L'ORÉAL PARiS 用家評價

今日想同大家分享Loreal 金致臻顏花蜜奢養輕盈面霜用後感。 1️⃣首先講講品牌方對產品的優點描述：蘊含3大尊貴奢養成份，緊緻煥活。一抺輕齡。 1. 麥盧卡花蜜 Manuka honey：能高效滋潤肌膚 2. 抗老玻色因 Pro-xylane：是為人熟知的抗皺緊緻成份，有助促進膠原蛋白合成 3. 緊緻四胜肽 Tetrapeptide：介於氨基酸和蛋白質之間的物質，幫助維持皮膚彈潤緊實 2️⃣再同大家分享本人用後感 (油肌，毛孔粗大)面霜瓶身設計簡約，跟同系列眼霜一樣採用金黃色玻璃瓶身，以開價護膚品來說蠻有奢華感同符合花蜜這個成份；面霜呈微黃色薄身嘅Gel Cream狀，有淡淡香味。 跟著就跟大家分享before & after：before-會見到面部輪廓唔明顯，虎紋明顯after-連續使用，會見到面部輪廓會緊緻咗少少。 後記：見到成份有花蜜，以為會好笠，但其實係易推快吸收，吸收完會feel到面上有層薄膜，有保濕滋潤感，唔笠仲keep到水潤到第二朝。

多謝@cosme， 今次抽中試用新推出的L'Oreal Paris 活力緊緻透明質酸PDRN水光肌精華， 今次精華主打： 獨家專利²PDRN³「超水光」精華，超越傳統三文魚PDRN，加上無針滲透納米級技術，吸收更多更深更快，肌膚即時平滑透亮！將醫美診所水光療程效果帶入屋企，等你 無針、無痛、無恢復期，都可以擁有一樣嘅水光感 PDRN水光肌精華外觀深紫色針筒形狀的滴筒狀取出精華， 都幾特別， 加強水光針的記憶點， 包裝吸引 質地是透明的, 屬於清爽流質質地的精華, 偏水感的精華， 好容易推開延展性高， 沒有黏笠感 ， 皮膚感到好快吸收， 春夏天都可以用 而且試用後因為無添加酒精， 香精， 色素，礦物油， 沒有香味更加喜歡使用， 唔洗擔心香味的問題， 不用怕敏感， 使用後都沒有敏感問題， 可以安心使用 本身係混合偏乾的， 精華吸收後改善皮膚偏乾的問題， 感到有變得滋潤保濕， 改善皮膚乾燥紅印的問題 皮膚有更有光澤感， 有更彈性的感覺👍🏻

多謝 @cosme 邀請試用活動，有幸可以體驗L'OREAL PARIS呢款全新Glass Skin Serum「超水光」精華。 日常壓力大，經常熬夜，加上運動量不足、飲食唔健康又飲唔夠水份，導致肌膚出現暗黃、乾燥、細紋同開始鬆弛。依家呢個咁潮濕嘅天氣，好想搵一款唔黏笠嘅補水精華，L'OREAL PARIS呢款全新Glass Skin Serum質地清爽不黏笠，好岩依家嘅天氣使用，而且無添加酒精、香精、色素、礦物油、無添加防腐劑，使用倍感舒適同安心。 10天用後感： 精華質地清透水潤，伸延流動性高，吸收快，用完即刻有補足水嘅感覺，頓時改善燥粗感，水噹噹好舒服。持續10天早晚使用後，整體膚況都好穩定，覺得肌膚長時間都無咁乾燥，比使用前水潤柔軟Q彈，膚色亦無咁暗黃，有番小小光澤同帶有點點透亮水光感，細紋有輕微減淡，但皺紋法令紋同毛孔緊緻度暫時未見有明顯改善，始終呢類深層問題估計要使用更長時間才見明顯效果吧。商品說明補充： # 獨家專利成分PDRN・無針無痛年輕彈潤水光肌 ・比起三文魚源PDRN細20倍，只有毛孔1/2500大小，配合無針渗透納米級科技，可以更快深入肌膚更深層，強效

