Botanist 好用推薦產品

YYeman好用推薦：透明啫喱狀，比一般洗頭水杰少少，擠出嚟有陣青蘋果加玫瑰味，幾清新唔乞人憎，但沖完涼過陣味就散晒，唔好指望留到第二朝。 起泡力正常水平，唔算爆炸多泡但夠用，記住要洗兩次——第一次啲泡會縮晒水，因為頭皮太污糟，第二次先真正起到嗰浸綿密泡，呢個係常識嚟。 沖水嗰下係滑嘅，冇嗰種洗到𠺘𠺘聲嘅乾澀感，但又唔係假滑到洗完好似搽咗油咁，感覺幾正常。吹頭嗰陣明顯少咗斷髮，以前吹完地下好似落雪咁，而家叫做見得人。 不過講真，單用洗頭水嘅話髮尾依然有啲乾，冇可能話單靠佢就變到瀑布咁滑，想徹底潤澤一定要配返同系列護髮素，如果唔係都係爭啲。頭皮方面就幾滿意，無矽靈用完爽身唔痕，第二日起身頭髮仲係輕身嘅，唔會笠到成塊麵餅咁。 整體嚟講，呢支嘢平衡做得唔錯，乾淨得嚟唔乾柴，香味又幾治癒，但如果你把頭髮已經漂到受晒嚴重損嗰種，呢支未必夠力，要再加油輔助。適合正常至偏乾髮質嘅人，極度受損就唔好期望太高。回購的話，會當日常用，但會輪流轉其他深層修護款交替使。😌

chewyfruit好用推薦：太愛太愛啦！！！！爆汁🫐超級超級超級好聞！！ 一個字：香香香香香 簡直係我命中注定啊！！！！😭 洗完頭連撥下頭髮都係香嘅！ 而且我發現佢嘅香味， 竟然比我嗰幾千蚊嘅淡香水更持久！ 用同事嘅話嚟講就係：行過嘅地方都留低香味…… 聞落係爆汁黑加侖子果香， 帶出一絲絲茉莉嘅清幽， 混合苔蘚木質🪵嘅沉穩， 成個大自然嘅綠意香氣🍃舒服又好聞！ 更厲害嘅係呢個蛋白修護護髮素！ 竟然有陣淡淡嘅🥛奶香味！奶香奶慾咁撩死人！ （好聞到身邊嘅好朋友都俾我推介晒……） 🌲植物成分純淨又溫和，一啲都唔黏膩！ 難怪咁好用～ 洗頭水泡泡好豐富，用上頭超溫和， 護髮素就好似Tony幫我用嘅蛋白護理霜咁！ 對頭髮嘅包裹感超級好， 濕髮用手指梳都可以一梳到尾， 洗完頭又順又潤又亮！救命啊！ 睇落好似絲綢瀑布咁！出街行成日都咁靚， 隨時俾人一種感覺：你髮質真係好啊～

Hamiii好用推薦：日本旅行好鐘意買唔同既沖涼洗頭番黎用 真係特別香嫁😌😌😍 呢支洗頭青蘋果味好出！ 洗完好順滑，但搞唔掂毛躁頭 反而妹妹個油頭俾佢ko到，洗完清爽左好多 油性髮質可以考慮入手丫

lingbb好用推薦： 初頭係Logon見到呢個牌子包裝有莫名好感 先發現產品成份都係來自植物。 呢款洗頭係第二set買，洗頭水係好香嘅青蘋果同玫瑰香氣 ，係咁多款入面最鐘意嘅味 呢款洗頭水有驚喜，感覺到髮根開始頭髮好柔順， 等緊佢減價再入購😝

🌸好用推薦：日本botanist店買嘅set,有齊沐浴、洗髮及護髮。Damage care配方比較滋潤，因為我前額嘅頭髮比較多油，用完好似洗唔走啲油咁😅髮尾嘅防止開叉同順滑效果很不錯。 不過唔太睇到佢防掉髮嘅效果。