SHISEIDO 資生堂 用家評價

冬季護膚❄️ Shiseido眼膜算係用過幾好用又唔算太貴嘅專櫃眼膜，一打開包裝就滿滿嘅精華，佢嘅棉紙質好柔軟，唔會刺激眼部皮膚，敏感肌皮膚適合。一對大眼膜一次過覆蓋到眼底直至太陽穴，可以顧及眼部附近嘅位置。 我用嘅時候唔會浪費包裝袋入面嘅精華，塗落眼膜上、額頭同埋兩邊鼻翼，因為裏面都有a醇嘅成份可以去淡化其他面部紋理。敷嘅時候覺得眼周肌膚被提拉，有啲收緊嘅感覺。我每次大概敷15-20分鐘，敷完之後眼膜上仲有好多精華，可以輕輕打圈按摩幫助吸收。冬天用嘅時候滋潤度啱啱好，精華質地似眼霜，敷完之後眼部皮膚細嫩🥰 我需要keep住一個星期敷一次眼膜，希望眼紋唔好出嚟。

早5/6年因為護膚不當，由乾肌變左乾敏肌，之後有朋友推薦shiseido既小紅瓶，用左之後咁多年黎個護膚品櫃一定要有枝長駐。 （你見我買最大size就知我有幾愛佢🤣） 唔知你地有冇經歷過成為乾敏肌受害人🥲果段時間無論你幾勤力敷面膜，搽幾滋潤既cream，基本上一上妝都會出事：塊面鞋過沙紙搞到唔上妝，甩皮算事小，嚴重果排仲會痕痕地+紅腫😢 直到遇上小紅瓶：小紅瓶又名「免疫力精華」，官網話佢獨家專利｢山茶花活酵再生科技｣可以為肌膚啟動4倍再生修護力，我諗都係呢個成份令我搽左半枝之後個敏感情況大大改善！（而加check官網先見到佢有提及山茶花萃取精華可以抑制皮脂引起的發炎反應🤣）。 自此之後個敏感情況到夏天先間唔中出現（我估係由於經常出入冷氣房再加上香港天地又濕又熱😡），所以我依然選擇繼續用佢穩定夏日肌膚！ 質地：中至高流動性 效果：中度保濕、抗敏、抗紅、平滑肌膚（最有感） 對象：混油、中性及乾性肌（油性肌膚可能會覺得唔夠清爽） 適用：早/晚（乾肌的話保濕力唔夠，要搽多層cream) 總結：如果你想穩定肌膚，令皮膚免疫力upupup，誠意推薦你購入！（有敏感困擾既你可以買支30mL

**《資生堂未來潔面泡：泡沬係勁嘅，但洗完好似冇洗過？》** **優點 ✅** - **泡沬真心勁**：唧出嚟少少，搓兩搓就成陀鮮奶油咁，厚到反轉塊面都唔會滴，洗面過程係享受。 - **洗完唔繃緊**：洗完之后塊面仲係滑溜嘅，冇嗰種好乾好扯住嘅感覺，乾肌朋友應該會Buy。 - **香味好高級**：係嗰種貴婦品牌獨有嘅優雅花香，用嗰陣覺得自己即時升LV。 **缺點 ❌** - **清潔力呢？**：呢個係最大疑問。泡沬明明咁濃密，但過完水之後，總係覺得塊面有層野咁，好似未洗乾淨咁。你想嗰種爽住透氣嘅感覺？Sorry，呢度真係俾唔到你。 - **過水要耐啲**：因為泡沬太厚，你要沖好幾趟水先feel到徹底乾淨，心急人上会觉得有啲麻煩。 - **性價比一般**：成仟銀一支，但除咗泡沬同香味，我又唔係好覺佢有咩「未來」黑科技。就係一支正常嘅保濕洗面，唔算話好值。 **一句講晒：** 想享受洗面過程、塊面又偏乾嘅，可以一試。 但如果你追求洗完好爽好乾淨、要塊面識呼吸嘅，呢支可以直接跳過，因為**洗咗等於冇洗**嘅感覺真係會㷫㷫哋。

