Clé de Peau Beauté 好用推薦產品

橘子貓好用推薦：第一次用是櫃姐幫我試妝的，當場就感覺妝感太貼面了吧，修飾了毛孔和瑕疵之餘，那個隨着臉轉動的霧光感也太美！便即場入手了。因為夏天曬黑了，就選了自然色#BF20。用了一陣子，可能我皮膚白得較快，#BF20變得有點偏紅偏深了，因為我太喜歡這枝粉底的妝感，就再購入了一枝最淺色#BF00去混色。 之後再怎樣曬黑養白也不怕了。CPB這枝粉底一瓶要價$1050，為什麼我這般喜歡，要入手兩枝呢？ 雖然我是混油肌，一般而言霧面控油的粉底是比較適合我，但不知道為什麼我用了許多這類的粉底，妝感都會醜態百出：斑駁、浮粉、鼻頭現白芝麻等等，直到用到這款CDP Radiant Fluid Foundation Matte，才真真正正感受到控油粉底的好！不但沒有以上問題，保留了霧面粉底的中高遮瑕度之餘，還沒有其妝感厚重、假面的問題。而且，持妝度真的非常好！8-10小時不是難度，夏天又濕又熱的天氣也頂得住。我只是用手指上妝，薄薄一層已經遮掉大部份毛孔和暗沉，連觀骨泛紅也只是再補一層就蓋住了，根本沒有用遮瑕膏。膚質看上去也平滑許多。 貴的粉底真的貴得有道理，現在這枝CDP粉底已經成為我夏天最愛的粉底，沒有之一。

布吶吶好用推薦：粉底液天花板！CPB肌膚之鑰鑽光瓶✨ 終於講返上次提過嘅近期新歡🥰！呢支CPB極潤光采粉凝露💎「鑽光瓶」粉底液，完全係粉底液界嘅天花板✨一試就愛上！絕對會係我重要日子嘅底妝首選！ 💖 完美呈現-化妝同時養膚，底妝越夜越靚！ ➡️ 實測粉底質地輕盈水潤，推開嗰下即刻貼服，冇粉感，完全唔會卡紋，成個妝效就係嗰種高級透亮感，好似天生皮膚就咁好！ ➡️ 入面有珠寶級養膚成分（光采智能複合物），唔單止係粉底液，仲可以同時護膚！令肌膚全日保持透亮水潤，就算長時間帶妝，卸妝後皮膚依然細緻穩定。 同我一樣嘅熬夜肌必收💫！ 帶妝成日都唔會暗沉，甚至越夜越靚🥹想要光澤、持妝、養膚一次過滿足，呢支真係必收！用過一次就返唔到轉頭🙌

Lydia好用推薦：Product: Cle de Peau Radiant Cream Foundation 色號: 10 呢支粉底已經回購兩次, 係我每次去日本旅行嘅時候都會喺專櫃買嘅日本版。 顏色同質地：10色號好貼我本身膚色，上面之後個質地冇得輸 感覺好似絲緞咁幼滑，好容易就推得勻，完全唔會有厚重或者黐立立嘅感覺。偏向滋潤質地，搽完上面有水潤感，對油肌人嚟講冬天會更好用。 妝感效果：佢最吸引我嘅地方 就係嗰種高級嘅「奶油肌」光澤感。唔係油光滿面嗰種，而係好似皮膚自己透出嚟嘅自然光澤，睇落個人嘅膚質好似好好咁，有貴氣感。 持妝情況：我自己係油性皮膚，坦白講如果喺夏天或者天氣熱嘅時候用，佢嘅控油能力對我嚟講唔算好夠。大約帶妝5-6個鐘之後就會開始有啲溶油，需要補妝。不過天氣涼啲好似而家秋冬天咁，呢個問題就會冇咁明顯，可以保持得好好。 總結心得：雖然控油表現對我嚟講唔算完美，但因為實在太鍾意佢嗰種高級、自然奶油肌嘅妝感，我依然keep住用佢。我通常會喺天氣冇咁熱、或者需要出席重要場合、想皮膚睇落有貴價質感嘅時候揀佢。對我嚟講，呢支係一支可以提升整體妝容質感嘅粉底，每次用佢都覺得自己嘅妝特

