mascara 防水防汗防油 我用嘅色號係01透明 另外仲有02黑、03啡、04酒紅色🍷 幼直嘅刷頭可以搽到根根分明 亦更容易處理近眼頭嘅睫毛 單用嘅話會係偏自然嘅妝感/清啲嘅眼妝👁️ 用睫毛夾夾完之後用可以keep到少少捲翹 (電熱咗睫毛嘅話會更翹) 自然嘅翹 唔係勁翹嗰種 唔會有纖長濃密效果 透明色亦可以當做打底 之後再上有顏色嘅睫毛膏 會令睫毛膏hold得好啲

auntiemuscle好用推薦：之前已經用左啡色同埋透明base 再入手埋黑色 真係 好好用 佢係梳頭黎但都好易控制 因為極身睫毛比較短硬 夾完就算好翹 一上左mascara就會塌返 呢隻係唔會而且全日都保持到捲曲度 我都有時會再用電熱睫毛去整再翹啲 燙完都唔會痴埋一舊 而且係做到濃密同增長 但當然唔夠有纖維果種增長度 亦都有要定持隊度 全日都冇溶 冇甩粒粒既程況 如果好驚做唔到分明 就輕手啲梳 同埋搽之前用紙巾抹走少少膏體先 暫時係我既HG mascara 大推！ 睇返圖左右眼有對比（冇修圖）

Becky32好用推薦：第一次用呢支睫毛液，有驚氣，搽下眼睫毛，好突出，依家一定搽埋先出門

Noelle S好用推薦：Mascara 跟同牌子唇膏品質一樣好。刷頭細但唔算好細，效果根根分明，自然纖長；番工化淡妝非常合適。本來逛網上官方旗艦店睇下唇膏，見mascara 價格便宜便買來試試，意外好用。

chasiutung好用推薦：Kate極致大眼睫毛底膏 透明gel狀質地加幼細黑色纖維  毛毛搽上眼睫毛會變有乳白色嘅絨毛感 乾左睫毛會定型但吾會生硬 感覺好輕 一d都吾厚重 之後搽平時用開嘅睫毛膏疊塗上去 可以做到纖長根根分明嘅豐盈效果 Kate依支眼睫毛底膏防水防汗防皮脂 好似我依種又大汗眼皮又油嘅人士都可以用 一整天睫毛依然捲翹完全無塌 而且一條纖維都無甩 👍非常好用 一直回購

tammpt好用推薦：呢個睫毛底膏係白色 夾完睫毛搽一次會有纖毛痴住本身嘅睫毛 有加長同加密嘅效果 要另外再搽自己嘅睫毛膏去遮返啲白色 有時遮唔曬會變咗好似塵痴係睫毛咁🤣

wandywsy好用推薦：多謝Cosme 比我試用ettusais 既束感雙頭3D睫毛液～ 平時出全日街都怕睫毛膏會暈染而唔擦既我今次試下ettusais既睫毛液～首先可以看出睫毛液是有兩個頭的，齒梳用來打造根根分明的效果和梳順睫毛，另一邊用來營造束感的睫毛效果。 呢個係試咗上手的效果，可以睇到眼睫毛底膏顏色是淺黑色半透明的，比起其他品牌顏色可以算是比較淺的。 我先用睫毛夾夾了睫毛然後再上眼睫毛底膏。 之後再上睫毛液，可以看出眼睫毛已經有束感的效果，整個眼妝都比較乾淨。 第一次試用這個睫毛液手法有點生疏，結塊情況不算嚴重，試用幾天後可以輕易打造出束感的效果。 上了妝8小時後，係香港26度的天氣下，睫毛膏仍然沒有溶，而又保持到睫毛翹的感覺，眼下也沒有暈染，可以話係持妝效果比想像中更持久。 在上了睫毛底膏和睫毛液後，卸妝時也只卸出一點點黑色的東西。 比我平日用其他品牌睫毛膏後卸妝的感覺不一樣。不知道是不是要配合其他卸妝手法或用溫水卸妝呢？

xxxcwing好用推薦：多謝cosme 嘅試用邀請 因為我比較少化眼睫毛 所以技巧一般 可以比各位新手參考~ 首先講下佢嘅刷頭，係難得一見雙刷頭 其中一面齒梳比較常見但都算少有，我個人比較鍾意呢個刷頭，因為對於新手而言呢個刷頭比較容易刷出一束束根根分明嘅睫毛而唔會變到曱甴腳咁 另外一個刷頭就係幫助刷出一束束嘅感感而講到佢嘅質感 可以睇得出佢嘅設計幫助佢每次出墨比較少亦都唔太覺佢嘅纖維 所以唔會用得過多而刷到太重令睫毛垂落或者令睫毛痴埋一齊 防水防油到唔錯，持久度亦冇問題 呢個係淨係用咗睫毛夾呢個係用齒梳後呢個係用埋另一個刷頭 總括而言 呢一款睫毛膏係適合想梳出一束束女團感睫毛嘅人~如果想令睫毛顯得濃密/修長嘅就未必適合啦

Winnie好用推薦：對我來說，刷頭太大了，不太合眼型，應該比較適合眼大的妹子。有增長及增量的效果，整體效果滿意。

lingbb好用推薦：我連埋下睫毛膏一齊買，佢刷頭好大我反而覺得幾好掃，但同下睫毛膏一樣必須要打底先痴到我既眼睫毛，佢做到貼住眼睫毛唔會有曱甴腳，如果佢有增長或豐盈款就更好， 總括來說，中規中矩！ 

Circlecyy20好用推薦：可能因為係濃密型 搽上眼睫毛會好似顯濃妝 而唔係濃密既效果 都係鍾諗纖長型多d

Cheung2好用推薦：別人的蜜糖🍯我的毒藥🥲 比過幾次機會佢，其實都宜用唔會變曱甴腳，但次次都係兩個鐘內變熊貓眼🐼

Kura好用推薦：呢款睫毛膏嘅刷頭都係太大，缺點都係開封之後好快就乾，好難打造好靚嘅睫毛造型

killkew.b好用推薦：刷頭好大，唔太岩亞洲人眼型使用， 好容易搽搽下整到眼周圍， 雖然顏色好夠黑，但係膏體太厚身， 會搽到變成曱甴腳🥲

Tobimak好用推薦：從香港屈臣氏購入，性價比極高。搽上睫毛後根根分明及很顯長。唯一美中不足就是略嫌刷頭沒有一邊專供下睫毛用，所以趕時間時會有不便。 #平價彩妝

Tiffany好用推薦：又平又好用，去台灣旅行時買就更抵買 防水、捲曲、纖長、濃密 比起好多日本品牌都好用 更適合香港潮濕的天氣🤣