Charlotte Tilbury 好用推薦產品

楊一二好用推薦：💦Water Cream就係油皮本命版Magic Cream！ 佢唔係Magic Cream軟芝士霜狀，係彈潤凝乳Gel-Cream，白白QQ似冰涼水凝凍，一推即刻爆水💦，唔需要掌心搓熱乳化，接觸皮膚好快吸收～ 另外佢成分加左煙酰胺，可以細緻毛孔、調節水油。依家夏天我會轉用Water Cream，比較清爽。 Magic Cream會留返秋冬天用～

Jasmine L好用推薦：Charlotte Tilbury魔法注水霜係輕薄版既magic cream，質地水潤輕盈，吸收快唔黏膩，即時補水感覺強，皮膚軟滑有自然光澤，乾紋同緊繃感明顯減少。保濕力持久，妝前用令底妝更貼服水亮，敏感冇刺痛。 比魔法面霜輕薄得多，適合日間或混合肌用，主要係強效補水。整體舒服，CP值唔算高但用得安心。

Kathrynwong0902好用推薦：本身係乾性肌膚，天氣入秋之後發覺化完妝勁唔貼服，身邊朋友推介呢款按摩面霜，所以襯自己生日買一支送俾自己試吓，質地好似芝士奶油狀，搽上面之後再配合手感熱力按摩加強吸收。 搽完塊面會覺得帶有光澤感，然後再搽上粉底，妝感好貼服，真係一款好好用的妝前底霜。雖然建議可以早晚使用，不過價錢真係唔平，又有護膚的功效，都真心推介俾大家。

maylam好用推薦：試用CT最出名嘅產品之一 magic cream 質地真係同平時嘅cream一樣 上面有少少笠嘅質地 我喺美國好乾燥嘅地方用 可以用後續上妝 (包括防曬) 更加貼服 都冇咁易甩妝 但我諗香港就唔啱用了

楊一二好用推薦：呢款night cream係喺CT買嘢嗰陣送嘅。 好老實說，我覺得呢款cream唔岩我用。佢既質地我覺得好似潤唇膏，好硬好油🫠我係油性皮膚，好驚呢種質地…我要等皮膚吸收多啲先訓教，怕黏在枕頭上。 小提示🔔：長頭髮既姐妹搽呢款cream前一定要紮起頭髮，否則啲頭髮好容易黐晒上臉‼️

楊一二好用推薦：一開始我係用佢地一片片嘅sample，完全唔清楚呢款Magic Cream本質係妝前乳，當左佢係帶防曬嘅日霜日日塗😂。用落驚喜十足，佢質地似軟芝士，有滋潤感覺，連續搽幾日膚質改善好明顯，面仔摸落嫩滑細緻好多💖 講真，我係油皮會覺得質地太潤，但佢修復膚質效果真係無得頂✌️。後尾做功課先知原來主打妝前打底😂，隨即入手正裝。 聽從sales建議，用之前雙手搓熱乳化再上臉，後續底妝貼服唔卡粉、唔浮粉。我用完Magic cream之後會用CT既Next Gen 粉底液，覺得粉底液變到好好推，妝效係光澤水潤潤！ 不過呢款cream我會留返秋冬天用～ *CT magic cream出左新版，新版無防曬可以日夜用

YYeman好用推薦：乾皮、混油皮嘅姊妹，衝啊！ 成日卡粉、脫妝嘅姊妹，衝啊！ 即係話呢， 我終於搵到個底妝唔浮粉、唔卡粉嘅秘密啦！ 就係Charlotte Tilbury支精華面霜！ 佢叫得做「魔法面霜」真係唔係流㗎！ 妝前急救真係一流！ 乾皮同混油皮真係好難搞， 一年四季T字位都油淋淋，其他位就乾爭爭，鼻翼同嘴角甩皮係家常便飯～ 妝前乳又搽咗，定妝噴霧又噴咗， 但個底妝都係浮喺塊面度， 同皮膚融唔埋一齊， 搞到個妝感好重仲要好核突！ 成日俾同事話我個妝好厚粉～ 直到我問我個好姊妹，佢介紹咗我呢支CT魔法面霜俾我！ 質地似綿綢嘅奶油，潤得嚟又唔黐立立， 一搽上面就吸收晒，超快！ 個底妝即刻好似「癡」實塊面咁！ 如果你係夜瞓王，朝早塊面狀態差到爆， 上妝肯定唔貼服㗎啦～ 但一搽咗呢個面霜， 塊面即刻變得又軟又嫩， 毛孔都睇唔到啦！ 再上粉底或者氣墊，有成塊面換咗膚咁嘅感覺！ 成個底妝出到嚟就係又乾淨又高級， 唔會話暗啞，仲有啲好好睇嘅光澤感㖭！ 而且之後都冇咁易脫妝， 24小時落嚟，個妝都仲係度， 唔會一撻撻， 鼻翼、嘴角都係原封不動！ 個底妝真係成個鎖實喺塊面度！而且越夜越靚！！！ 卡粉、甩皮同暗黃