好多謝 @cosme 能夠抽中我試用L’OREAL PARiS 推出嘅全新「超水光」精華💕。 不過我開箱後發現，可能運送嘅意外，所以銀色嗰個撳制位裂開左，得返一半。但唔緊要！唔影響整體使用！ 講返正題，我本身係乾肌，塊面成日都好繃緊同埋乾燥。而家雖然係春天，但天氣成日都好乾燥，搞到塊面有時會脫皮。而且Office冷氣開到好足，成日吹住，令到塊面好乾，唔夠水。加上平時少做運動，有時會熬夜夜瞓🐼，皮膚有啲泛黃暗沉，所以今次呢款超水光精華就好適合我呢類情況同膚況使用🤩 而家我唔洗出去做入侵性嘅醫美，用L’OREAL PARiS 全新推出嘅「超水光」精華就可以幫到我～ 超水光精華冇入侵性，無針無痛，自己喺屋企🏠就可以享受到水光針嘅效果。 超水光精華係清透水狀，有淡淡清香，質地輕盈，流動性好高，好容易推開，吸收速度勁快。因為精華含有獨家專利植萃PDRN成分，同人體 DNA 鹼基對比例相似達99%。PDRN分子勁細，所以能夠好快透過毛孔直入肌底，達到迅速吸收嘅效果。 我搽左之後覺得好清爽，唔會好痴笠笠同油膩，同埋feel到係即時補水的，塊臉即刻冇咁繃緊同乾，保濕效果唔錯👍🏻。我連續用左一

多謝Cosme今次揀咗我試用L’OREAL PARiS 「超水光」精華🥰🥰 我係第一次用L’Oréal既精華，試用後感覺比較想像中好！ 呢隻係質地偏稀既水狀精華，建議將塊面分開幾part黎搽，滴完要盡快搽均，如果唔係好快會流開曬，少少「呢hea」搽完皮膚好快吸收，睇返張圖見到我左手係搽咗嘅，右手係冇搽到，明顯見到左手係透白啲，連血管都睇得比較清楚 而搽咗喺塊面之後，真係睇到有水光效果，而且感覺都好滋潤，非常滿意！ 滋潤度⭐️⭐️⭐️⭐️ 水光度⭐️⭐️⭐️⭐️⭐️ 性價比⭐️⭐️⭐️⭐️

今次試用嘅係L’oreal Paris 超水光精華～ 用量禁一下就已經夠用成塊臉～ 而家呢個天氣（4月）開始濕度高同天氣比較熱，膚質變番做混合油肌。 精華比較潤，夏天用嘅話會有少少笠，但係會feel到佢真係有保濕效果！ 使用前： 使用後： 持續使用後皮膚毛孔雖然仲有，但有細到啲啲，同埋上底妝都唔會話乾～因為精華屬於比較滋潤！ 整體而言，呢款精華混合油肌黎講會比較岩冬天使用，夏天就可能有啲笠><

多謝Cosme同Loreal抽中我做試用🥹 今次試既係淨係睇個名都令人心動既： 超水光精華💧 瓶身好靚！呢個按壓頭有花心思🤍 我春天係乾肌，基本上沖完涼20秒唔搽野塊面就又緊又乾。如果保濕做得唔夠好仲會甩皮泛紅😑 所以見到佢話係超水光精華就知會岩我！ 質地：透明偏水狀，精華黎講算係比較流動性強、輕身。一推就開，而且吸收得極快。（見簡介話佢精華入面有植萃PDRN成分，分子細，所以可以好快咁通過毛孔滲入肌底，瞬間吸收） 即時效果： L(冇搽）、R（有搽） 都好明顯R 即時搽完有種水光感（反埋光），小乾紋即刻撫平。 用完佢再搽多層Cream係冷氣房都夠用了🤍 🤍 質地吸收：4/5 清透水狀質地，流動性極高，一推就開，吸收速度快到好似「消失」咗咁，完全零黏膩！ 🤍 保濕續航力：4.5/5 乾燥天氣加冷氣吹足全日，塊面都冇再繃緊脫皮，保濕效果比想像中持久～ 🤍 滲透力：5/5 專利植萃PDRN成分分子極細，可以快速滲入肌底，真正做到由內而外補水～ 總結： L’OREAL呢支超水光精華係乾肌同熬夜黨嘅救星！保濕、提亮一take過，仲要喺屋企做到水光針效果～會回購，推薦俾所

