bibubibu好用推薦：色號係mild red rosewood 一個好有女人味嘅棗紅色 感覺較適合秋冬使用 又或者如果你嗰日想俾人成熟穩重嘅感覺都可以用 質地柔滑 顏色顯色 唔會卡唇紋 唇膏頭嘅尖角位可以輕易描繪唇形 唔算特別持久，食完飯之後都要補妝 佢有淡淡的香水味道 包裝風格比較復古 同市面上其他唇膏好唔同，非常特別

agnessstang好用推薦：有點失望嘅唇膏🙁 當初係因為包裝靚所以買 復古金管設計+玫瑰花 膏體上仲有Gucci字樣 色號係500 Odalie Red 帶點橙調嘅豔紅色💋 大路嘅顏色 唔難carry 顯色度ok 唔算太乾 敗筆在於氣味 有好重+難聞嘅膠味(?)😵‍💫 連搽咗上嘴都會聞到 所以我用咗一兩次就冇再用過🥲

Hamiii好用推薦：有一期好鐘意四圍買香水版，貪佢細細支方便帶出街🫶🏻 呢款係機場免稅店購入，一大盒帶5細盒，每盒一隻味 基調既花香味好濃郁，最鐘意手頭用緊呢支帶玫瑰味既🫶🏻 如果再見到呢款都會再入手：）

Ching829好用推薦：個人不是太喜歡，係周街都有既味道，唔會有令人記住你既感覺。 個人覺得有少少攻鼻

Fng好用推薦：gucci 粉餅，外型古典風， 有少少香味，上面嗰層係粉餅， 揭開下面係個粉撲， 但係除咗靚，搵唔到其他優點😑😑😑同埋 好難去揭開粉餅層，手指甲都斷 。上面之後粉感極重， 完全唔明佢個用途喺邊度，又唔多控油 ，遮毛孔有一般 ，又唔夠貼面 ，帶出街又太厚身，好掗掟。

inkitsung好用推薦：#派對完美底妝 颜值超高嘅一盒蜜粉~ 真係勁靚！拎嚟補妝個時一定會成為焦點~ 但可惜嘅係入面真係麻麻地..... 麻麻地嘅程度係...冇咩事真係唔好用喇~

mandy好用推薦：Gucci  Flora Gorgeous Jasmine Eau de Parfume香水 $1,220/ 100ml 前調：意大利柑橘精華，意大利佛手柑精華，黑胡椒精華 中調：素馨花原精，玉蘭花香調，阿拉伯茉莉原精，大馬士革玫瑰精華 後調：澳洲檀香木精華，安息香萃取，印尼廣藿香精華 Gucci Flora系列的香水就像是一束束不同香味的鮮花。 這次Gucci Flora Gorgeous Jasmine是一款極之高貴優雅的香水， 柑橘調果香跟茉莉花香混合的香味清新怡人。 大家如果用慣Eau de Toilette淡香水要留意這是一款Eau de Parfume香水， 而非淡香水，香味比淡香水更濃郁及更持久，也就不用經常補噴。 Gucci Flora Gorgeous Jasmine比較適合輕熟女使用， 她不是羞澀小女生用的那種很清甜很夢幻又輕飄飄的淡香水。 輕熟女們可以天天大大方方使用的高貴又好聞的香水， 就是Gucci Flora Gorgeous Jasmine，除了香味討喜之外， 可以散發出自信的氛圍，而且香味不會太濃或太淡， 剛剛好不會令身邊的

zetalhc好用推薦：個人覺得味道比較濃烈，花香很重。噴上衣服持久度非常好，覺得比較適合約會場合，平時返工返學味道可能用其他清新d嘅好d

A&R好用推薦：Gucci Bloom香水，唔知有冇放錯位置評價😁 呢款香水主要係花香，之後又帶啲檀木香。原本我就麻麻哋只有花香嘅香水，但Gucci呢支香水好似橙花味重啲。所以我又好鐘意🥰 香味都幾濃烈，噴兩下可能會令企得近身邊的人打乞嗤🤣所以我都只係噴一下。 香味都非常持久，維持一整日沒有問題， 香味屬於甜美女性，性感類型。 總括嚟講都很不錯，Gucci佳作。👍🏻

Kura好用推薦：係我最鍾意嘅香水之一，味道係超級好聞，整體味道好適合用黎提醒女人味嘅一種味道，味道係偏濃烈小小，但係我好鍾意，首先噴出黎茉莉花嘅味道好出色，同埋香味好持久，價錢偏貴小小，不過噴完味道都可以keep到3個鐘以上係唔錯嘅，值得推薦俾想提升女人味嘅朋友，同埋呢種香味係好高級嘅香味，產地係西班牙 @cosme

Nicole 好用推薦：前調：梨花，義大利柑橘，紅漿果 中調：白梔子花，茉莉精粹，雞蛋花 後調：黃糖，廣藿香 喜歡梔子花獨特香氣，或者對白花系香調有偏愛的女孩子可能會對其青睞有加。它能展現出女性溫柔、甜美可人的一面，適合在多種場合使用。

mandy好用推薦：Gucci  Flora Gardenia 淡香精 $895/ 50ml; $1220/ 100ml 前調：百花香調、意大利柑橘、紅莓 中調：白梔子花、茉莉原精、雞蛋花 後調：廣藿香、黃糖香調 比較偏向郁馥的花香調，適合較成熟的女性使用。不是年輕女性喜歡的甜美花香，而是稍為濃郁的富層次感的花香。較成熟的職業女性在約會前噴灑，可展現女性化、温柔婉約的一面，但又不會太過濃烈刺鼻。可惜持久度一般，需要隔段時間補噴香水。Flora Gardenia 淡香精瓶身帶古典美，放在家中可增添古典美人的氛圍，也很好看。 #精緻香氛女孩