Jasmine L好用推薦：Radiant Cream Foundation質地幼滑滋潤似奶油，推開易均勻，妝效自然透亮帶柔光，遮瑕力唔錯，毛孔同細紋遮得柔和有光澤。 保濕力強，皮膚感覺柔軟貼服，全日持妝都穩定，唔易卡粉或暗沉。敏感冇刺激，T字位半天後會有少少油光。整體高級感強，適合偏乾肌想水潤亮澤底妝嘅OL日常用。

Poyobb好用推薦：鑽光粉底液樽身好有貴婦品牌嘅設計design。金色配深藍色，質地好grand。 質地好薄，延展性高，用粉底掃容易拖開。 我落一泵半粉底液用M.A.C平頭掃，拖出黎超薄，保濕度依然足夠。只用Cpb 啞光base打底，皮膚都唔會乾燥。 同網上流傳嘅一樣，妝感就如媽生皮膚，好似第二層皮膚一樣😍非常透薄，散發住底層自身光澤 冇乜遮瑕度，持久度一般。我（混合皮，少少痘印）用@cosme買既Chacott Matt 有顏色loose powder定妝先keep到4-5hrs。 如想keep返咁底妝透過質感，唔建議用有色loose powder，會令到個妝粗糙咗，曬咗咁靚既底妝。建議用返類似muf 較為輕身/透明loose powder，或者淨係噴setting spray😊 天生冇瑕疵既膚質，乾肌至中性肌啱用鑽光版。 夏天我會試埋啞光版。

Kelvin好用推薦：CPB鑽光透薄修護粉底液 其實我比較少用粉底液，平時搽有色防曬/底霜就會出街。依支係我少有肯keep住用嘅粉底液，因為用完皮膚好似BB肌🥚 我膚色偏白淨用的是010色。雖然佢叫鑽光粉底液，但我感覺係微光澤感。質地十分透薄，而且流動性強。我通常用1泵半至兩泵就已經可以搽晒全面。冬天嚟講，我的皮膚都比較乾燥，但保濕度都還好，另有SPF25 PA++中等防曬度😎 用咗大半支感覺無乜遮瑕力，臉上無瑕疵既人會岩用啲，真係好似第二層肌膚一樣。上完妝成個感覺都好完美，感覺係出咗成日街，個妝都冇乜點甩🤣

Kaki720好用推薦：最近試用左呢隻貴婦粉底 光澤感真係好重 遮瑕力一般 真係冇咩粉感 好自然 好貼皮膚 乾肌用佢真係夠潤身 我最鐘意水光肌效果！ 唔落碎粉定妝都唔痴立立 水光得黎又唔係話好油 整體來講都好滿意👍 用過後返到轉頭👍

Shelleyluk 好用推薦：我皮膚係沙漠機, 上網睇到差唔多皮膚勁推薦佢個粉底. 佢真係好好用，但係佢係比較低coverage. 做啲藝素顏裝或者淡妝比較適合. 但係佢真係好貴! 😣😣😣😣

Rosa好用推薦：首先，要稱讚這品牌環保，粉餅升級版能夠使用舊版的 粉餅盒。我覺得這款粉餅比較挑皮膚使用，如果是油性肌膚不太適合，因為比較較容易脫妝，我是混合性偏乾皮膚 ，在炎熱夏天使用大約到中午就會有少許脫裝，我覺得在不使用底妝情況底下使用這個粉餅效果是最好的，嘗試過好多不同的底妝產品配合這款粉餅會有班駁脫妝的情況出現,但在單獨使用情況,妝效非常細膩，感覺皮膚很好的樣子 我覺得比較適合乾肌皮膚

Natp好用推薦：粉餅我用c01 , cdp粉餅的確係熟齡肌友好， 無論幾乾， 有條紋响度都好， 用呢個粉餅唔會令瑕疵更突出！ 其實化完果下係有少少粉樣， 最靚係等一兩小時後， 出左油就更融合， 好似媽生好皮膚咁！ 補妝都不會斑駁， 只要適量吸油， 再掃返d粉就ok 用粉餅掃 會更適合新手， 因為buildable, 所以完全零技巧係咁掃就可以！ 但用粉撲就唔得， 比較易一逹逹！ 日本買五百蚊就好值得！ 但香港要八百就太貴！

