TOM FORD BEAUTY 用家評價

TOM FORD LIP COLOR MATTE 激情幻魅唇膏 #35 AGE OF CONSENT $490 from DFS $298 from BB Beauty 若想小奢一下入手一款TOM FORD家的彩妝，推薦若不是選擇唇膏，就是4色眼影盤了，兩者都是TOM FORD家極受歡迎的代表性產品，也是比較值得入手的TOM FORD彩妝品。 黑管的激情幻魅唇膏LIP COLOR MATTE 質地柔滑，容易描繪唇型，唇色顯色漂亮，而且不顯唇紋，使用感輕盈舒適不會黏笠。 成分方面以保濕成分、抗氧化成分及抗衰老等成分為主，可以化妝同時護膚。作為啞光唇膏，滋潤度一定冇有色潤唇膏咁滋潤，但亦不會好似某些韓系品牌的啞光唇膏那般乾燥。 持妝度Ok，只是大吃大喝一番後要記得補唇妝。 #35 AGE OF CONSENT 當初買這支黑管唇膏時，由於店內真的有很多不同的色系，所以選擇困難症的我最後是聽從店員的建議，選了這個色號。當時就沒想到這個色號真的是選對了，之後才發現這個色號確實是很適合我的膚色。 自然甜美的粉橙色唇色很顯色，是我很喜歡的唇色。唇色較特別(不會經常跟人撞色

呢盤TF12 seductive rose 係我收嘅人生第一盤紫色調眼影，亦都係我一腳伸落紫色坑嘅罪魁禍首！好耐冇用，今日再畫返，嘩，果種熟悉嘅陷入熱戀感覺即刻返晒嚟。佢嘅調子好冷，畫起上嚟真係唔使過腦，唔似其他眼影要諗爆頭點畫先啱自己，求其啪啪聲疊啲閃片上眼就得啦，實冇死！ 眼影盤入面嘅靈魂主色係隻帶灰調嘅紫色，做眼線色啱晒，入面仲夾咗啲紅調㗎，所以有啲姊妹話上眼會有啲似瘀咗嘅感覺。我用佢嚟畫眼線或者整啲小煙熏，控制好份量就冇問題㗎喇。上完呢隻主色，另外果兩隻大閃片色你就可以放心亂疊啦，點疊都靚！我自己通常就疊果隻紫閃，相機影出嚟灰調睇落重手咗，但實物上眼真係好靚㗎！成隻色好似沾咗夜露嘅紫桔梗，有種幽幽嘅光澤，正到痺！其實我本身唔係好食得啲灰調嘅，但呢盤嘅調色好神奇，可以等我自己控制灰調嘅輕重，再加埋兩隻咁鬼靈氣嘅閃片，成個妝效就一啲都唔會覺得沉悶或者污糟。不過講真，呢盤眼影畢竟都係老前輩喇，佢隻打底色飛粉飛得幾犀利，眼線色都有啲難暈染。有興趣試吓呢種灰紫調嘅姊妹，其實可以拎 Tom Ford 30 號盤，skip左粉紅色果格嚟試下，除咗閃片唔同之外，出嚟個效果真係差唔多㗎！當然啦，

Tom ford嘅眼影好出名，多年來都受到唔少美妝博主嘅吹捧，我自己用咗之後都覺得非常好用。由於佢可以選擇嘅顏色相當多，今次我只係介紹返我平時最常用嘅兩盤。 第一盤係 35 Rose Topaz，我買嘅係粉紅色特別版，同普通版冇分別，只係個包裝唔同咗。呢一盤我稱之為杏仁奶茶盤，色調方面比較清淡自然，係玫瑰晶石色、深巧克力色同兩隻深淺同嘅金色，極度顯色貼服。 呢個就係手背嘅試色圖，對應返眼影盤嘅四隻唔同顏色：上妝中方便簡單唔飛粉，rose topaz嘅呢四隻顏色比較日常，平時返學或者返工用都睇落自然。 另一隻我比較推介嘅顏色係30 insolent rose，色澤粉嫩，好有仙氣😍 色調方面係粉嫩得來帶點優雅，睇落好有氣質，畀人一種溫柔嘅感覺。 以下係手背試妝： 左上角嘅珍珠白色搽少少就已經好顯色，右下角嘅紫啡色雖然深色，但上妝之後完全唔會有似撞瘀咗嘅感覺，粉質細膩，容易暈染。妝效持久唔甩色，飽和度高，容易上妝。特別喜歡佢個粉紅色細閃，喺燈光照耀下，有楚楚動人嘅感覺🥰

