CLARINS 好用推薦產品

zzzhelen好用推薦：精華水帶微稠，有我鍾意既玫瑰味，拍上面度有滋潤感。無敏感出現，亦唔會有擦膠碎。夏天唔想用太笠既產品時，我會直接用精華水代替精華油，但如果有細紋時，用精華水係唔夠力架。

Connor好用推薦：長期回購嘅一款爽膚水，質地清爽易吸收，通常我會配合化妝棉一齊用，能夠幫皮膚快速保濕。

Miranda好用推薦：【質感】 質地係透明水狀，流動性極高，比起一般化妝水有輕微嘅濃稠感，但未去到精華水嗰種杰度。推開嗰下非常順滑，上面之後輕輕拍幾下已經吸收晒，皮膚表面會留低一層好薄嘅水潤膜，但又完全唔會黐立立或者油淋淋。佢有淡淡嘅植物草本氣味，應該係蘆薈同藏紅花嘅天然味道，聞落舒服，唔會太濃烈，敏感肌用都安心。不過要留意嘅係，佢嘅瓶口設計偏大，倒出嚟嘅時候要就住就住，否則好容易一次過倒太多，有啲浪費。 【使用感】 呢支化妝水主打保濕同舒緩，含有蘆薈萃取同藏紅花萃取，聲稱可以即時補水、柔軟皮膚、提升後續護膚品吸收力。我用嘅時候會倒喺化妝棉輕輕抹全面，或者直接用手拍上面。即時效果嚟講，皮膚確實會變得柔軟、水潤，洗完面嗰種繃緊感即時消失。但係，佢嘅「保濕續航力」只係一般，如果單用佢唔加後續精華同面霜，大約半個鐘之後皮膚就會開始有少少乾。對於本身係混合肌或者中性肌嘅人，呢個問題可能唔算大，但如果你係乾燥肌，呢支化妝水嘅保濕力可能唔夠「重口味」。另外，佢主打嘅舒緩效果係有嘅，用完之後皮膚冇咁容易泛紅，但未至於去到「急救級」嘅水平。 【持久度】 持久度方面，佢嘅水潤感大約可以維持兩三個鐘。朝早搽完，到晏晝之

Hana0125好用推薦：呢枝爽膚水絕對係敏感肌嘅恩物!!! 成份天然，有清淡嘅草本香氣 ，而且冇添加酒精，咩膚質都可以安心用。 當中嘅植物成份更有效穩定肌膚同即時補濕。👍 好可惜已轉新配方，用完手頭上呢枝就要搵替代品了。

jhope0725好用推薦：呢樣產品嘅配方，專門為油性及混合性皮膚調製，成份方面沒有煉製酒精，即使相對較為敏感嘅皮膚都可以嘗試！ 使用效果方面，用咗一星期，我自己相對油性嘅皮膚係使用後會感覺到出油量比平時減少，尤其是係鼻翼，以及下巴位置。 晚上配合化妝棉使用，亦都會見到有淡黃嘅油漬同角質會跟隨化妝水被抹去，作為二次清潔是非常不錯的選擇！ 我會感覺到有疏通毛孔的感覺，使用完畢會見到毛孔當中的含油量減少~持續使用對改善膚質相信效果更顯著！毛孔肌朋友可以嘗試呢~不過要提醒大家，產品的開口位置較為闊大，要小心控制分量！  香味方面，是草本氣味，各位朋友可以嘗試吓是否適合自己！

Milo101好用推薦：🌟透綠色水狀爽膚水，香氣是帶甜的草本味 🌟比較適合夏天或皮膚不穩定出油時使用，用後感覺水油平衡

MoonMoon好用推薦：Clarins透亮光感淡斑亮肌水實測 💧 喂，想塊面有返種「識發光」嘅感覺？呢支Clarins透亮光感淡斑亮肌水可以望吓。 質地係水狀爽身型，拍上面兩三下就吸晒，唔會黐立立。用完最開心係提升肌膚透明感好明顯，塊面望落乾淨、均勻咗，唔再灰灰黃黃，好似瞓飽咗嗰種自然透亮。 至於透明感呢家嘢，真係有啲料到。用咗大概一個禮拜，鼻翼同面頰暗啞位淡咗，皮膚望落水潤有光澤，素顏都見得人。淡斑方面，淺層曬斑同痘印有微微減淡，但想勁淡就要配埋精華。 總結：想輕輕鬆鬆提升肌膚透明感，唔想搽到一撻撻又怕笠，呢支爽膚水好值得入手～ CP值高，回購機會大！ ✨ #亮白#提升肌膚透明感#去黃