近排天氣又凍又乾，轉季底妝真係好頭痛🥶 本身係混合偏乾肌，用開嗰啲粉底液一上臉就顯紋、浮粉，仲要兩個鐘後變面具面… 但！最近試咗資生堂呢款養膚修護粉底，真心想寫篇文表揚佢！ 🔸質地＆延展性： 一按出嚟勁易推開～ 似乳液嘅質地，用手指上已經好易推匀，唔使化妝掃都掂！乾肌上臉完全唔厚粉，似第二層皮膚咁貼薄。 🔸妝感： 係嗰種日系天然光澤肌✨ 唔係閃粉嗰種假光，而係皮膚本身飲飽水嘅透亮感。乾肌最怕卡粉，呢款喺鼻翼、眼下完全冇積線，連平時甩皮嘅下巴位都馴服到！ 🔸遮瑕度： 屬於中等遮瑕～ 萬年黑眼圈疊兩層遮到五成，泛紅、暗瘡印加層碎粉都隱形到。最驚喜係佢遮瑕得嚟唔厚重，唔會一撻撻。 🔸持久度： 朝早8點化妝，到下午2-3點妝容仍然健在，對持久度要求高嘅話一定要定妝！到放工前成塊面冇暗沉變灰，越夜越靚嗰種奶油肌效果💯 🔸適合邊類人？ ✅乾肌、混合偏乾必試 ✅鍾意光澤感、自然妝效 ✅追求貼服唔卡粉 ❌大油肌可能要諗諗，或者冬天先用 小總結： 雖然價錢比開架貴少少，但以質素嚟講絕對對得住個價！尤其係乾肌sis，呢個冬天真係要靠佢救返塊面～

冬季護膚❄️ 時光琉璃潔面洗面，我超級鍾意佢嘅泡沫質感。呢款潔面泡可以好豐盈，比起Dior花蜜洗面更加舒服！用落去感覺超級柔軟，洗完之後，皮膚依然保持柔滑，又唔會好緊繃，尤其係我呢種混乾肌，用太乾就會好緊，太輕清潔力低，但時光流離係完全啱啱好🫶🏻 另外，雖然佢係Riche cleaning foam，用完之後清潔度都好好！感覺潔淨又不會損失水分。滑滑地感覺一直保持到上妝，皮膚狀態都變得好好，真係有助於後續護膚品吸收。用佢洗完面皮膚無哋暗沉，似乎比之前更有光澤。我鍾意朝頭早用佢，冬天朝頭早用佢keep返皮膚保濕度，又洗走一晚嘅油光。 雖然我已經好鐘意呢款潔面，下次會試埋Pola洗面，睇吓呢三款邊款最適合我🤣

Shiseido 皇牌免疫力精華 III — 強韌屏障，穩膚修護✨ 質地 & 配方: 呢支精華係半透明凝露質地， 水潤得嚟帶少少流動性，好容易推開， 吸收速度快，皮膚上唔會留住黏笠感 香味方面比較淡雅，帶少少酒精味， 但整體感覺清爽，唔會刺激皮膚。 配方蘊含靈芝精華、洛神花精華等修護成分， 主打提升肌膚免疫力、強化屏障， 令皮膚喺轉季或狀態不穩定時都能維持健康。 對於容易泛紅、乾燥或敏感嘅肌膚，支援度相當高。 效果: 過去我因為鼻敏感導致鼻翼位置又乾又紅， 仲會有少少刺痛， 用咗呢支精華大概一星期已經見到明顯改善。 乾燥感唔再出現，泛紅減退， 連刺痛都完全平伏，皮膚變得舒適好多。 長期使用之後，皮膚整體變得更強韌， 唔再咁容易敏感爆紅，水潤度同柔軟度都有提升。 膚質明顯更穩定，就算環境變化大， 皮膚都更能應付🥳 總結：名不虛傳的穩膚修護精華😎 Shiseido 皇牌免疫力精華 III以輕盈水潤質地配合高效修護成分，真正做到明顯穩膚與強化屏障。 效果實在、吸收快、適合任何膚質， 難怪多年來一直係品牌嘅皇牌。 想改善乾燥、泛紅或敏感， 呢支精華絕對係值得入手嘅可靠之選。✨

SHISEIDO VITAL PERFECTION Intensive WrinkleSpot Treatment 重點抗皺亮白精華霜 $890/ 20ml 功效：緊緻+抗皺+提亮去斑 重點抗皺亮白精華霜蘊含眾多優質美肌成分，當中以保濕成分、抗衰老成分、鎮靜消炎成分及抗氧化等成分為主。 雖然官方建議的使用方法是可以早晚都使用，但如果奉行早上用維他命C美白護膚品，晚上用維他命A醇護膚品的法則，那就只可以在晚上使用重點抗皺亮白精華霜。重點抗皺亮白精華霜只在重點部位使用，例如：眼周、法令紋及頸部等容易有皺紋的地方。 注意：本文的重點抗皺亮白精華霜為舊版，最新推出的版本是A+重點抗皺亮白精華霜。 重點抗皺亮白精華霜的質地比同類型產品更柔滑好推，然而考慮到價位定價相當高端進取，功效方面未算得上很驚喜，性價比因此不及其他專櫃品牌的同類型產品。 由於我主力將重點抗皺亮白精華霜集中用在難搞的法令紋上，所以未能見識到重點抗皺亮白精華霜用在淡斑美白的功效，不過重點抗皺亮白精華霜的確具美白成分，需要有斑的靚靚自行使用測試了。個人認為法令紋比較難即時見效，雖然使用差不多一支貨裝後，望上去法令紋冇以前

