BIODERMA 貝膚黛瑪 好用推薦產品
BIODERMA 貝膚黛瑪 卸妝 推薦產品一覽 5 件
我的骨盤最端正好用推薦：皮膚混合偏油 皮膚唔算極度敏感 但係較容易敏感 以前用過某落妝產品抹多幾次眼、面會有刺痛感，以為正常，機緣巧合買嘢送咗支Bioderma試用裝，用完之後覺得超級舒服，之後不停回購，咁我一用就用咗起碼十年，無再換過其他落妝水，同埋重點係佢一支可以用好耐XD 呢支嘢真係我幾乎每日都用到，鍾意佢完完全全冇香味，夠溫和，唔會有陣化學香料味。無論係平時落妝定係素顏只想抹走面上啲塵同油脂，用佢抹完都覺得好清爽，啲污糟嘢一抹即淨。最重要係佢一啲都唔「揦」眼、唔刺激皮膚，每次用完都感覺好安心，唔會驚敏感或者令皮膚變乾。 平時化妝都幾濃，全妝上陣，佢落妝力強，連頑固嘅彩妝都可以抹得好乾淨。 同埋唔一定化咗妝先可以用！我自己就會冇化妝時都可以當日常清潔用，抹走塵同油脂，點樣用都無負擔。適合追求簡單、驚刺激、或者本身皮膚比較敏感嘅人。 我用咗咁多年，皮膚一直好穩定，完全冇出現過刺痛或過敏，清潔能力亦無可挑剔。如果你想搵支用得安心嘅落妝水，Bioderma 真心好用推薦大家用。 (如果有泵頭裝，記得買泵頭裝！超方便！！)
<看全文>Emma好用推薦：呢款係我由開始化妝就用既第一支卸妝水，一直到而家都用咗起碼有5年啦 ✨質地清爽如水，零油膩感： 倒出嚟同水一樣，上臉完全冇負擔，唔會好似用卸妝油咁驚起油脂粒或者笠痴痴，用完塊面係清爽舒服既。 ✨性質溫和，敏感肌恩物： 配方簡單、不含香料同酒精。就算有時皮膚敏感、或者做完果酸之後皮膚脆弱，用佢黎抹面都唔會刺痛或者紅腫。 ✨性價比高： 佢成日有大容量裝買一送一優惠，價錢非常親民，日日用都唔肉赤。 ✨零殘留、唔洗過水： 官方標榜用完唔洗過水直接訓覺都得，但對於我黎講，試過lam到未過水既嘴係苦苦澀澀既味，同埋慢慢塊面會好乾，唔過水第二朝會出好多油，所以習慣用清水過一過。佢嘅優點係唔會留下一層膜感喺皮膚表面。同埋真係超級攰既時候都可以偷下懶 🥲卸頑固彩妝比較吃力： 佢用嚟卸日常防曬、淡妝或者粉底係一流既，但如果今日畫左防水睫毛液、持久型唇膏或者眼線，就一定要配合專用既眼唇卸妝液，或者要用化妝棉敷耐啲先得 🥲依賴化妝棉，容易拉扯皮膚： 因為係水狀，一定要配合化妝棉一齊用。為咗唔好同肌膚咁多磨擦拉扯，我通常會濕敷先再抺 🥲乾肌冬天用唔夠保濕： 對於乾性皮膚或者冬
<看全文>
Lydia好用推薦：Bioderma Purifying Micellar Water — 油痘肌潔淨卸妝水，控油又唔乾澀✨ 質地: 呢款卸妝水質地輕盈，好似普通化妝水咁水水地，完全無色無味。浸濕棉片之後，上臉好順滑，一抹就感覺到污垢同彩妝被帶走，唔會黏笠、拉扯皮膚或者留低油膜，潔淨完即刻有陣清新感，好舒服。 效果: 用咗一段時間之後，皮膚感覺被淨化咗，油光冇之前咁嚴重，痘痘情況都穩定咗。特別適合我呢個混合偏油肌，日常卸妝同潔面都夠用，尤其出門或旅行唔使洗面都幾方便，皮膚狀態整體平穩咗，冇乾緊或者緊繃嘅問題。 不過如果化咗好重嘅眼妝，可能要多用一兩塊棉片先完全卸走，潔淨力雖然強但唔算「一擦即走」到極致。 總結：油肌日常潔淨神器，溫和控油之選 Bioderma Purifying Micellar Water屬於無需沖洗嘅卸妝水，適合想徹底潔淨又怕乾緊皮膚嘅油痘肌用家，日常使用幾推薦，性價比高，值得一試✨ #卸妝
<看全文>Lindabb好用推薦：法國貝德瑪BIODERMA 控油卸妝水 我係輕敏感肌膚，去到夏天T區仲容易出油，又唔中意用油膩嘅卸妝油或者卸妝膏，法國貝德瑪呢個牌子嘅卸妝水係我目前為止用過嘅卸妝品裡面最中意嘅一款。 貝德瑪粉水同綠水我都用過，兩者有好多相似之處，配方安全，都唔含皂基、唔含酒精、唔含防腐劑之類，亦都唔使二次清潔，真係懶人必備。 分別就在於粉水更加適合敏感肌，綠水就更加適合油皮、混油皮、痘皮或者夏天用，因為佢含有銀杏葉提取物，可以預防皮脂積聚，持久保持肌膚水油平衡，咁就可以預防我哋平時夏天最易遇到嘅痘痘閉口問題，係油皮、混油皮、痘痘肌必入款。 每次用完都會覺得皮膚乾淨清爽，又溫和，唔會好似其他卸妝油咁搞到成塊臉油淋淋，完全唔使擔心過敏或者出痘。 只要倒適量產品喺化妝棉上，由內向外擦拭，就可以將皮膚裡面殘留嘅底妝同污糟嘢清潔乾淨，好似普通嘅粉底、腮紅、高光、防曬等都可以好有效卸得好乾淨，冇殘留。 因為貝德瑪綠水係四效合一，所以之後係唔需要再用洗面奶㗎。有痘痘同閉口嘅女仔，仲可以用綠水浸濕化妝棉，輕輕敷喺患處30秒，都有舒緩鎮靜嘅功效。對於背脊嘅痘痘同樣有效。
<看全文>