迪迪好用推薦：被包裝吸引再加比sales力sell😂呢支造型復古又顯色！我呢支係505，望落好驚太深色，但輕輕印又上色又顯白！無推介錯，但有d乾身

Noel好用推薦：Gucci beauty 全新系列彩妝的包裝都超用心！手上這枝 Satin 唇膏，我刻意選了金色雕花蓋，設計非常典雅💕 色號 #25 復古紅色，暖調紅色帶點橘色。 因為 satin finish 的關係，唇膏帶緞光妝效，滋潤感覺不錯，可能不用護唇膏單塗👍 顯色度很高，亦能達至飽和。這個顏色氣場感比較強，約會未必適合。單用在造型上或拍照就很ok❗ #BA照 #BeforeAfter

Ching829好用推薦：如果鐘意粉嘅感覺你一定會好鍾意呢支， 佢係花香又好貼膚，有少少情欲既感覺， 一般水貨店$500有交易，

choichoi好用推薦：比較重脂粉香，我用起來會暈香的一款。你可以說它很「女人」，請留意年齡使用w

mandy好用推薦：Gucci Mascara L'Obscur L'Obscur 睫毛膏 $340 這是一款很好用又易掌握的睫毛膏， 可打造出纖長濃密且捲翹的盛放太陽花眼睫毛， 即時給您強大有神的電眼，並且完美放大雙眼， 展現出女性獨有魅力，約會必用。 完妝效果呈現根根分明的睫毛，完全不會起結塊， 也不會數條睫毛黏在一起。 持久度很好，即使運動後也完全不暈染，不溶妝， 跟剛上妝時一樣美好。 刷頭尺寸不會太大，很好駕馭， 使用時可以橫掃，也可以直掃，非常易於掌握， 不論上下眼睫毛都兼顧。 此外，在使用L'Obscur 睫毛膏前， 如果先用Ettusais的打底睫毛液把睫毛定型， 會更容易成功畫出理想的捲翹、根根分明的睫毛。 相信初學者即使剛開始未必立即成功， 但多練習又有如此好用的睫毛膏幫手，很快就能得心應手。 L'Obscur 睫毛膏的價位就是專櫃彩妝的價位， 但考慮到一枝睫毛膏竟然可以同時搞掂上下眼睫毛， 其實相當方便及划算。 L'Obscur 睫毛膏完全沒有什麼缺點， 就我而言，是一款夢寐以求的完美睫毛膏，十分推介。

🌸好用推薦：包裝簡潔優雅，刷頭設計冇咩特別，但係捲翹效果都唔錯，整體嚟講都幾有好感，值得一試

lonia好用推薦：買香水除咗係因為鐘意佢嘅香氣之外，香水樽本身，甚至佢嘅外盒包裝，都係值得欣賞/收藏嘅一部份。尤其係迷你裝嘅香水辦，有一種細緻美。呢支GUCCI迷你香水，樽身有手繪風繁花圖案，有一種好classic嘅感覺。用完支香水之後，我將個香水樽放咗入飾櫃其中一個裝飾入面，一啲遺和感都冇，可以繼續好好收藏～:)至於香氣方面，係偏甜美花香風格嘅香水，亦係有層次感、有厚度嘅一隻香水。香水以木蘭花香為主調，隱約覺得仲帶住類似雲呢拿嘅甜味，一般日常外出都好適合嘅一種香氣。由於唔係噴灑設計，每次用就將香水直接倒少少落手腕位置，再搽落耳背，自己聞到鐘意嘅香水味，個人都開心啲～:)

Yeeting 好用推薦：試咗Gucci Beauty最新推出嘅玉蘭花味嘅Flora Gorgeous Magnolia香水後，讓我立即愛上。 那股氣味好像令我置身在悠悠嘅夏天， 一個好大嘅花園裏面，盛放着好多花草樹木🌳下，像彷如置身喺一個奇幻嘅世界入面。 喜歡那優雅嘅紫色香氛瓶， 展現出迷人高雅嘅感覺，而且包裝是盛放嘅花朵🌼配以明亮色彩的Flora圖案， 好像在訊息給我們要「Believe in yourself !」 🩵💙💜香水嘅味道❤️💛💚 前調：莓果、甜橙香精、椰子 中調：木蘭、沙巴茉莉、鈴蘭、依蘭 後調：廣藿香、麝香、金木​ 前調嘅感覺，像是表達對花花世界充滿了好奇和嚮往，而中調玉蘭花香與莓果互相融合，散發出那率性自然的香味，從世界裏找到了屬於自己的生存方式。 尾調廣藿香，為香氛增添木質嘅香味。 加添了一份質感，像訊息我們對世界的探索，永不停歇。 Flora Gorgeous Magnolia香氛: 有30ml、50ml和100ml，三個size選擇