L‘ORÉAL PARiS 「超水光」精華 用後感 ✨ 🌟 第一印象：開架價錢，專櫃級水光體驗 收到呢支L‘ORÉAL「超水光」精華嘅試用邀請 ~謝謝cosme~，真係好鬼開心！🥳 包裝係簡約嘅玻璃滴管瓶，拎上手已經有種高級感。官方定價 HK$339 / 30ml，以開架嚟講唔算平，但睇到佢嘅成分——獨家專利PDRN（比三文魚源細20倍！）+ 玻色因PRO + 超分子B3，就知呢個價錢係「貴買平用」嘅實力派！🔬 1️⃣ 我嘅肌膚困擾 & 生活習慣 我係熟齡階段嘅偏乾肌，而家正值香港春天，天氣偏潮濕，但正正因為潮濕，我反而唔敢用太油膩嘅產品，結果兩頰有時會「外油內乾」，真係好難搞！😫 我嘅皮膚問題包括：暗沉泛黃、乾燥缺水（冷氣房成日抽濕）、細紋初現（法令紋同額頭）、毛孔粗糙、彈性下降、轉季容易敏感泛紅。 生活習慣方面，我係典型「夜貓族」，成日凌晨1-2點先瞓，加上工作壓力大、長時間對住電腦，皮膚新陳代謝慢咗，用好多護膚品都好似唔太吸收咁 😭 2️⃣ 產品體驗效果 & 感受 ✨ 質地與觸感：輕盈如水，秒速吸收 一泵出嚟，係透明水感嘅精華液，流動性極高，完全唔會杰撻撻。推開嘅

首先要多謝 @cosme 送出 L’OREAL PARiS「超水光」精華 💧 呢支主打「無針無痛水光肌」，7日有水光效果，28日仲話可以媲美醫美療程，見到都幾吸引👀✨ 我本身係混合偏油肌，T字位容易出油，但兩頰有時會偏乾😮‍💨 平時又會因為夜瞓同長時間對電腦，皮膚容易暗沉、蠟黃、冇光澤，仲會有少少乾紋同毛孔粗大問題💻 呢支 L’OREAL PARiS「超水光」精華 主打用專利成分 PDRN（比傳統三文魚來源更細分子）💧 配合納米級滲透科技，可以更深入肌底，幫助提升水光感同對抗初老✨ 同時加入超分子B3＋玻色因PRO，幫助提亮膚色、淡紋同提升緊緻度🤍 標榜可以改善暗黃、提升光澤同膠原蛋白，令皮膚更飽滿有彈性。 質地方面係清透水感、不黏笠，而且無添加酒精、香精等，用落比較安心👌 用落嘅感覺方面，精華係好輕盈水感質地💧 推開好滑，延展性高，上面吸收得幾快，完全唔會黏立立，油肌用都好舒服🫧 氣味方面偏自然，唔會太濃，接受度高。 即時用完之後，皮膚會覺得水潤同柔軟咗，有種飲飽水嘅感覺✨ 持續用咗一段時間之後，最明顯係光澤感提升✨ 皮膚冇咁暗沉，蠟黃感減少，整體睇落透亮咗，素顏都冇咁攰😌 保

