Dior 好用推薦產品

Kitty 好用推薦：我係混合性肌膚，T字位出油，但面頰有時會好乾，尤其係轉天氣或者開冷氣瞓覺之後，塊面會黐立立但又覺得繃緊，好麻煩。 質地同氣味： 個包裝已經贏咗，有質感又方便攜帶。入面嘅cream質地超柔潤，搽完好軟滑舒服，有滋潤感。因為小朋友都可以搽，應該冇加咩香精，氣味方面冇乜特別。 用後感覺同效果： 1. 即刻飲飽水感： 搽上面嗰一下，第一個感覺就係好潤澤，但完全唔會立！佢好似一秒鐘就俾塊面吸收咗，皮膚即刻變得軟熟咗，摸落去滑捋捋。之前面頰乾到有啲甩皮，用咗佢之後，啲乾紋即刻冇咁顯眼，好似飲飽水咁。 2. 持久保濕，唔再外油內乾： 最驚喜係佢嘅持久度！以前用啲cream，朝早起身個T字位成面油，但而家呢種情況改善咗好多。佢好似幫我平衡返啲油水，令到皮膚狀態穩定咗，唔會再亂出油或者異常繃緊。開成晚冷氣，第二朝起身塊面都依然keep到水潤，冇摷住嘅感覺。 3. 膚色提亮，有光澤： 用咗一段時間，發現塊面冇之前咁暗啞，有種健康嘅光澤感，唔係油光嚟㗎！上粉底都貼服咗，冇再因為皮膚乾而起擦膠碎。 4. 係咪真係萬用？ 老實講，佢唔係一支神奇藥膏，唔會話用完乜嘢紋都冇晒。但係作為一支高級嘅日常

🌸好用推薦：我係乾敏肌膚，最近見到呢一款討論度好高嘅全效修護萬用霜，就忍唔住入手。 其實就咁睇個包裝已經贏咗，外觀設計符合人體工學，單手都可以拎嚟用。包裝上面嘅灰色Dior logo 斜紋設計同佢哋嘅手袋如出一轍，加上有BLACKPINK 嘅JISOO加持，當然相當加分🥰🥰🥰 非常容易擠出，膏體嘅質地係白色，係清淡自然嘅味道，冇額外添加香料，對敏感肌非常友好。質地柔軟唔黏立，相當容易推開，搽咗之後好似有一層薄薄嘅保護膜包裹住乾燥嘅肌膚。我睇返個成份表，原來佢含有幫助舒緩同埋修復肌膚嘅積雪草提取物，幫助修復肌膚屏障。乳木果油、荷荷巴油成份做到深層補水、滋養肌膚。 最近個指甲邊緣有啲位，因為經常洗手嘅關係而爆開咗，正好用嚟試下新產品 使用前：用咗一星期後： 乾燥爆裂嘅指甲邊緣已經好返，膚質明顯滋潤細緻返好多。而且質感柔軟唔黏笠，迅速融化，查完之後可以即刻做其他嘢，唔影響生活。因為佢清爽嘅關係，所以一年四季都可以使用。

🌸好用推薦：我用呢個係舊版嘅包裝嚟，用咗差唔多一年，感覺上皮膚真係有明顯嘅改善。減退左一啲細紋。佢嘅質地滋潤得來，又唔會好笠。敏感肌都啱用。

940727.0好用推薦：我一直都好鍾意Dior底妝產品，佢令到底妝層次升華. 以依款底霜係冬天用更加一流。 #底妝升級好物

TsuenMa好用推薦：#抗老抗皺 #拒絕歲月倉老痕跡 DIOR 完美活能超效精華 🈶 97%天然成份而成，敏感皮膚都適用。使用咗活氧膠原再生技術，可以促進肌膚再生同膠原蛋白嘅生成。 🈶品牌稱呢個技術可以持續深度滲透8小時，由皮膚最底層打好基礎。 🉐使用後，皮膚會有變滑嘅感覺，細紋都會減輕、冇咁明顯，減輕歲月嘅痕跡。 🉐產品嘅滲透力真係好高，可以好好咁被皮膚吸收，仍然可以keep到皮膚充滿飽滿彈性嘅感覺。 🉐精華液係淡奶白色嘅，質地偏向流質，唧出嚟會聞到淡淡嘅花香，呢個都係Dior產品嘅一個signature。 🉑雖然產品係唔錯，但因為其實佢真係唔平，性價比有啲低，如果呢個價錢，希望得到更加多同明顯嘅效果。當然如果係品牌嘅忠粉就冇問題啦🤭

choichoi好用推薦：超級香超級漂亮，只要你是Miss Dior香薰系列的粉絲都絕對會喜歡它；它跟浴鹽一樣，會溶於熱水，讓你在整個沐浴中都能享受它的香氣 #火熱新品