Kitty 好用推薦：早排出去旅行，係太陽底下暴曬，曬到皮膚又黑又黃，返到香港即刻搵出呢支CLARINS Bright Plus 爽膚水補救！ ✨ 使用感： 我呢支係清爽版，倒出嚟係水狀質地，好清爽，完全唔黏立立！拍上塊面好快吸收，用完之後皮膚即刻覺得水潤咗，摸落去軟軟嫩嫩！最驚喜係佢溫和得嚟又有輕微去角質效果，用化妝棉抹嘅時候，偶爾會見到少少污糟嘢，感覺毛孔都乾淨咗！👍 ✨ 效果： 持續用咗一排，覺得皮膚整體透亮咗少少，冇之前咁黃～尤其係朝早用完再上妝，特別貼服！不過淡化日曬斑效果暫時未話好明顯，可能要用多排先見到更大分別～🌟 ✨ 適合邊類皮膚？ 我覺得混合肌同油肌會好鍾意！乾肌可能要多補一層保濕～呢支有輕微煥膚功效，我用冇出現敏感，但極度敏感肌最好先試用吓囉！ 總括來講：呢支爽膚水喺保濕同清爽度方面都好出色，作為日常護理第一步好適合！如果你都想搵支溫和又帶美白亮膚效果嘅toner，不妨試吓佢～💖

Joannefan好用推薦：好似lotion咁嘅爽膚水…搽上面會有啲滋潤嘅感覺，美白產品一直都唔係佢呢個牌子嘅名物 ，所以冇乜必要唔需要特別購買

choichoi好用推薦：雖然質感有點點黏笠，但有助提亮膚色，建議秋冬使用

Paris merci 好用推薦：Clarins少女水是我夏天必備好物。精華水保濕度高，內含有多種植物萃取成分，包括起絨草（有機植物）萃取和有機紅參萃取。 除咗可以手拍上面之外，我都會倒落化妝棉抹𢫨面部角質。抹完之後皮膚一整天都好舒爽。毛皮膚更加均勻乾淨，夏天用嘅時候皮膚出又唔會，毛孔沒有變大，黑頭沒有變多，肌膚粗糙程度都有改善。但不會刺激皮膚，溫和有保濕。 少女水非常柔軟舒服，敏感性皮膚都可以使用。整支粉紅色猶如少女一樣，粉嫩吸引，而且佢一支水都好大支，可以用數個月💕

Kelvin好用推薦：精華之後，第二樣買Clarins 正裝嘅就係呢支水。 Clarins修護精華水係比青春皮膚岩用，但佢唔係超級清爽流質嘅水，呢支都屬於精華水，入邊有添加植物物質，可以令到皮膚冇咁容易起暗瘡。我用完佢之後，皮膚就比較光澤、水潤，但我本身就唔會咁容易起暗瘡，所以穩定皮膚呢方面就冇太大感覺。 啱啱而家轉季時間爽膚水，需要用返一啲厚重小小嘅，保濕度都高啲，佢要少少時間吸收，反而比一啲基礎乳液吸收得更加慢，有少少殘留感。呢支水唔算太貴，平平哋可以入手。

mandy好用推薦：Clarins Hydrating Toning Lotion 植萃保濕爽膚露(中性至乾性肌適用) $280 / 200ml; $390 / 400ml refill 功效: 保濕+柔軟肌膚+重拾肌膚平衡 主要成分為保濕、抗氧化及鎮靜消炎成分。 保濕力很好，而且不會有油膩感，使用感舒適清爽、潤而不笠。 適合中性至乾性肌使用，不光是保濕，能讓肌膚長時間一直水水潤潤。 帶令人放鬆的精油香味，令使用感更舒適減壓。 使用後，肌膚更水潤細滑，而且膚況更穩定健康，泛紅亦減少，毛孔亦因肌膚夠保濕而變得不明顯。 含保濕成分: 庫拉索蘆薈葉汁, 甘油, 丙二醇, 乙基己基甘油, 辛乙二醇, 無花果果萃取, 小球藻萃取, 異構寡糖 及 番紅花花萃取 抗氧化成分: 庫拉索蘆薈葉汁, 檸檬酸鈉, 掌狀海帶萃取, 無花果果萃取, 小球藻萃取 及 番紅花花萃取 鎮靜消炎成分: 庫拉索蘆薈葉汁, 掌狀海帶萃取, 小球藻萃取 及 番紅花花萃取 抗衰老成分: 甘油 及 掌狀海帶萃取

bibubibu好用推薦：呢款精華水聲稱有修復嘅效果 不過因為我未用到好長時間 所以未感受到修復效果 我會喺洗面 用完爽膚水後使用 將佢倒喺化妝棉上 輕輕抹上面 佢比較滋潤 適合成熟肌或乾燥天氣時使用 上面後會有少少黏黏嘅感覺 不過又唔算好唔舒服 整體感覺一般

Hamiii好用推薦：質地杰杰地 上面吸收都算好快 但最盡當杰身toner濕敷用 當精華會唔夠潤 不過不失啦