INNISFREE 好用推薦產品

Akassoo好用推薦：呢排夏天勁熱勁曬🌞☀️、作為混乾肌嘅我，T字部位出油出到不得了。 而INNISFREE呢支控油防曬主打塑造霧光肌感防油光，同埋可以作妝前底霜達至提亮和防曬效果，佢有SPF50+ PA++++、有埋控油同提亮膚色功效，所以我妝前搽完保養品之後就係用呢一支做埋防曬同底霜（妝前打底），一次過搞掂。個人都幾鍾意呢支控油防曬，搽完之後冇黏笠，而且T字部位真係做到控油效果，不過係有啲厚重。

維他他好用推薦：用過呢一隻嘅黃色舊版 Innisfree呢支防曬tone up幾自然，會提亮，但又唔會死白，不過就比較笠，用完係要用粉去令塊面乾爽返or用紙巾印一印防曬，否則塊面會比較反光，一出街會易痴塵，但overall其實除左笠以外，都幾好用同幾抵用。

Akassoo好用推薦：作為混乾肌嘅我，T字部位出油多。再加埋呢排夏天曬到不得了，就算短暫出門都一定要搽防曬！ 而INNISFREE呢支強效UV持久防曬霜有SPF50+ PA++++，主打清爽霧面、具強效防水功效、重點係適用於戶外/水上活動，適合油肌和混合肌使用。 所以前排去沙灘嘅時候，就特登用咗呢一支防曬霜，結果喺暴曬嘅情況下又真係冇曬傷之餘，亦都冇曬黑到！ 整體嚟講覺得佢防曬嘅功效係足夠，但呢一隻防曬霜喺搽嘅時候有浸味道，個人唔係幾聞得慣，同埋有啲黏笠。

Water好用推薦：具高防曬系數同有潤色效果，係方便嘅。但對於混油肌嘅我黎講，一上面就好有黏笠感，搽完一兩個鐘面油直情多到可以煎蛋，一定一定要上一層碎粉先會好少少。防曬有其他更好選擇，混油肌/油肌慎選！

格仔餅公主好用推薦：好有期望嘅product,不過出黎有啲失望,無調色修飾既效果仲有啲笠，唔係想像中咁爽，建議試真啲tester覺得岩再入手

Chloeincosme好用推薦：🤍 質地與保濕：3.5/5 Innisfree呢支保濕防曬質地偏水潤，推開時幾順滑，唔會泛白或黐立立～保濕效果算合格，但對於乾肌來說可能唔算好突出，中規中矩啦～ 🤍 防曬力：3.5/5 日常通勤使用應該足夠，SPF50+ PA+++規格理論上幾全面，但如果長時間戶外活動就可能要勤啲補搽，畢竟質地較輕薄，持久度一般～ 🤍 便攜度：5/5 最大優點係細細支超方便！可以輕鬆放入小廢包，出街補防曬毫無壓力～設計輕巧，帶去旅行或者日常補塗都非常適合～ 🤍 妝前兼容：3.5/5 用後上妝未至於打架，但都唔算特別貼服～有少少影響底妝持久度，建議等佢完全吸收先再上粉底～ 總結： Innisfree呢支保濕防曬屬於「無功無過」嘅基本款～適合需要輕便防曬、日常簡單保濕嘅人！如果你追求強效防護或者極致保濕，就可能要考慮其他產品～但貪佢細支方便出街補塗，都算係唔錯嘅選擇！

今晚11點你會做啲乜嘢呀？好用推薦：年過30 ，女友話我好多雀斑，所以之前被逼去咗打正打斑。搞完之後個美容師同我講要做防曬同保濕，咁防曬就是但執咗支最多「+」號嘅嘢。 每日出門口之前整兩滴，因為啲嘢白雪雪，所以搞到個人好似再白淨左，呢幾日熱到甩肺都冇話癡立立，用咗一兩個月覺得女友態度好咗，咁我諗應該係支野真係幾有用。 就係咁