INNISFREE 好用推薦產品

Akassoo好用推薦：其實自己一直係innisfree嘅忠實fans，已經用咗佢哋嘅產品超過6年以上，綠茶系列就係我一直都最鍾意嘅系列，佢嘅爽膚水、精華同埋面霜都係我一直咁多年keep住有回購嘅。 呢款綠茶系列爽膚水我由舊版用到新版，主要係洗完面之後緩解緊繃，亦都可以保濕。 我會倒喺化妝棉擦拭，對我嚟講就係可以保濕同埋上臉嘅感覺舒服。 #我的最愛化妝水

Emily Leung好用推薦：呢支 #紅茶精華水 真係不得了！ 質地有啲似好稀嘅蜜糖水 撳兩下就夠搽全面 拍拍吓好快就吸晒收 用完塊面即刻飲飽水咁 軟淋淋又唔會黐笠笠 最正係用咗個零星期 朝早起身照鏡 發現個膚色冇以前咁易黃 睇落透亮咗 同埋表情紋好似冇咁明顯 （可能因為皮膚飽滿咗？） 陣味好療癒 好似沖緊壺靚紅茶咁 每次用都覺得好放鬆 總之呢支真係 ✅ 保濕力強 ✅ 抗氧抵暗沉 ✅ 膚感滿分 會想繼續用落去睇吓效果！」

Ming好用推薦：Innisfree嘅產品，使用效果都唔錯，偏向年輕一族使用，呢支紅茶換膚精華霜，用咗大半支，皮膚緊致咗好多，保濕亦都達到，用咗之後皮膚即時感覺到有少少掹掹緊，但係又唔會好油膩，價錢中規中矩，作為日常使用還不錯。

lingbb好用推薦：- 紅茶噴霧噴出黎既水珠係我少有用過比較幼細既 - 欣賞佢既噴頭設計能夠噴出超微細霧狀噴霧！ - 噴完唔會有水流落黎，塊面可以更快吸收。 - 香味係紅茶，但我聞到綠茶味，原來佢係Beauty Green Tea（經過廣大範圍研究後得出的Innisfree獨有的綠茶品種）透過自然發酵而成的「紅茶」. - 噴完既皮膚係有滋潤感。 - 我覺得幾岩秋冬天使用，佢既香味比起其他用過既比較濃一點！

Lumi Kwan好用推薦：我公司櫃桶長期都有一支，午飯之後我會喺公司噴一噴，感覺好清爽。雖然佢唔係定妝噴霧，但都唔會令到本身妝容甩，香味好清新，有時覺得攰嘅時候拎出黎噴一噴，感覺即刻精神返晒。

格仔餅公主好用推薦：平時雪係雪櫃夏天熱熱地用黎係搽toner之後濕敷，幫到皮膚降溫同有唔錯既保濕，效果唔錯大家可以試吓架

Sarah好用推薦：這款好似已經改版？唔見官網有，之前用過覺得幾好用可以保濕，價格又實惠。

KDing好用推薦：噴霧都算幼細呢個算係去完gym Room之後想簡單保濕會帶過去噴嘅product

Hamiii好用推薦：行山當保濕噴霧用 可以輕輕紓緩到曬紅左既皮膚 溫和唔刺激，小朋友用都無咩問題

Jasmine Yuen好用推薦： 1. 深度保濕：使用噴霧後，肌膚會感覺非常滋潤和水潤，能夠有效地提供深度保濕，減輕因乾燥而引起的不適感。 2. 舒緩肌膚：Innisfree 綠茶保濕噴霧含有豐富的綠茶萃取物，能夠幫助舒緩肌膚，例如曬太陽後使用可減少紅腫和刺激，使肌膚更加舒適和柔軟。 3. 提升肌膚亮度：綠茶成份具有抗氧化的功效，能夠有效地清除肌膚中的自由基，提升肌膚的亮度和光澤。 *返工時坐冷氣房，得閑噴下都覺得好提神👍🏻

