Aivlys好用推薦：我其實係呢款胭脂嘅腦殘粉haha， 基本產收集曬香港有得賣嘅色號， 連冇得賣嘅42同43號都特登搵咗去英國旅行嘅朋友代買， 原因係因為佢實在太多優點！ 外型細細粒似足macaron咁可愛， 外殻顏色就係胭脂嘅顏色， 想揀咩色都一目了然， 有塊細鏡同一把細掃， 帶出街用都好方便。 顏色選擇非常多， 無論想行知性姐姐、可愛妹妹、歐美冷酷、日系娃娃定韓系活潑路線都一定有一款啱用。 顯色度適中， 粉質細膩， 掃上兩頰都唔會顯毛孔或者一撻撻。 個人覺得呢款胭脂真係好正， 如果出新色應該會唔理三七二十一就去買！