Dior 好用推薦產品

Sandy好用推薦：Dior prestige de Rose activated serum 玫瑰花蜜活養再生精華油 藥妝店買試用裝， 手背好乾燥， 因為工作經常要洗手， 試過唔同牌子hand cream， Dior品牌貴婦級數精華， 咁貴嘅精華素我係瞓覺前用嘅 ， 質地好滋潤 ，推開後手上面淺黃色精華好快被吸收， 瞓醒之後隻手好滑好滋潤好舒服 好舒服嘅感覺， 味道都好清新花香味 試下敷足七天睇下手背上細紋會唔會減輕咗 七天後再上嚟報告 如果真係減輕咗貴嘅都值得買😃

Paris merci 好用推薦：Dior的玫瑰微凝珠精華一聽就知道非常高貴，而且價錢仲非常貴，行過專門店見到非常吸引，放在梳妝台上就似藝術品一樣，忍唔住想望都幾眼。買係喺免稅店Dfs三件裝，大概係眼霜、精華、面霜一次過買先比較優惠。平時唔捨得入手。 產品入邊係玫瑰精華水珠，粒粒都好飽滿，每一滴都好珍貴，唧出嚟之後喺面上按壓就會自動爆開，精華液裏便含有精華油成份，推開咗之後塊面會係好光澤。依種精華質地非常適合乾皮膚，可以令肌膚瞬間變得水潤，但油分不會只停喺皮膚表面，所以按摩之後皮膚唔會油膩，依種係非常之好嘅效果。冬天用非常推介❄️ 同時Dior prestige 系列嘅成份可以喺皮膚準備出問題之前，杜絕咗發炎嘅情況，可以話有預功效嘅精華素。最緊要用咁靚嘅護膚品，心情一定keep住每日都好靚💕

Yty好用推薦：呢支緊緻抗皺精華喺透明啫喱狀，已用咗兩支空瓶，我主要用喺法令紋位置，用咗兩支感覺有緊緻提升效果，紋理嘅位置用後保濕，而質地容易吸收，冇擦膠碎嘅情況，會繼續回購的

🌸好用推薦：#火熱新品 今次使用嘅新品係 DIOR完美活能超效抗皺精華，係Dior capture 系列嘅新成員，主打抗皺功能嘅眼部精華。 30歲之後開始有容貌焦慮，尤其是眼周嘅肌膚如果出現皺紋或者乾紋嘅話，會特別顯老。所以呢開始使用唔同嘅眼部精華產品。 今次呢隻眼部精華嘅包裝，好似一支筆咁樣，15毫升+窄長嘅包裝，方便攜帶，去旅行都可以帶埋去。 精華嘅出口位係針嘴型嘅設計，用嘅時候就咁唧出嚟就得，十分方便。 而精華嘅本身係白色嘅液體，質地清爽，搽上眼周之後吸收得好快，而且即時就做到緊致嘅效果，真係好神奇！ 睇返資料，原來呢隻精華加咗雙重透明質酸、胜肽同煥妍草萃取，使肌膚柔滑，即時同持續地改善肌膚飽滿度同柔滑度。 用咗一個星期之後，眼周嘅乾紋已經冇晒！希望持續咁使用會得到顯著嘅效果。

TsuenMa好用推薦：#抗老抗皺 #拒絕歲月倉老痕跡 DIOR 完美活能超效精華 🈶 97%天然成份而成，敏感皮膚都適用。使用咗活氧膠原再生技術，可以促進肌膚再生同膠原蛋白嘅生成。 🈶品牌稱呢個技術可以持續深度滲透8小時，由皮膚最底層打好基礎。 🉐使用後，皮膚會有變滑嘅感覺，細紋都會減輕、冇咁明顯，減輕歲月嘅痕跡。 🉐產品嘅滲透力真係好高，可以好好咁被皮膚吸收，仍然可以keep到皮膚充滿飽滿彈性嘅感覺。 🉐精華液係淡奶白色嘅，質地偏向流質，唧出嚟會聞到淡淡嘅花香，呢個都係Dior產品嘅一個signature。 🉑雖然產品係唔錯，但因為其實佢真係唔平，性價比有啲低，如果呢個價錢，希望得到更加多同明顯嘅效果。當然如果係品牌嘅忠粉就冇問題啦🤭

Fish Tse好用推薦：#火熱新品 之前我有一路用緊舊款既精華我覺得好好用都keep住有買，今次升級左精華係包裝上得我覺得充滿住科技同高貴既感覺令人睇上去更加心動 哩枝精華係有高效抗衰老、抗皺同緊緻既功效好適合我開始對抗衰老，由其依家間中天氣會轉涼最適合用 精華有活氧膠原再生科技令肌膚可以生成膠原蛋白，我用完之後除左感覺到肌膚有滋潤之外，面上有少部份既細紋都撫平，搽完之後配搭做面部按摩仲重拾左輪廓線條

Blooming好用推薦：Dior 完美活能超效活氧緊緻精華，質地好易推，好快吸收，淡淡花香令人好舒服。搽完覺得皮膚有光澤，有彈性左，皺紋淡了。 #火熱新品

Fng好用推薦：搽咗哩枝精華感覺皮膚緊緻咗，質地容易吸收🤩， 唔會 笠黐黐，比較輕型嘅感覺， 如果你要化妝 ，就唔適合朝早用 ，因為 會和粉底打交，起擦膠碎🤨。

Sarah好用推薦：Dior 這枝白瓶主打保濕，無咩香味透明液體，用過試用覺得吸收得快，保濕做得唔錯，其他功效未感受到，覺得價錢算貴。

Sarah好用推薦：當年被專櫃姐姐極力游說購買這支，買完之後只用了一半就放棄。對我來講太潤，而且除了保濕實在看不見其他功效，比較雞肋。

Kura好用推薦：一言難盡嘅一款精華，價錢好貴，效果都算ok，做到基本嘅保濕，滋潤皮膚，其他效果暫時睇唔到

Fng好用推薦：保濕度尚可，搽咗之後，妝貼啲，上妝沒有起擦膠碎係佢嘅優點，保濕效果算okay， 但係除保濕之外就唔覺得佢有咩其他功效， 呢個價錢性價比一般。

🌸好用推薦：保濕用幾好 但用多幾日就出敏感粒粒 敏感肌試左先好買

SunnyZhang好用推薦：太潤，我一般和晚霜溝埋一齊用，但又太潤，一支用咗差唔多兩年有多，我懷疑已經過咗期！但由於太貴又唔捨得丟棄！