TOM FORD ARCHITECTURE RADIANCE HYDRATING FOUNDATION 立體光影水光粉底液 SPF50 PA++++ $805 功效：中至高度遮瑕+提昇光澤+防曬+保濕+控油+抗皺+收毛孔+長效持妝 立體光影水光粉底液的質感非常水感，可以輕易在面上均勻推開。 中至高度遮瑕，完美遮蓋毛孔及面上泛紅。 完妝時是非常自然的光澤肌，提亮效果不會太誇張，妝感不明顯，底妝自然貼服透薄。 蘊含海量美肌成分，包括：保濕成分、抗衰老成分、美白成分、抗氧化成分及鎮靜消炎等成分。 SPF50 PA++++ 具很充足的防曬保護，上底妝同時兼具防曬效能，非常方便。 持妝方面很好，午後完全沒有出油溶妝的情況，不需要特意補妝，方便省時。 總的來說，Tom Ford的立體光影水光粉底液雖然定價較為高端進取，但也有不少優點，特別是滿載美肌成分，是一款名副其實、誠意滿滿的精華級粉底液，同時持久度十足，並具有高級別的防曬效能。因此，即使立體光影水光粉底液的性價比不算高，我認為依然物有所值。如果大家有足夠預算，不妨考慮入手(一瓶可以用很久呢!)。 含保濕成分：矽靈,

Tom Ford Beauty 眼線膠筆 03深黑色， 一時衝動入手🫣🫣🫣 Tom Ford呢支貴價眼線膠筆（約$360），聲稱防暈染一整天，同價位類似產品有Laura Mercier、Bobbi Brown等專櫃膠筆。 筆芯與顯色度：👍👍👍👍👍 (無可挑剔) 筆芯極度軟滑、濃郁顯色，一畫就上色，完全唔使用力拉扯眼皮，而且可以輕鬆畫出極細緻的線條。呢種順滑度同顯色力，確實比不少開架甚至專櫃品牌（如MAC）更出色，對新手來講非常友好。 持久防暈力 (夏日關鍵)：👍👍👍👍 (近乎完美) 呢點係最大賣點！實測喺香港34度焗熱天氣下，帶妝超過10小時，經歷出汗同出油，條眼線真係一丁點都冇化開，冇轉印到雙眼皮或下眼瞼，冇變熊貓眼。防油抗汗能力極之優秀，甚至比Laura Mercier的防暈效果更穩陣，絕對對得住個價錢。 總結與性價比： 一支除了價錢之外幾乎冇缺點的頂級眼線膠筆。其極致順滑的質地、飽和的顯色度，尤其是強悍的抗暈染能力，完美解決香港夏天眼線溶妝的噩夢。雖然價格高昂，但如果你受盡暈妝困擾，追求極致可靠的效果，佢絕對值得投資，性價比體現在其無可取代的持久表現上。相比其他專櫃品牌，T

Tom Ford 我買咗04號色 honeymoon ，佢色調係 偏棕紅色 ，少少秋冬感覺 ，擦上去非常之貼服，粉質 幼細 ，唔會飛粉，同埋顯色度非常之高，又容易blend，持久度好高，基本上全日都唔會甩妝。 唯一缺點少少貴。🤣

今次評價嘅呢一支眉筆，應該係我買過最貴嘅眉，原價需要$610一支。但係因為我係喺OnTheList半價嘅時候入手嘅，所以價錢都算係合理。 買咗返嚟之後，我先至覺得原來都真係幾抵。佢除咗有一支眉筆嘅本體之外，仲送咗一個替換芯，即係買一送一😍。 畀大家睇吓支筆嘅本體係咁樣嘅：同其他牌子嘅眉筆一樣，頭尾都係有蓋嘅，一邊係眉掃，另一邊就係眉筆嘅本體。 我今次買嘅係03 Chestnut，唔係一個熱門色號，所以先至咁平。我以為會好淺色，但係結果都幾適合我嘅眉毛。 呢個係我喺手背嘅試色，可以無中生有咗條眉毛出嚟😂😂😂眉目唔濃密嘅姊妹們都可以一試。 我本身嘅眉毛比較粗，佢嘅斜角筆頭設計，畫起上嚟非常之方便。上妝次後妝效自然不暈染，持妝十小時以上。原來佢一支眉筆都有0.6g，相比起其他牌子： Chanel  STYLO SOURCILS WATERPROOF 眉筆 （0.27g) Dior 豐彩眉毛KABUKI造型筆 (0.29g) 咁樣比較起上嚟，其實佢都唔算貴喎😂😂😂

好高級嘅一支唇膏，搽上嘴由固體變液體，遮蓋唇紋一流，包裝非常高級，顏色亦都好適合我日常用，帶出街補妝都好方便好靚 #火熱新品 #火熱新品 @cosme

tf呢款唇膏好滑 塗上去減少唇紋 令氣色提升唔少 超鍾意裸杏色調好百搭 可以做打底色或者係直接搽 唇膏含有山茶花油同其他滋潤油 好保濕 唔會吹吹下冷氣乾裂 之前都用開深色唇膏 呢支淡淡地 顯色 又清新 又去返裸色feel懷抱☺️☺️ #火熱新品

