ORIGINS 用家評價

Origins靈芝菇菌精華水 水狀質地 質地吾油好清爽 容易吸收 有淡淡的中藥味 (味道可以接受)我係混油敏感性皮膚 當我長閉口 長痘同皮膚過敏嘅時候就會用佢 我會用靈芝菇菌精華水倒落化妝棉到濕敷5到10分鐘左右 第二日 痘痘就會消腫  敏感第二日都退得7788 真係萬試萬靈 💓同埋日曬後皮膚又紅又熱嘅時候 用佢濕敷降紅效果都非常不錯的 依支係我回購最多次嘅化妝水 真心推介比油性肌混油肌同痘痘肌使用💕

一次過入手皇牌3件套👑 DRINK UP™ INTENSIVE Overnight Hydrating Mask With Avocado 灰白色Cream狀嘅質感.. 好易塗開.. sales建議厚敷.. 盡量避開眼周.. 開頭都幾想敷住照瞓.. But! 敷咗一個鐘左右.. 開始覺得油油哋🙂‍↕️ 為咗唔好整污糟枕頭.. 就洗咗先 洗完後明顯感覺水潤 第二朝訓醒水潤感就差少少..持久度稍稍不足 比較適合春夏天用

秋冬轉季，我同好多人一樣，護膚品嘅使用模式都要轉季，由夏天使用較清爽嘅乳液，轉至秋冬會使用保濕功效較好嘅面霜。但轉季肌膚始終會面對一段適應期，容易敏感、繃緊、出現泛紅。所以我覺得想肌膚好好轉季，就要從潔面後第一道防線就打好個底，後續嘅護膚品吸收就事半功倍。 提到ORIGINS，點可以唔提佢嘅皇牌產品「菇水」(靈芝輕精華水)。「菇水」係透明水狀，帶少少自然草本香味，洗完面之後我會直接搽上面，已經即時感受到佢嘅保濕功效，大大減低皮膚繃緊嘅感覺。未用「菇水」之前，皮膚偶爾都會出現泛紅、痕癢嘅情況，自從轉用「菇水」之後，覺得皮膚狀況穩定咗，泛紅嘅情況少咗出現。「菇水」可以幫助強化肌底，面對秋冬轉季皮膚都容易啲適應。 #秋冬護膚神隊友

Origins 靈芝菇菌抗逆健膚精華水係皇牌產品👍🏻主打有助修復及保護肌膚具有抗炎成分有效保濕💦舒緩、減少泛紅及敏感刺激🙆🏻‍♀️ 哩款精華水係可以直接用✋🏻上，但我都係比較中意倒係棉花到用，因為可以為皮膚做二次清潔之餘，係易上黑頭粉刺既位置抺多幾下可以減低生暗粒既情況🫶🏻 另外有時我既皮膚會突然敏感泛紅🥵，我就會將精華水倒係棉花到濕敷成塊面5分鐘，降紅既效果好顯著，我覺得哩款精華水好岩敏感肌用🥰

呢支面膜主打係補濕，吱出嚟係cream嘅質地，比較油潤。一般嚟講我嘅用量比較多，官方用法係抹走就得唔洗用水洗臉，但我覺得乾咗都幾難抹，所以都係用返水洗洗完之後都仲有滋潤感，而香味係幾好聞嘅桃味，但對我嚟講效果唔算明顯，而且只適合秋冬用，夏天用會有d厚重。如果呢個價錢加上每次用量嘅話我覺得其他款更好用。

有黑眼圈睇落去個人真係唔係咁精神，我都試過唔同品牌既眼霜，我覺得效果黎講哩款係唔錯 哩款產品唔揀皮膚都唔揀季節，即使係夏天用都唔會覺得好厚重既感覺 含有維他命C減淡黑眼圈、維他命B3令眼周睇落去更明亮仲有人參同咖啡因喚醒暗沉肌膚 用完眼精華之後我就會用眼霜佢呈橙色既有少少偏向膏狀既質地但又唔完全係，延展性都好好， 通常我會放係無名指到打圈有少少熱既溫度再圍住眼周每點定大概五秒左右等眼霜吸收，大概做3次左右，最尾會用指節位順便提拉一下眼周 如圖所見搽開左之後會比較有光澤同埋係比較滋潤但又唔會加重皮膚既負擔，眼周既皮膚係最薄既，最怕用到會起油脂粒，我用左一段時間冇發現哩個問題