因為同屋企人share用，佢係我屋企已經回購過無數枝嘅潔面產品。包裝都係一般洗面膏嘅tube裝，用到尾都係要剪一半挖出嚟用嗰種。 本身帶有專櫃品牌上常有嘅香味，唔算非常濃，洗完都唔會殘留喺皮膚。唧出嚟係白色膏狀質地，唔會好流質，相比起液體狀嘅洗面奶，我覺得膏狀用起嚟方便啲，唔會未起泡就喺手指罅流晒出嚟。 單純用手都可以搓出好綿密嘅泡沫，再俾多啲心機慢慢搓，可以出到更加多泡。 唔知係咪因為咁強嘅起泡力，佢嘅清潔力亦都非常強。我作為混合性乾肌，佢可以輕易洗走我T字部位嘅油分，不過洗完會覺得有啲乾，我之後會搽返護膚品所以唔會好困擾。而我出油量更高嘅屋企人用就愛不釋手，所以推薦俾油肌嘅朋友們。

資生堂曙光精華水用後感｜ 混合乾肌的「水光肌」入門 ✨ 質地與吸收度 呢支精華水係微稠嘅透明液體，但一推開就化水咁滲透，完全冇黏膩感！評論話潤而不油，拍上臉即刻feel到皮膚飲飽水，但又唔會黐立立，香港夏天用都零負擔。我自己就覺得佢嘅吸收速度好快，用完之後皮膚摸落軟滑，後續護膚品都吸收得快啲～ 🌟 保濕與穩定效果 主打「發酵米精萃+4MSK」成分，好多人讚佢嘅穩定效果出色。我自己用咗兩星期，覺得皮膚透亮咗，毛孔都細緻咗，尤其係朝早起身個樣冇以前咁暗沉！ 💔 美中不足 · 價錢偏貴：$780/145ml，有啲用家覺得性價比一般，甚至話有budget寧願買SK-II · 效果因人而異：有少數用家爆痘，唔知關唔關事 · 美白效果唔明顯：如果主打追求美白，可能要疊加其他精華 🆚 同類產品比較 · VS SK-II神仙水：SK-II更清爽控油；曙光水保濕感更明顯 · VS Albion健康水：健康水主打消炎；曙光水側重穩定同提亮 · VS 普通保濕化妝水：一般toner純保濕；曙光水多咗修復同抗氧功能 💡 使用小貼士 1. 濕敷效果最佳：官方推薦用化妝棉濕敷，尤其喺額頭、鼻側、

SHISEIDO 紅妍肌活眼部精華 冬日眼周救贖の美學❄️ 這支紅腰子眼霜新版，簡直是為香港冬季量身訂製的護眼聖品！當濕度計在30%與90%之間瘋狂擺盪時，它能為嬌嫩眼周築起智能保濕結界： 🛡️ 雙重屏障科技解析 • 應激屏障：ULTIMUNE複合物濃度提升20%，對抗溫差引發的微發炎，改善「冷風一吹就泛紅」的眼底敏感 • 保濕屏障：全新親膚型玻尿酸，在乾燥空氣中形成立體儲水網，解決空調房特有的「外油內乾型眼紋」 ⏳ 質地進化論 比起舊版的凝露質地，新版更似「融雪膏」——乳白色霜體在指尖溫熱瞬間，化作帶有細微支撐力的精華乳。塗抹時宛如為眼周蒙上第二層肌膚，卻沒有傳統眼霜的厚重閉塞感❄️ 🌡️ 實測三場景 ▸ 10℃濕冷戶外：配合溫感按摩，促進微循環改善黑眼圈，如同為雙眼戴上隱形暖宮貼 ▸ 23℃乾燥室內：持續釋放保濕因子，對抗電腦藍光導致的蒸發型乾紋💻 ▸ 睡眠黃金期：搭配陶瓷按摩頭，隔晨眼袋緊緻度肉眼可見，浮腫型細紋淡化30% ⚠️ 冬季限定提醒 • 疊加遮瑕前需等待完全吸收，否則可能搓泥（建議改用指腹按壓上妝） • 極乾燥肌可先薄塗眼部精華油，再疊加本品鎖住營養💧 • 新版