多謝@cosme抽中我，令我可以率先試用全新「超水光」精華~ 作為鍾意韓系水光肌但又驚入侵性醫美嘅人，聽到可以無痛擁有水光肌真係好心郁！ 連續使用7日後，整體感受真係好唔錯！精華流動性好高，質地清透水感，上臉超清爽，唔太痴頭髮，而且吸收得好快，對皮膚無乜負擔。用完成塊面即刻有自然水光感，唔係誇張油光，係透亮嘅感覺，後續上妝亦都好貼，同底妝完全唔打交。帶妝8個鐘後，塊面依然保持住細緻水光感，唔會乾紋盡現，呢點真係值得一讚！ 產品帶有少少香精味，作為用開LOREAL PARIS產品嘅人，完全接受得到，香得黎唔刺鼻，濃度剛剛好。另外樽身設計超貼心，自帶按壓泵頭，乾淨又方便。 至於改善效果方面，7日後眼紋暫時無太大分別，但最明顯就係皮膚乾紋減淡好多，之前上妝好容易甩皮、甩妝嘅情況完全消失，膚質變得更水潤飽滿透亮，暗黃同粗糙感都有改善。 產品標榜無添加酒精、礦物油、尼泊金酯類等，個人用落亦都無致痘，相信真係四季用都適合。 整體總結：10分我會比9分！開架家用精華做到咁嘅效果已經好唔錯，性價高，用完絕對會自費回購，真心推薦俾同樣想擁有水光肌但又抗拒醫美嘅女仔！

Thank you @cosme so much for choosing me haha!! 今次用的L’OREAL PARiS 「超水光」精華 ,一搽好有驚喜，首先，質地超輕型，好似水狀咁，然後一搽上去即有「水光肌」！ 滋潤度：🧡🧡🧡🧡🤍 一搽上去塊面能保持到滋潤度，滋潤度強，但感覺份子比較大，較難吸收，如果膚質較油性可能會感覺很笠，需要較長時間先可以完全吸收。 毛孔細緻度：🧡🧡🧡🧡🧡 用咗幾日之後，明顯見到毛孔真係細緻咗！閉口既粉刺都平咗！粗糙感真係有改善到！推！提亮度：🧡🧡🧡🧡🤍 可能本來皮膚不算太黑/暗黃，整體效果沒有太大分別，但可見黑眼圈明顯淺色咗！ 膚色均勻度：🧡🧡🧡🧡🧡 可見一啲特別紅腫既位置有所舒緩！無咗咁紅🧡 總結：🧡🧡🧡🧡🤍 真係可以無針無痛地能媲美水光療程效果！大大推薦大家使用L’OREAL PARiS 「超水光」精華！

感謝cosme邀請試用L’OREAL PARiS 全新「超水光」精華 睇到L’OREAL PARiS 全新「超水光」精華介紹7天媲美1次水光療程，已經期待萬分！！ L’OREAL PARiS 全新「超水光」精華質地似水狀，近來天氣轉換，皮膚少少乾仲有少少脫皮🥲🥲，再加上日日都夜訓，皮膚又乾又暗黃， 第一次用時用3,4滴（平時精華用量），抹左半邊臉，已經吸哂！！ 嚇左我一跳，吸得咁快，即刻泵左一大下，又吸哂！ 不愧獨家專利成分PDRN，只有毛孔1／2500大小真係好厲害💛💛 精華吸收後會有少少黏，但過左2,3分鐘後完成吸收了就會變得好乾爽，查落有淡淡的香味。 之後每次用都用一大泵，使用後2，3日脫每朝起身塊臉都覺得少少乾，查左精華後舒緩左乾繃既感覺，而且仲繼續有少少脫皮，但到今日已經令返哂喇💛💛 岩岩影相有對照，發現真係皮膚好左好多💛 💛💛💛 試用了7日，唔單止皮膚光澤度提升了好多！！ 而且法令紋都減退左！！ 超級驚喜💛💛💛

