CLARINS 好用推薦產品

Poyobb好用推薦：冬季護膚❄️ 每年冬天好乾燥嘅日子我都會用double serum，本身混合性乾性皮膚好少用油嘅精華，因為double serum唔會起暗粒，多年都有用。暫時淨係用過經典款，light版本未用過。 Clarins今年新出嘅第9代賦活雙精華，效果同之前嘅版本大致一樣。質地偏油性，啡色帶有淡淡嘅香味，兩管精華混合之後吱一泵落面霜，可以增加滋潤感，但唔會感覺油膩。 呢啲乾燥天氣用完之後皮膚有明顯改善，變得更加亮麗有光澤，彈性都好左，冇咗嗰種乾燥感可以令皮膚睇落淡紋，有少少飽滿皮膚。毛孔就冇太大改善，因為精華算係滋潤，反而用過多會閉塞毛孔，一泵就夠。 最主要嘅功效都提升皮膚光澤、恢復彈性、抗皺滋潤，而且又係可以一支可以加落粉底液嘅精華，冬天真係必備。 #火熱新品

Also melon好用推薦：雖然我係混合肌，而且都極度少用有精華油嘅產品，但Double serum 佔據我嘅護膚品櫃不可缺少一物。 因為我用得好少嘅份量，通常買咗都淨係次次都買30ml，用完通常就再出新一代了。 我喜歡佢可以調節泵口份量，混合性皮膚用2/1泵啱啱好。而且第九代嘅質地比之前舊版更加清爽。佢唧出嚟係精華+精華油，推開之後吸收，吸收完皮膚係滑而不笠。 混合性皮膚可以開冷氣嘅時候使用，混合一至兩滴喺面霜，第二朝皮膚會比較細嫩，有光澤。或者其實可以混合粉底液使用，乾燥嘅天氣係超適合，粉底會貼好多，鼻翼位嘴角位都唔會浮粉。

Miranda好用推薦：【質感】 雙管設計超級有驚喜，一邊係水溶性精華，另一邊係油溶性精華，唧出嚟係水+油分開兩條，但用手一推就已經融合變成一種好輕盈嘅乳液狀。上面之後感覺好水潤，但完全唔會油淋淋或者黐立立，皮膚好快就吸收晒。最正嘅係佢嘅滋潤度啱啱好，冬天用夠潤，夏天用又唔會覺得焗。而且佢有淡淡嘅花香，聞落好舒服，每次搽都好似喺屋企做緊SPA咁放鬆。 【使用感】 呢支精華主打修復同抗老，成份入面有結合咗21種高效植物萃取，包括起絨草、七葉樹等。我用咗大約兩星期左右，已經明顯感覺到皮膚變得好柔軟、好飽滿，之前因為捱夜而顯得暗啞嘅膚色，都變得有光澤咗。最驚喜嘅係佢嘅修復能力，有次我皮膚敏感泛紅，照常搽佢，第二朝起身泛紅已經退咗好多。佢仲可以幫手淡化乾紋，眼底同額頭嘅細紋望落平滑咗，上妝都貼服好多。我自己係混合肌，T字位易出油，但用佢完全冇生暗瘡或者塞毛孔嘅問題，水油平衡做得幾好。 【持久度】 持久度方面，朝早搽完到晏晝，皮膚仲Keep到水潤同彈性，唔會一陣就打回原形。夜晚搽完，第二朝起身塊面摸落柔軟飽滿，好似飲飽水咁。長期用落去，皮膚嘅穩定性明顯提升咗，就算轉天氣或者捱夜，都冇咁容易突然爆瘡或者泛紅。對於成日要

Eun H好用推薦：Clarins 呢支舊版 Double Serum 真係我嘅秋冬續命水！佢嗰種水油混合配方滋潤感超強，但記得唔好就咁直接搽上臉，如果唔係會覺得好油。最好嘅做法係先喺手心搓開、用體溫整熱佢，等水油充分融合之後，再用手掌慢慢按壓上臉，咁樣精華先會瞬間吸收晒，仲會有一種好自然嘅光澤感。不過呢支嘢真係秋冬先好拎出嚟用，夏天用就太厚喇，凍凍哋嗰陣用佢嚟對付乾燥同乾紋簡直係一流！