前幾排天氣忽冷忽熱，一到春季、潮濕嘅天氣就攪到我敏感不斷😔！ 幸好收到@cosme 今次嘅試用，係Origins 嘅「靈芝菇菌抗逆舒緩精華」，以前都有用過佢嘅「菇水」，覺得降紅好有效。 今次都好實用幫到手，咁啱潮濕天氣，塊面多咗啲一粒粒紅腫又唔係暗瘡嘅物體，咁就試吓用佢。 一拆盒，發現唔太完美嘅係佢冇蓋，如果嚟緊旅行想帶出門就比較難😅！泵出嚟係白色cream狀，塗上面，好似「疏乎厘」咁，推開好滑，好似有層薄膜保護肌膚咁～～雖然第二朝啲紅腫未退，但塊面已經冇咁痕；大概5日左右，啲紅褪得七七八八；用咗大概10日，啲紅腫唔見曬，仲連印都冇，令我終於夠膽除口罩示人🤭！ 而家用咗接近一個月，平時好易敏感嘅我，覺得皮膚膚質好咗，冇咁易泛紅、過敏，油都出少咗，肌膚好似平滑咗咁！ 價錢都唔算貴，好似我咁敏感皮膚嘅男女都值得買嚟「幫皮膚打好個底！令皮膚更健康！」

非常榮幸再次入選@Cosme活動，有機會試用Origins 全新的靈芝菇菌抗逆舒緩精華。還記得三月中正值經期前後，加上工作壓力和轉天氣，皮膚持續發出冒痘、脫皮、粗糙、泛紅、灼熱等SOS敏感警號，正在納悶困擾之際，便收到@Cosme寄來這款精華，可謂是及時雨呢! 再次感謝😃 產品簡介建議配合同系列菇水使用，但敏感肌不宜同時試用多於一款新產品，所以沒有刻意購入菇水。試用期間除了轉用Origins精華以外，其餘護膚品和程序不變 (清潔>爽膚>精華>面霜)，因此亦更能測試到這款精華對肌膚的效果和分別👍 包裝是綠色磨砂玻璃瓶，簡約而有質感，左右扭動就能開關瓶口，使用起來方便衛生👍 精華不含香料沒有香味，感覺天然，敏感肌安心使用～ 質地呈cream狀較濃潤，以乾肌個人習慣來說，取用量比平日慣用精華少，現在的春天潮濕季節大概用半泵(早上)至一泵(晚上)便足夠，容易吸收得來是會有一點存在感的，但好處是皮膚看上去會較有光澤飲飽水的感覺👍 首次使用已即時舒緩灼熱不適和乾燥脫皮(圖3)，同一位置之前用保濕精華後即時效果可以但很快又再脫皮，而使用Origins精華一兩次後，基本上已沒有再脫皮了👍 持續

最近去dfs買咗好幾set 護膚品準備轉季🍁 送咗好多sample..可以試吓唔同嘢：） 今日試吓⬇️ Retexturizing Mask With Rose Clay Origins品牌賣點係純植物，純素嘅護膚品牌 即使敏感肌，都可以安心使用👍🏻 喱一款clay mask嘅用途都好明確— 深層清潔 🧏🏻‍♀️🧏🏻‍♀️試用情況🧏🏻‍♀️🧏🏻‍♀️ 打開就聞到好淡嘅玫瑰味.. 粉紅色嘅泥膜有一粒粒玫瑰籽.. 泥膜質地輕薄.. 頗易推開👍🏻 薄塗臉上.. 避開眼周.. 大約10分鐘，會明顯感覺到臉上崩緊變乾.. 用暖水打圈..慢慢洗淨..帶走老廢角質層.. 洗完： 💡即時睇到皮膚比較亮澤咗.. 💡第二日上妝無咁容易出油 🤫 洗嘅時候.. 需要有點耐性… 需要捽一陣先會洗得淨.. 洗完後… 臉部會感覺比較乾.. 我個人就選擇左同fresh嘅mask 往後再分享🌟

Origins 靈芝輕精華水的保濕效果非常好，夠深入滋潤肌膚，使肌膚感覺柔嫩光滑。 倒出來，係水狀液，反映這款精華水的吸收速度很快。倒入化妝棉，再塗抹整塊面，能舒緩肌膚，減少紅腫和敏感。 最近入手其聖誕 calendar set，可以作為禮物送比朋友，都係一個唔錯的選擇。

