CEZANNE 好用推薦產品

Sakura醬好用推薦：Cezanne 潤彩唇膏（色號105）詳細測評 1. 質地 · 觸感：質地真係好潤，好似搽緊潤唇膏咁順滑，完全唔使用力推。 · 上嘴感覺：非常輕薄，冇厚重感，唔會黐立立或者好似有層蠟咁。 · 滋潤度：內含美容油成分，保濕力好足，就算嘴唇有少少乾或者甩皮，搽上去都唔會顯唇紋，仲可以即時撫平乾紋。 2. 顏色（色號105） · 色調描述：105號係一隻自然透亮嘅豆沙粉紅色，帶少少暖調，唔會偏螢光或者偏冷。 · 顯色度：屬於清透型顯色，唔係實色嗰種，顏色會根據本身唇色透出嚟，睇落好自然，好似本身嘴唇嘅紅潤感。 · 適合膚色：黃皮同白皮都友善，好易駕馭，適合日常、返工、見家長，係一隻「偽素顏」必備色。 3. 持妝力 · 持久度：因為質地水潤，唔係長效持妝型，大概可以維持2-3個鐘左右，食嘢飲水會容易甩色。 · 補擦需要：需要帶出街補擦，不過佢夠潤，補擦嘅時候唔會起屑或者越補越乾。 · 甩色後情況：甩色後唔會剩返一圈唇線，而係均勻咁褪色，嘴唇依然保持滋潤感。 優點 1. 極致水潤：真係好似潤唇膏咁保濕，乾唇人士恩物。 2. 顏色自然日常：105號色百搭唔挑人，素顏搽都即刻提升氣色

YYeman好用推薦：Cezanne 潤彩唇膏 #102 測評 包裝同設計： 呢支唇膏嘅包裝簡單實用，係開架品牌一貫嘅風格。雖然唔算好華麗，但輕便易攜帶，而且價錢親民，適合日常用。 質地同滋潤度： 質地好順滑，塗上嘴嗰陣好易推開，唔會卡唇紋。滋潤度幾高，有少少光澤感，但唔會太油膩。就算嘴唇本身比較乾，用咗之後都覺得好舒服，唔使事先搽潤唇膏都得。 顏色同顯色度： #102 係一隻自然嘅玫瑰豆沙色，帶少少暖調，好適合亞洲人膚色。顯色度中等，可以慢慢疊加到理想嘅顏色。薄塗一層會有好自然嘅好氣色，厚塗就更加顯氣質，適合日常通勤或者淡妝。 持久度同飲水食嘢： 持久度算係中等，如果唔係大食大飲，大概可以維持3-4個鐘。飲水會輕微脫色，但唔會完全消失，就算脫咗色嘴唇都仲有淡淡嘅色澤，唔會變到好蒼白。 優點： 1. 價錢平，性價比高。 2. 滋潤度好，唔使擔心嘴唇乾。 3. 顏色自然百搭，適合日常同上班用。 缺點： 1. 持久度一般，需要補塗。 2. 包裝比較普通，冇咩特別設計。 總結： 如果你想要一支平價、滋潤、顏色自然嘅唇膏，Cezanne潤彩唇膏#102係一個唔錯嘅選擇。尤其適合學生同上班族，性價比高

Emily Leung好用推薦：日本品牌cezanne銷售王唇膏 日本開架品牌Cezanne向來的唇膏都出名夠滋潤顯色，同時塗在唇上也絕不會顯唇紋，受到不少女生的大愛！ 在BE系列中，最最最讓女生心動的唇色就是BE-1的色號，也被日本女生譽為“自身柔焦裸粉色”！ 以紅潤粉色為主色調，透明質感隱約透出裸粉唇色，而且雙唇還看起來超水潤飽滿，溫柔魅力都輕輕散髮出來，令人很想馬上親一口！ 就算素顏出外，塗了這支BE-1唇色，呈現迷人的粉紅色澤，除了可以馬上提亮氣息，最重要是別人絕對察覺不出你的小心機，裸粉自然雙唇讓你自帶仙氣。