Fng好用推薦：買咗O10色號 啱黃皮一白皮膚，妝感係高級光澤肌， 高中遮瑕力，持久度高上，妝去到黃昏與肌膚融為一體 ，有越夜越美麗嘅效果。

Bonnie好用推薦：優點：保濕效果很好，用在乾肌上好舒服 粉底冇氧化的情況，帶妝一天都冇變色 缺點：粉感較重，需要較長時間融入乾肌 修飾毛孔的能力一般，毛孔粗大的朋友要先為make up base 來修飾毛孔 總結：中度遮瑕，如臉上多瑕疵，要使用遮瑕膏

choichoi好用推薦：不會顯粉感也沒帶太大的面具感，夏天用不易出油，冬天用滋潤度亦剛剛好

kameari好用推薦：用落粉質算順滑，上面唔會好乾，遮瑕度都可以，而且細細盒方便帶出街

🌸好用推薦：因為工作關係，我成日都需要捱夜，黑眼圈都幾嚴重 朋友推薦我用呢一隻cle de peau嘅筆狀粉底液 好似潤唇膏咁樣嘅設計，方便攜帶，而且用法非常簡單 輕輕鬆鬆就幫我遮住個黑眼圈同埋面上嘅瑕疵 而且色澤自然，妝感貼服，又唔會容易甩妝 卸妝都非常方便 可以極速上底妝，連遮瑕膏都唔使用

sammiimelda好用推薦：遮瑕效果好夠力 質地偏滋潤 不過要小心用量 我自己就唔會直接搽上面 用化妝妝掃輕輕擦係需要遮瑕嘅地方 之後再定妝 就可以做到好自然嘅素顏效果

Susu好用推薦：第一次用CDP牌子嘅foundation product，一直都聽講呢個牌子底妝好好用，但可能以家係夏天，我本人塊面又容易岀汗，所以有甩妝，都唔係好感受到妝感好靚嘅情況，希望個cushion頂到等過夏天再試

sp_113好用推薦：以前對CDP舊版粉底液印象一直麻麻，唔單止塊面好油亮，皮膚有點焗悶之餘，仲要非常快甩妝！用左依隻氣墊粉底絕對令我對CDP底妝有所改觀。
 官方聲稱氣墊粉底質感清新柔滑，粉撲形狀特別貼合肌膚。持久控油成分，能擊退暗啞，抑制油光，避免脫粧。最重要係唔會引致粉刺產生，更有護膚成分，蘊含十六夜薔薇果萃取，具抗氧化功效。 
用左一個月嘅感覺8成賣點係真實感受到。氣墊粉底粉質好細，非常貼面，光澤感自然，完妝後好似開左美肌filter。保濕度屬於中上，依加秋冬天乾肌冬天要先用保濕Base打底，混合肌反而更適合。遮瑕度屬於中下*，遮唔到深色斑點及紅印，只可以遮到較淺嘅瑕疵。而持久度方面非常有驚喜，出完街一日唔會甩到一忽忽（以往搽上CDP粉底液數小時鼻翼及虎紋位已甩哂）。依款氣墊粉底唔厚，所以用完無生暗瘡情況。 *見圖：係手上用紅及啡眼線筆模擬深色斑點及紅印，可以見到只遮到50% #秋冬愛用美妝

Ttsoi好用推薦：外型包裝係黑金鏡面組合，高貴大方，重有個袋仔入住，唔怕擺喺手袋會刮花。遮瑕能力中等，buildable，黑眼圈紅印遮到7-8成。但係唔會好厚粉咁。 哩個cushion有保濕精華複合物(亮肌複合物EX)，高效保濕，乾肌適合。同埋佢無油分，唔易敏感或起粒粒。好水潤、有光澤、好貼服，妝感唔會厚重。

miko_83好用推薦：機場購入。妝效OK，遮瑕度OK。但性價比不高。盒子容易磨損，有點髒髒。