之前都聽好多人介紹過Origins呢支嘅靈芝姑水好用 自己今次都係第一次試 每次沖涼都會第一時間揸呢支靈芝姑水 可以即時保濕☺️☺️同時唔會敏感嘅出現 非常之好👍🏻👍🏻同埋香味係好自然嘅香料味 一啲都唔嗅

第一次用呢一隻靈芝菇水，聽落個名好特別，用咗之後，其實覺得有少少似精華水同爽膚水嘅混合版，佢唔會好似精華潔潔地又唔會好似爽膚水咁樣，有少少黏黏哋的感覺，最鍾意就是佢不含酒精，唔會刺激皮膚，用咗之後會有覺得舒緩皮膚的感覺，多咗一層保護，一啲都唔乸，唔係清潔，保濕效果都OK。

Origins新出靜心舒壓療癒精油乳，我第一試，見細細支方便帶出街。 平時返工未訓醒，我都會食粒薄荷糖提神，今次就買黎試下用依支又真係有提神作用，個人即刻醒晒； 仲可以係天氣悶焗，感覺反胃不適嘅時候用，會有舒緩作用。 我就跟官方搽係太陽穴、頸同耳垂，唔會刺激皮膚用「娜」，感覺不錯。 成份：羅勒精油、薄荷精油、尤加利天然精油 效果：醒腦提神，感覺清新平靜，舒緩穩定情緒，天然不刺激皮膚 質地：清爽易推乳液，用量較多 氣味：胡椒薄荷草本味，感覺清新 缺點：無蓋，太細支好快用晒

多謝 @cosme 既試用邀請 小妹我好榮幸可以試用Origins 靈芝菇菌抗逆舒緩精華，咁啱剛剛好又收到美妝狀元禮物中有同樣都係Origins品牌既輕靈芝菇菌水，可以兩款配合一齊使用，非常適合我偏乾既皮膚 之前因為長期戴口罩磨擦攪到面頰兩邊既泛紅敏感久不久就會出現，尤其而家轉季會好容易出粒粒，但係用左Origins 靈芝菇菌抗逆舒緩精華之後肌膚就有好明顯既質素改善 而且用左精華+輕靈芝水之後，泛紅乾燥情況明顯減輕左，亦都無咁容易覺得臉頰會痕 用產品前會因敏感而起既粒粒（唔係暗瘡，只係過敏時皮膚既凸起）亦都有好明顯都有改善 Origins 靈芝菇菌抗逆舒緩精華望落似cream，但質地好light，塗開就好快吸收，完完全全無悶焗感，又好滋潤保濕 早晚用舒緩精華，偶然隔兩三日濕敷菇水，皮膚狀況已經變得好穩定 總結黎講Origins 既產品比到我好surprise既感覺，無諗過效果可以咁快出到黎 真心多謝 @cosme 既試用機會，令我可以用到一個咁好既產品 呢個亦都真心想推薦乾肌易敏感既朋友們都可以用，效果真係一流

好開心又抽中左試用, 仲要係Origins!! Origins既產品一般人都覺得好好用，又唔會引起敏感。今次呢支靈芝菇菌抗逆健膚精華主打急救功能，可以治癒、修復同激活番肌膚屏障，修復敏感之外，仲可以提高番皮膚既穩定性。 精華建議同菇水一齊用，不過本身屋企有好多產品，加上轉季有d敏感泛紅，所以我係用番自己用慣的爽膚水，程序為：爽膚水> 靈芝菇菌抗逆健膚精華>眼霜>面霜。產品呈乳液狀，搽出黎係乳白色lotion既感覺，成分天然無添加香料，所以無特別氣味。 可能因為原本有少少過敏情況，頭1-2次用皮膚有好微量吉吉地既感覺，但唔會紅晒/發熱，過兩日皮膚狀況有好轉，無咁凹凸不平同起粒粒後，呢個感覺就無左。我係混合性皮膚，轉季情況下外油內乾情況都比較明顯，尤其係濕度高既天氣就更嚴重，用左精華後雖然感覺都快吸收，可惜會起d擦膠碎，換左爽膚水都係咁，感覺呢支精華可能更適合乾性皮膚/秋冬使用。儘管呢支精華唔係100%適合我的皮膚，但用左幾日皮膚既狀態仍然係有穩定同改善到，某程度上都有驚喜，乾肌敏感肌用應該會幾鐘意。