終於搵到最岩我用嘅粉底！本人食完A酸療程之後係今年嘅6月開始化妝，原來療程後已經變左混乾肌都懵然不知，買左啲霧面妝效嘅持妝粉底，結果唔到5個鐘係冷氣房下，個下爬同唇邊已經大乾裂。決定由持妝霧面粉底鬼轉到光澤型粉底，選擇左愛用嘅護膚品牌shiseido🥰 呢支粉底流動性強，專櫃員工話可以用手上妝，亦都的而且確用手上都ok，唔會有粉痕/一撻撻。遮瑕度唔算好勁，如果想妝感好無瑕要用遮瑕膏，輕輕上一層蜜粉定妝，水亮嘅感覺都仲係咁靚！ 下圖係某日持妝六個鐘後，中間時間都係出街行黎行去，中途有壓過T位油，妝感依然令我滿意，如果係日常返工係冷氣房更加冇問題！ 真係超級推呢一隻粉底，會有人主動讚我皮膚好！推薦俾瑕疵不多嘅乾肌/混乾/混油肌（配合唔同控油力度嘅蜜粉），想要自然透亮妝感嘅人用，同乾裂say bye bye🤣🤣🤣

🤍 滋潤度：5/5！Shiseido呢支曙光精華水完全取代咗我日常嘅爽膚水～質地比普通化妝水濃稠，拍上臉即刻感受到滋潤感，但又唔會黏膩，皮膚即刻變得水潤軟滑！ 🤍 舒緩穩定：4.5/5！最驚喜係佢嘅舒緩效果～每次皮膚有少少泛紅或者唔穩定，用咗佢一星期，好快就覺得鎮靜咗好多，狀態穩定咗唔少！ 🤍 妝前打底：5/5！用完呢支精華水再上妝，個妝容真係貼服到不得了～完全冇浮粉問題，成個底妝好似融咗入皮膚咁，透出自然光澤，成日都唔使點補妝！ 🤍 吸收與手感：4.5/5！雖然質地潤澤，但吸收得好快～拍完之後皮膚手感好嫩，好似飲飽水咁，後續護膚品都吸收得更好～ 總結： 如果你同我一樣，覺得普通爽膚水已經唔夠力，又想搵一支有多重功效嘅精華水，Shiseido曙光精華水絕對係完美升級！佢滋潤得嚟又夠清爽，舒緩同妝前打底效果都一流，用完皮膚狀態明顯穩定水潤咗～已經成為我每日必備嘅一步，真心推薦比乾肌、輕熟齡肌，同追求高效護膚嘅你！

買其他Shiseido産品嗰陣送咗呢支曙光精華水俾我試。唔知係咪因為年齡增長，如果用啲太爽嘅化妝水會覺得好似冇搽到野咁，所以最近都鐘意用啲精華水類嘅産品。就算係細枝裝都可以用好耐。倒出嚟係有少少厚度嘅化妝水，搽開係即時feel到滋潤嘅感覺，好快吸收唔會黏笠。本身帶有淡淡嘅香味，搽完香味係會留喺皮膚好耐，我個人覺得隻味係好聞嘅。 官方建議就話搽完健膚水，再用手或者化妝棉拍上面。我個人覺得用手同化妝棉嘅感覺分別唔大，所以想慳精華水嘅我通常都用手搽，等吸收咗再喺容易乾燥嘅眼周再搽一層加強滋潤。 ✅ 保濕力高，鞏固肌膚屏障 我本身偏混合性偏乾肌，用佢覺得滋潤度啱啱好，有淡化乾紋得黎吸收得好，後續再疊加其他精華都唔會有負擔。另外我本身有間中搽A酸所以會甩皮，皮膚有時都會喺敏感嘅狀態，搽咗佢之後係有感覺到皮膚有變得比較穩定。

係買其他資生堂產品嘅時候送嘅細枝裝，使用感幾唔錯，我上次旅行都帶咗佢作為臉部防曬。佢有高防曬廣度數spf50+ pa++++，同時產品都話可以隔埋污染物、紅外線、藍光，出去玩都覺得好安心。擠出嚟係淡粉色cream狀，要少少時間去推均，搽落有少少保濕感，有微微光澤，推均之後好快就變得清爽。帶有花香味，味道會殘留喺皮膚一段時間，我自己覺得香嘅，不過唔排除有人介意。 用咗一段時間我覺得最鐘意嘅地方係，平日用其他成膜類型嘅防曬好易化妝起擦膠碎，但佢唔係呢種所以唔會影響後續底妝。而且佢係防曬而唔係底霜，所以我可以搽足夠厚度嘅防曬而唔會有面具感。 用完手上有嘅防曬會考慮買枝正貨裝。

【潔面】產品心得 Shiseido 淨肌防禦潔面泡沫 * 冇香料味道嘅感覺好舒服 *容易起泡，泡沫容易徹底沖洗，潔面後肌膚清爽潔淨，無繃緊或敏感Good👍 潔淨肌膚同時鎖水補濕；微米亮白粉末能清除氧化皮脂、老化細胞及污垢，令肌膚表面重煥清新透亮。 非常適合我肌膚用 讚呀佢哋嘅成分: ‧糅合稻米胚芽油、蠶絲精華及TMG* ‧糅蘊含日本霧島純淨礦物溫泉水 ‧透明質酸乙醯及稻米胚芽油賦予補濕效果