Emma W好用推薦：CEZANNE長效光亮唇膏質地水潤滑順，一搽即帶來自然光澤與好氣色！101號色係豆沙色，好適合秋冬天時使用。其潤澤度，不顯脣紋，顯色度適中，能修飾唇色，疊擦更飽和。但持色力就不太行，用紙巾印幾下就冇左個脣色。保濕效果優秀，乾唇也能舒適使用，無香味，卸妝容易。 適合肌膚：任何 滋潤度：4/5 光澤度：3.5/5 持妝度：2/5 值得推薦度：3.5/5 （建議秋冬天時使用）

Chloeincosme好用推薦：Lip tint通常用韓國野，點知咗Cezanne 呢枝Water Lip Tint 又幾好用 質地輕薄，上嘴零負擔，顯色度卻出乎意料地好～ 🤍 質地：5/5 輕薄水狀質地，搽上嘴幾乎冇感覺，唔會有層野漿住 🤍 持久：4.5/5 乾透後緊貼唇部，食飯飲水都唔易脫色，卸妝時要用心一點！ 🤍 色調選擇：4/5 多款自然系血色同粉調選擇，我呢隻係血色感，秋冬用好岩！ 🤍 滋潤平衡：3.5/5 雖然持久，但長時間帶妝會少少乾，建議先薄塗潤唇膏打底～

auntiemuscle好用推薦：之前帶口罩時期購入既 但到依家都係常用 係名副其實 watery tint lip 好水既染唇液？釉？ 冇用潤唇膏打底都唔乾 食野時用紙巾抹咀都仲有淡淡地既色 最緊要係 唔痴口罩 唔痴頭髮 推介03&05 03 係 南瓜色 05係梅紅色 薄上一層 用手指推開印開個唇邊 就已經好靚 我本身係唇色深 暗 有唇紋 深膚色 no filter

Kitty 好用推薦：呢支真係平到笑，日本買我記得好似30 40蚊有找💰，但質素完全超出預期！佢個刷頭好貼心，可以好精準咁塗勻成個唇形👌。質地係絲絨水潤感，一搽上嘴好順滑，唔會黐立立，但又做到好高顯色度，薄薄一層已經好出色✨！ 我買咗隻楓葉橘色🍁，真係超級適合而家夏秋轉季嘅天氣！唔會太鮮豔，但又夠哂精神，仲有少少提亮膚色效果～ 不過講到缺點呢，飲水真係會沾杯㗎☕️！但諗返個價錢，真係冇得抱怨啦～補多兩次妝都唔會心痛😝。整體嚟講性價比真係爆燈，化妝新手或者學生黨絕對可以入手！

lingbb好用推薦：用過ct2，偏桃紅 好顯色，有滋潤感，上一層就好夠，薄薄地塗咀唇會有好嫩嘅效果，好似搽咗有色的護唇膏 呢個牌子嘅潤澤唇膏都非常好用

jas2468f好用推薦：性價比非常高，但是太不持久，質地一般，比較喜歡這個牌子的唇膏系列

lucrezianoin好用推薦：買左#01 coral, 隻色好靚! 質地唔會太痴立立, 反而係清爽又滋潤 :-) 顯色度高, CP值好高!

hsjvanessa好用推薦：說實話外型不算特別討好，而且只有3隻色選擇 但佢果3隻色都好大路，唔會點Fail， 而且上色效果幾好，日系唇膏來說顯色度算不錯 出來效果自然又滋潤，很適合日常使用 唇管幼身設計，帶出街不佔位 最緊要係平價，買左唔心痛

choichoi好用推薦：一支方便塑造完整唇妝的產品，當初是在日本看見其正正方方的膏體💄而被吸引，就買回來嘗嘗鮮。設計令其容易勾畫唇部輪廓後再作填充，價格又不貴但是實用度很高，而且質感不會太乾尚算貼服，是款有趣的商品🥰