Khloe好用推薦：踏入27歲，皮膚開始變得好易乾燥，真係好需要補充水分，我覺得冬季必備精華在此！🤣🤣 雖然上過天然護膚品既堂，知道出油其實係因為皮膚太乾所以出油，油脂都係好好既鎖水功能👍🏻所以我試Double Serum呢款雙相配方既產品，聽講佢可以有效提升肌膚水潤度同光澤感。 有一次行過商場，見到可以拎試用品，我就用咗本身Double Serum嗰隻搽過一次。味道幾芳香，仲有啲沖完涼既抒壓感。好心動！！未試過第二日上妝咁貼，不過我都幾擔心，因為真係第一次用就要用成樽既話，未必頂到一直用咁厚。怕油怕笠既我，就買咗Light Texture版當做入門版試下。 Light Texture版嘅味道同原版有啲分別，佢帶有淡淡既草本香味，我個人比較鐘意原版嗰隻味哈哈！用咗幾日之後，我發現肌膚已經感覺明顯改善咗，水潤感倍增咗🤣🤣 質地輕盈，迅速吸收，完全無油膩感，有啲覺得佢吸得太快（可能我太乾🫣🫣）用咗幾日？光澤感同彈性都有提升，暫時細紋就無留意到有無少咗。總括嚟講，我對Double Serum Light Texture版呢款產品都幾滿意～😎

Odessafafa好用推薦：已經係Clarins Double Serum 賦活雙精華既長期擁躉喇💓對於混合偏乾初熟肌既我，呢支精華可謂完全滿足晒我既肌膚需要，例如撫平額頭同面頰上既乾紋同細紋，改善皮膚部局缺水缺油既情況，滋潤肌膚，均勻膚色，同時改善毛孔粗大既問題。 質地黎講，由於佢屬於半水半油既配方，而且有可以自行調節精華分量既人性化泵頭設計，所以用上面既感覺非常舒服，唔會有過油同黏立嘅感覺☺️對於夏天長期係冷氣房既環境之下，都非常適合使用。而且香味非常宜人，整體既使用體驗都非常滿意，所以非常推薦🙌🏻💓

Sakura醬好用推薦：Clarins 纖顏緊緻精華 詳細測評 1. 質地 · 質感：質地係白色、帶有少少厚度嘅乳液狀，但推開後完全唔會黏膩。佢係一隻有明顯「存在感」但吸收得好好嘅精華。 · 延展性：非常之好，兩泵就足夠搽勻全面同頸部。推開嗰陣感覺柔滑，帶有少少涼感，觸感舒服。 · 吸收度：吸收速度中等，需要按摩大概30秒至1分鐘。吸收後皮膚表面係啞緻乾爽嘅，冇油光，所以之後再搽面霜或者防曬都唔會搓泥。 · 氣味：有 Clarins 招牌嘅淡淡植物香氣，天然唔刺鼻。 2. 緊緻效果分析 · 即時效果 (使用感受)： · 提升感：配合官方推介嘅 「V面」按摩手法（由下至上、由內向外推），用後會有明顯嘅即時緊緻同提升感覺。特別係下顎線位，摸落去會覺得皮膚「繃實」咗少少，視覺上輪廓有輕微收緊。 · 消水腫：如果朝早面部容易浮腫，用佢嚟按摩，去水腫嘅效果相當顯著，塊面睇落冇咁「泡」。 · 長期效果 (持續使用)： · 輪廓線條：持續使用（約4-8星期）有助 「KEEP住」輪廓線條，預防因膠原流失同地心吸力導致嘅鬆弛。對於初老跡象（如輕微嘴邊肉、下顎線開始模糊）有改善同預防作用。 · 皮膚彈性

莓莓好用推薦：Clarins纖顏緊緻精華測評 ⭐️質地 · 觸感：精華質地係白色乳狀，推開後輕身清爽，有少少涼涼哋嘅感覺。 · 吸收度：好快吸收，唔會黐立立，油皮同混合肌都用得舒服。 · 香味：淡淡天然植物味，唔會太濃，適合怕香料嘅人。 ⭐️緊緻效果 · 即時感受：搽上臉後有微微緊繃感，皮膚感覺提升咗少少，尤其係下巴同頸位。 · 長期效果：持續用1-2星期，輪廓線會明顯啲，尤其係水腫型面圓人士，朝早用完塊面冇咁浮腫。 · 緊緻度：對輕熟齡肌（30+）嘅鬆弛問題有改善，但如果係明顯下垂或老化皮膚，效果未必好明顯，要配合按摩同其他抗老產品。 ⭐️優點 · ✅ 去水腫一流：含咖啡因同植物成分，朝早用可以快速消面腫。 · ✅ 質地討好：吸收快、唔油膩，夏天或潮濕天氣都用得。 · ✅ 溫和：大部分皮膚都適用，敏感肌用都冇乜刺激。 · ✅ 設計衛生：按壓泵頭設計，容易控制分量。 ⭐️缺點 · ❌ 保濕度普通：主打緊緻，保濕力唔算強，乾肌可能要再加保濕精華或面霜。 · ❌ 價錢偏貴：專櫃價錢，用量唔算好省，耐用性一般。 · ❌ 緊緻效果較慢：要持續使用先見到明顯效果，唔算即時「V面」神器。

