THREE 好用推薦產品

Poyobb好用推薦：Three既王牌卸妝油，係味道好高級，係個種非常高級既芳療精油既味道🌿依幾年開始特別鍾意呢種泰國嘅檸檬草等等嘅味道。 對比Shu uemura 潔顏油，厚身dd，滋潤度足夠👍🏻但我應該只會係秋冬用。親膚性強，洗完面皮膚好滑又彈性。一樣都係好容易溶解眼、面妝，卸得好乾淨，乳化都很快，小紅書好多人講過會揦眼，但我冇呢種感覺。 成個卸妝感覺好舒服，好放鬆既feel🥰

Miyabi好用推薦：以前一直都是用shu umura 的琥珀卸妝油，今次試用一下這款，覺得性價比蠻高的，清潔力跟大牌無異，洗一次就已經洗掉9成了，卸妝時也沒有辣眼睛，卸完也不會乾皮膚，也沒長痘痘之類的事，唯一缺點是味道太重了，如果接受到該味道的話，是不錯的選擇。 利申；真金白銀買的真實用家。

TsuenMa好用推薦：❄️冬季護膚 主打一個油水平衡嘅概念❄️ 清潔力強嘅卸妝或者洗面，一般都會係扯走啲油份，有時候清潔力強嘅item，用完之後會令到塊面繃緊，THREE呢支平衡潔膚油，就完美改善咗呢個情況，做到清潔之餘，同時間保持肌膚嘅油水平衡，減少對肌膚嘅負擔。 🫧使用方法：因為物理原理，會好明顯見到佢油同埋水兩層分開，所以用之前，需要先搖勻，令你擳出嚟唔會剩係得油，或者用到最後得返水。 🫧使用技巧：搖勻之後將product擺喺卸妝棉度，拭擦想要落妝嘅地方，以全塊面嚟講，應該要用兩張先夠。 🫧產品特色：product會有少許生薑味，使用起上嚟都好Refreshing，本身其實係有啲抗拒，但係用耐咗都習慣咗。 🫧產品設計好簡約，冇太多花巧嘢，一款實用型嘅概念；晉身用咗透明設計，有一種簡約無印風。 🫧用後感：好surprise呢隻潔膚油嘅清潔力同乾爽程度，平時好怕卸妝油會油淋淋，但呢隻唔會！佢油嘅程度只係其他卸妝油產品嘅一半，所以真係好有驚喜同好鍾意🫶🏾 啱晒冬天嘅時候使用，唔會加劇皮膚嘅乾燥，同時令到肌膚保持返油水平衡。

Emily Leung好用推薦：THREE呢支平衡潔膚油真係堅得！ 質地比想像中輕薄 唔會好似傳統卸妝油咁『漿』住塊面 一泵就夠卸全面連眼唇 乾手乾臉按摩個陣 陣陣柑橘草本味超療癒 好似做緊香薰SPA咁 連防水眼線同唇釉都溶得快 加少少水即刻乳化變牛奶 過水一沖就乾淨 零油膩感 唔使再二次清潔 最驚喜係用完完全唔繃緊 皮膚仲好軟滑 又唔會悶出粒粒 真正感受到『以油溶油』嘅威力 已經成為我每日卸妝嘅儀式感！

格仔餅公主好用推薦：隻香味好聞濃淡度岩岩好，用嘅時候好舒服，乳化易過水都易，卸粉底液同粉餅都乾淨同唔會乾👌🏻

KDing好用推薦：呢款卸妝霜佢嘅清潔十分之好，用完之後皮膚都唔會覺得乾澀，只不過真係有時候唔捨得用

Fng好用推薦：Three balancing cleansing oil gel 內含細細嘅磨砂粒子，清潔更有效，卸妝效果 ok, 清洗完唔會立黐黐, 卸除防水睫毛液達七至八成，要另外再卸。

Lumi Kwan好用推薦：一直用開佢嘅潔膚油，貪得意試吓買呢支卸妝膏，對比潔膚油，佢更加容易控制份量，中間有一啲好細微嘅粒子好似幫你做緊磨砂咁，但又唔會損害你嘅皮膚，不過要小心眼睛部位，唔好俾啲粒子走咗入去。至於卸妝效果，我覺得比卸妝油更加清潔，而且都比較用得耐，值得回購。