Lumi Kwan好用推薦：佢比起紅茶噴霧，噴嘴噴出嚟嘅噴霧更幼細，但係保濕效能一般，噴完之後半小時，都會覺得皮膚有啲乾，如果講CP值，我覺得紅茶噴霧比較好。

janna17好用推薦：早前有一排壓力大用過好多藥妝店product都唔得，就買左一set呢個系列嘅產品試下，不過效果欠奉。首先本身佢個質地都比較厚，如果唔覺意搽多左少少都有機會致痘。用左呢個product幾個月，用曬都唔覺得痘痘有改善🥹🥹整體皮膚狀況都無好到，不推介！

jhope0725好用推薦：細個以為暗瘡只係會喺油脂分泌旺盛嘅時候出現，冬天一定唔會有，大個就知無論係普通暗瘡，定係壓力瘡，冬天都有機會形成，自然就要搵相應嘅產品，但又唔可以用夏天嘅控油產品，之後就比我發現咗呢支爽膚水同乳液之間嘅產品！ Innisfree曾經大力推呢條line，主打舒緩去暗瘡，同時保濕。特別留意佢成份含有榧子同積雪草，係唔少抗敏舒緩產品都會有嘅成份，對治療暗瘡尤其有效。入面重有含保護肌膚的"榧子果油"及"維他命原B5"，有效對抗外來刺激物，例如係致敏源同油脂分泌。有暗瘡少不免就會有痕癢同泛紅，呢個產品可以有效舒緩紅腫，尤其適合一啲有暗瘡，唔喜歡再用太多護膚產品嘅朋友👍🏻我試過用喺暗瘡上面都OK，唔會話好似有啲護膚品咁加劇暗瘡發展 佢顏色呈乳白色，推開嘅質感介乎乳液同爽膚水之間。鍾意佢嘅原因係，佢比爽膚水更加濕潤，唔會好快蒸發，保濕效果比普通爽膚水更高，尤其夜晚用完，第二朝保濕效果更加明顯。如果前一晚面上有泛紅情況，朝早基本上已經會消退一d，連續用三至四日效果會再明顯啲 而且佢性價比都幾高，我用全塊面，大約三至四滴，至少可以用到兩至三個月！ 不過唯一希望改善嘅地方係，佢嘅質感有啲黏。我比較喜

Selina 好用推薦：早排塊面乾到裂開，粗過砂紙…..搽咩都冇救 咁岩搵到支旅行裝 見佢係高效補濕就試試佢 三日後塊面奇蹟地前所未有咁滑😱 本懶人平日好少認真保養自我放棄 今次完全覺得原來自己係有得救😂 真係太神奇 柔膚水日夜都適合用 完全唔會黐立立 少少香味 用完全日都feel到塊面唔乾 補濕效力真係高 推薦推薦～我自己都會再買！

choichoi好用推薦：用久了有種氣味過於人工的感覺（當初都不太覺得），保濕效果不過不失，能帶來即時舒緩乾燥的效果

AmyAmy好用推薦：質地比較濃稠，夏天用嘅時候完全唔OK，好難吸收，仲會搞到塊面好黏同埋油

mandy好用推薦：來自濟州島的韓國天然品牌 innisfree 繼綠茶系列後最風靡 的產品, 很好用的大豆系列。    innisfree soybean energy essence intensive care set  (ESSENCE + 3PCS PAPER MASK)  $350/ set innisfree soybean energy essence   150ml  含有大豆、蓮花、梅果 及甘油等保濕成分, 而且不含防腐劑。  最好在製造日期後3年內及開封後12個用內用完以獲最佳效果。 能量精華液水水的質感, 不會感到黏膩及很好吸收。 非常保濕及溫和, 使用後完全沒有敏感, 而且有提亮皮膚之效， 使肌膚有亮白透明感。 可選擇用沾濕能量精華的棉花 抹面 或是直接用手沾取精華, 使精華暖一點再輕力拍面。 手的熱度可以使皮膚更易吸收精華。  使用次序:  cleanser --> SOYBEAN ENERGY ESSENCE --> SKIN (TONER)-->LOTION  --> EYE CREAM --> CREAM  可以視為潔面後的FIRST STEP 

choichoi好用推薦：質地為透明的水狀略呈膠水般的稠密感,是款明顯針對補濕訴求的化妝水,塗抹後皮膚充滿潤澤感也不黏笠,唯此系列人工香味較重,有些人或許會感受不了

stardustz好用推薦：質地輕盈水潤，滋潤度頗高。肌膚乾燥是還能用在海綿上濕敷10分鐘。