Also melon好用推薦：Clarins美白 serum，屬於夏天清爽類別嘅精華。喺冷氣用嘅話有啲乾，一定要再搽其他保濕面霜！ 佢既主要成份係植物成份+vc提取物，比較天然，孕婦都用得。乳液質地，完全無victmin c油感，感覺清爽。 整枝精華較適合用黎預防，對於雀斑，黑緻膚色白唔到，比較適合均勻膚色及提亮。方便黎講朝早當乳液用，一啲都唔心痛。 效果比同系列美白乳液更好，二選一就得。

Kelvin好用推薦：味道好聞，又幾易推開，沒有油膩感，比較似流質乳液，就算皮膚有少少紅嘅日子用都冇咩問題，不會刺激皮膚的美白精華。夏天用嘅時候有幾舒服，薄薄地一層上面，精華膚感舒適。 美白效果不大，淡斑也冇效，用晒成支都冇乜美白效果。同埋佢要一次差唔多用5泵先夠全面，容量都比較多，但精華唔平。

www好用推薦：本人已經回購了3次，由每次只買30ml貨裝到現在要買50ml貨裝。 對於混合性皮膚的我來說非常之好用，很滋潤的同時又不會過分黏笠。因為內裏也有少量的精華油所以就算是很乾燥的冬天也適用，但又不會令到混合皮膚的人生暗瘡。  #我的最愛精華液 

格仔餅公主好用推薦：有顯著既感覺佢幫到皮膚改善乾燥感，睇落會飽滿左，潤得黎唔笠所以四季用都okay

mandy好用推薦：Clarins  Pore Minimizing Serum 毛孔瞬效緊緻精華 $490/30ml 功效: 控油+收毛孔 質地類似清爽的乳液狀, 極易於推開,  可以集中在毛孔明顯的T字位、雙頰及下巴使用。 收毛孔成效顯著, 我大都在早上使用, 可即時屏敝毛孔、平滑肌膚及控油， 完成清爽啞緻、零毛孔美肌。 夏季不想上妝的日子, 更特別需要用這款精華。 Clarins 毛孔瞬效緊緻精華 + 瞬效零毛孔美肌霜  簡直是熟齡肌必收的零毛孔魔法組合。 有了這兩款產品, 熟齡肌也可打造美美的夏日偽素顏, 可以去油、平滑紋、收毛孔、柔焦美肌,  冇上粉都可輕鬆靚靚出門。 推介熟齡肌及油性肌使用。 含保濕成分: 丁二醇, 甘油, 甘醇酸, 乙基己基甘油, 玻尿酸鈉, 精氨酸 及 辛乙二醇 抗衰老成分: 甘油, 甘醇酸, 酒石酸, 玻尿酸鈉 及 精氨酸 肌膚修復成分: 甘油 去角質成分: 甘醇酸 及 酒石酸 美白/均勻膚色: 甘醇酸 及 酒石酸 平滑肌膚成分: 甘醇酸, 酒石酸 及 酸豆萃取 抗氧化成分: 檸檬酸鈉, 酒石酸, 玻尿酸鈉, 精

choichoi好用推薦：對於我來說屬滄海遺珠的產品，有效將臉頰兩側的粗大毛孔收歛，看上去更加細緻

choichoi好用推薦：質感是油狀的延展性高但相對吸收度有點低，即使按摩吸收也很不理想，每次一丁點上面比較好，是品牌當中令我較失望的產品

Torenia好用推薦：我皮膚白，但係又冇搽防曬的習慣🙊，搞到依家塊面上面有好多雀斑，非常明顯，粉底都遮唔住😭。呢一個精華容易吸收和容易推，而且保濕效果不錯💦，至於最重要的美白效果，用2星期整體膚色就可以明顯亮白🤩，改善暗沉位置，雀斑色素亦慢慢減淡❤️。

stardustz好用推薦：這款精華能夠滋潤及修復肌膚，敏感幹肌的我用後覺得肌膚變得有彈性，臉頰的斑點和毛孔都變得不明顯。配合同系列的晚霜一起使用後膚色變得較均勻透亮!!

lucrezianoin好用推薦：已經回購咗兩次, 真心好用嘅product! 每天使用可以有效收細毛孔, 改善水油平衡, 同埋帶走多餘嘅角質! 我通常朝早用一pump, 夜晚用兩pump, 雖然貴但係值得.

HaloPrettyPig好用推薦：顏色透明，沒什麼味道。質地比水稍稠一點點，沒有太大分別。這個精華水是專櫃櫃姐推薦與double serum混一起用的，說是會提升double serum的吸收力。我單用這個的話沒有什麼感覺，感覺像水一般（？）因為我本來有在用另一牌子的精華水，感覺我自己的那個更濃稠，保濕力更佳，但吸收會很快不會留下黏稠感。這個精華水的話，如果根據櫃姐說法用，的確有提升到double serum的吸收。但其他的功效感覺一般。