好開心今次 @cosme 揀咗我試用L'OREAL PARiS「超水光」精華～作為一個遲瞓又成日對住個電腦嘅上班族，肌膚暗沉都係無可避免，亦都開始有少少細紋，朝頭瞓到最後一刻先起身化妝都好需要一隻夠快吸收嘅精華。呢款精華嘅質地偏水，亦都好快吸收，所以真係好啱朝頭早化妝之前護膚用。佢亦都冇乜味，我覺得即使有寵家庭都唔怕寵物覺得太過刺激。 佢嘅補水同鎖水效果我都幾滿意，素顏嘅時候望落冇咁暗沉，有一種係水嘅光澤感而唔係油光。我亦都覺得我嘅毛孔同細紋有減輕咗少少，皮膚亦都緊緻咗，如果唔介意MIC嘅姊妹好推薦你試吓～

感謝@Cosme邀請試用Loreal Paris超水光精華 🪞肌膚困擾 肌膚問題：本身混合肌，但長期暗沉、面頰乾燥、有乾紋，鼻翼兩側毛孔粗糙，素顏俾人感覺好攰。 生活習慣：每日對電腦＞10個鐘，成日夜瞓（凌晨1-2點先瞓），飲水少，壓力大就捱夜食零食。 🪞產品體驗效果和感受 · 質地：似水狀精華，流動性好高，一推開就吸收，完全唔黏膩，夏天用都無負擔。 · 氣味：淡淡花香，好自然，搽上面有種放鬆嘅感覺，唔會假香。 · 即時效果：搽完即刻 feel 到塊面飲飽水，乾燥繃緊感消失，摸落柔嫩咗。 · 長效保濕：朝早搽，到冷氣房下晝都無乾到出油，鎖水能力比預期好。 · 光澤感：用咗兩星期，暗黃明顯減退，素顏都有自然透光感，同事問「你今日化咗妝？」。 · 緊緻度：面頰有少少飽滿返，但未有明顯拉提，做表情時乾紋淺咗。 · 毛孔膚質：鼻翼兩側粒粒粗糙感減少，毛孔視覺上細咗，上粉底唔再卡粉。 · 細紋/法令紋：眼底乾紋同虎紋淡化得最明顯，尤其上妝後唔再積線。 · 水光肌效果：做到「平價版水光針」感覺——無針無痛但持續用會有透亮飽滿感，不過深層缺水紋要俾啲時間。 · 整體評價

十分高興 @cosme抽中左可以呢支 L’OREAL PARiS 全新「超水光」精華（Hyaluron Expert）！📸 平時我最驚啲精華搽完黐𦧲𦧲，但呢支個質地真係幾驚喜！✨ 💧 佢係嗰種好清爽嘅水感質地，推開之後好快就俾皮膚吸收晒。最正係佢完全唔黏笠 🙅🏻‍♀️，搽完塊臉係爽身嘅，之後再上面霜或者化妝都唔會打交起擦膠碎，啱晒我呢啲怕麻煩嘅人！🙌🏻 🌟講到重點喇，用完最明顯有即時「飲飽水」： 搽完嗰下，feel 到皮膚底層真係有水分入咗去，原本乾到有啲繃繃緊嘅位即刻鬆晒。💦 皮膚變軟熟： 啲水入咗去之後，摸落去係軟綿綿、好有彈性，唔係假滑嗰種。🍑 光澤感提升： 可能因為夠保濕，成塊臉睇落無咁黃、無咁暗啞，係有一層好自然嘅「水光感」，好似平時敷完 Mask 咁靚！💡 乾紋淡咗： 眼角同鼻翼位啲細細條嘅乾紋，補完水之後真係無咁明顯，成個人望落都精神啲。👁️✨ 💬 如果你係搵緊一支性價比高、夠保濕得嚟又唔厚重嘅精華，呢支「超水光」真心過得去。無論係朝早趕住出門口打底，定係夜晚吹冷氣驚乾，佢都好幫到手。👍🏻 總之，用完塊面係「漲卜卜」又夠晒亮澤，岩曬我乾燥皮膚既保濕好物！🎉🛍️