🌸好用推薦：精緻的小紙盒包裝，抽屜式設計，加上優雅瑰麗嘅繁花包裝，配上浪漫情懷的粉紅色，感覺相當的美好。細細盒方便帶去旅行時浸泡泡浴，為旅程增添一份浪漫的儀式感。花香香氣偏清新，淡雅不庸俗。

choichoi好用推薦：像馬卡龍一樣的玫瑰沐浴球，於放進暖浴瞬間轉化成汽泡，可以在充滿Miss Dior的花香中享受沐浴時光，一盒十顆有點少，所以每次使用也珍而重之😆 #火熱新品

Kmggigi好用推薦：Dior Prestige La Crème Texture Essential — 高貴享受，體驗奢華護膚！✨ 呢款Dior Prestige La Crème Texture Essential係喺專櫃購買其他產品時收到嘅一套贈品， 真係令人驚喜，每一個細節都充滿咗高級感！ 首先講下佢嘅包裝設計，真係非常精緻高貴， 完美展現咗Dior一貫嘅優雅風格 仲有經典嘅⭐️細節，整體質感滿滿😆 打開面霜試用嘅時候，發現佢嘅質地真係細膩柔滑，有淡淡嘅高級香氣，滋潤度亦非常到位， 但同時又唔會過於厚重， 用喺肌膚上感覺輕盈舒適，特別適合用喺晚間護膚， 幫助肌膚徹底恢復元氣，第二朝醒嚟皮膚水潤又有光澤。 不過，呢款面霜嘅正貨價錢確實偏高， 對於追求性價比嘅用家而言， 市面上都有其他更具性價比嘅平替產品可以選擇， 效果亦唔會輸蝕太多💎

choichoi好用推薦：去年升級改版，接近拉絲的質地繼續延續下去，很好吸收；味道也是一樣療癒，是甜蜜向的花香味，滋潤度不會令你失望是很濃密的保濕feel，可以直接撫平乾細紋及改善膚質，會長少一點暗粒；但價格也真的是不容忽視（的高），只是女生間中犒賞一下自己也不過分，它能帶給你護膚同時享受充滿花香的me time! #火熱新品

TsuenMa好用推薦：#只有女生才能分別嘅色差 💋持久顯色嘅唇膏，你嘅妝容增添精緻同高貴感。Dior呢款唇膏，偏向霧面感，水份偏少，但容易乾，食咗喺唇色入邊，甩色嘅機會低。應該就啱經常飲水嘅寶寶，可以避免唇膏瘋狂甩色。 💋鍾意Dior唇膏，佢有浸甜甜地嘅蜂蜜味，有以前媽媽嘅味道。 💋比較實色、光澤感偏少，路線係偏成熟嘅，但係都好啱秋冬嘅妝容。 💋唔同嘅色調可以選擇，偏粉紅櫻桃色嘅、偏向橙色調嘅，唔同嘅顏色，相信令到一種寶寶都好難選擇。💋唇膏黑色身設計，簡約風格，再加上sharp醒品牌標誌，簡約得來又夠時尚，高級感拉滿。

Fng好用推薦：Rouge Dior 傲姿持色啞緻唇膏 哩個系列啞緻唇膏確實有驚喜亦有雷點！我有熱門色#100（裸杏調）、#200（乾燥玫瑰)： 💄 #100號色（黃皮適用度：★★★☆☆） ✅ 偏暖調裸杏色，黃皮上嘴自然提氣色，唔會似病人膏肓！啞光質地高級感滿分 ❌ 淺唇色用較顯色，深唇色可能遮蓋力不足（需疊塗2-3層） ⚠️ 冷調黃皮用可能顯灰，建議靠櫃試 💄 #200號色（黃皮適用度：★★★★☆） ✅ 帶灰調的乾燥玫瑰色，中和黃氣超顯白！薄塗溫柔厚塗氣場強，OL約會兩用 ✅ 深淺唇色皆能還原色調，遮蓋力勝#100 💦 保濕度： ✅ 添加野芒果油，啞緻得來唔會扯乾唇紋 ❌ 輕微積線，建議先唇部去角質 ⚠️ 極乾唇需提前用保濕打底，否則3小時後顯死皮🥴 ⏳ 持久度： ✅ 食輕食飲咖啡保持80%色澤（非完全不脫） ❌ 食油膩食物會斑駁，需局部補塗 ✅ 抗冷氣抽濕能力強，無需頻繁補妝 🌞 香港夏天表現： ✅ 膏體硬度高，無懼融化變形 ✅ 啞光質地視覺上減輕黏膩感 ❌ 長時間戴口罩有輕微轉印（建議薄塗一層後抿走多餘再壓一層） ⚠️ 缺點： 1. 價錢偏貴（$360/3.5g），性價比輸開架 2.