Tom Ford 立體光影水光粉底（最白色） 試用感受： - 色調/膚色：用最白色，聽講有啲人話色調較深，但上臉就顯得自然，光澤感十足。 - 質地與保濕：質地輕盈水潤，保濕感強，膚感水潤但唔會厚重。 - 遮瑕與妝感：遮瑕力不錯，戴口罩時唔會留印，整體偏向光澤肌風格。 - 持妝表現：帶妝大約7小時仍然完整，只係較乾燥區會有少少暗沉。 - 適用人群：如果你本身偏乾，建議先做好保濕打底，避免出現芝麻粒感。 實用小貼士： - 想更持久可以加定妝粉或定妝噴霧，外出時間長就更稳妥。 - 乾性肌膚就先做好保濕，或混合使用高保濕妝前乳。 #火熱新品

這款唇膏的顏色是一種深邃的草莓果色。使用後，唇部感覺少少滋潤，且持久度良好。但感覺上都幾顯唇紋，所以要先搽潤唇膏，再搽唇膏，感覺會更好。 另外，其仲可以當成胭脂使用。因為其好上色，所以輕輕一搽係面頰上，加上用粉刷掃一掃，就會有一層輕透粉薄的感覺，感覺有返少女青春的感覺。 適合肌膚：任何 成效度：4/5 保濕度：3.5/5 貼合度：4/5 質地：膏狀

黎緊拜年，當然要化一個精神又氣息好既妝見人。 唔習慣用太鮮艷既紅唇膏，咁呢支tom ford 既唇膏就幾岩啦。呢支唇膏既顏色係1x Maurice，是帶少少橙色的暗磚紅色，帶點冬日感。可以顯好氣息之餘，又唔會太高調。 上唇後，有少少光澤，但唔會太令面，岩岩好，同埋唔會顯唇紋。

相信大家對 Tom Ford 眼影的好評都不陌生，顯色度，飽和度，持久度，以到粉質都無可挑剔💕 價格雖然真的比較貴，未必能夠人手一盒，但是一定值得大家靠櫃一試！！而且四色盤眼影容量達 10g，算是專櫃比較少有的份量，相對大方❗️ 手上四色眼影盤為🤎 #29 Desert Fox，包含三格啞色及一格珠光色，colour story 一致，新手很友善，就是不會出車禍類型。不過，單靠這盤，未能做到變化很大的不同眼妝，略為沉悶。 要讚賞的，除了眼影粉本身做得很完美外，就是鏡盒很大氣，鏡子亦很大，所以旅行時帶上這盒剛剛好～ 而且 TF 在眼影掃上很用心，對比其他專櫃品牌，TF 這盤除了“沒有什麼用途的“海棉棒外，多加了一個小掃，細緻位加分👍

呢一個眼影膏，我覺得完全可以稱之為「懶人恩物」。一盒細細盒咁樣，非常方便攜帶。 分開上下兩層，上面嗰層係粉狀嘅眼影，同埋有塊細嘅嘅鏡。而下面嗰層就係膏狀嘅眼影。我買呢個係03 golden peach，上層係細閃嘅金色粉狀眼影，下層係蜜桃色嘅膏狀眼影。我知所以話佢係懶人恩物，因為可以完全唔需要用化妝掃上妝，尤其是係趕時間要出門嘅時候，用呢個非常之方便。 以下呢個係手背試色： 左邊係上層嘅金色粉狀眼影，而右邊嗰個就係蜜桃色嘅眼影膏。兩隻顏色都係粉嫩粉嫩嘅，充滿着青春同埋春夏嘅氣息。  可以直接用手指沾染眼影膏上妝，膏狀眼影非常之容易推開，好容易上色，可以去極短時間之內完成一個眼妝，而且睇落去唔會覺得眼皮浮腫。 佢嘅膏狀眼影可以唔使預先搽打底就直接上，對於眼部皮膚偏乾嘅姊妹們非常友好。 呢隻眼影都算妝效持久嘅，即使夏天用都唔會甩色。除咗價錢係一如既往地偏貴之外，基本上使用感都係一流嘅。

Tom Ford呢支Fabulous液態唇膏新推出就吸引到我啦！主打cream to liquid技術真係好得意，搽上嘴嗰陣由cream狀慢慢變順滑液態，好貼唇又唔會乾。顏色超級濃郁顯色，一層就已經好飽滿，好適合秋冬嘅妝容。特別試咗F2色，搽上嘴帶啲紫調，幾高貴有氣質，覺得比較適合成熟啲嘅姊妹，出街或者晚宴用都好搶眼！ #火熱新品