adadnileb好用推薦：色號： 05 灰啡色 試用程度：一星期內非連續使用了幾日，情況有朝早出門帶妝到夜晚、或收工後快速換妝赴約等，天氣已經進入炎熱的日子，亦有幾日遇上微雨。 - ettusais多年前轉branding後包裝大改，直覺地睇筆身顏色就知道出到嚟咩色，比起以前要對號碼更為方便；但改包裝後筆上字體難以辨認（手機影都要夾硬tune先見到字），剛好我有ettusais嘅眼線膠筆，有時拎上手先知自己攞錯產品。 如果可以保留全筆顏色嘅部分但d字嘅對比度高番d就完美。 - 05號名叫灰啡色，實物出到嚟的確係一個又灰又啡嘅冷色。當中有好微細而且帶偏光色嘅珠光閃粉，畫上眼皮後唔會明顯眼到閃粉一粒粒，而且唔會太glossy或太matte。黃皮膚有時畫啡色會太暖變得更黃，但呢個色調得幾啱啱好，特別得嚟上眼後又有種剛剛好嘅中庸感。 - 有一個眼線液嘅通病：如果眼皮上面已經有其他化妝品係底時，佢畫上去時個附著力會唔夠好，偏偏自己習慣底妝/眼影後先上眼線，品牌介紹入面話「由日本筆匠手工製作的毛料」反而會吸咗前面d產品走，塞住毛料、整花眼妝又令到眼線液出唔哂半透明咁，有少少尷尬。 最快嘅解決方法係知道會用佢就畫咗眼線

xxxcwing好用推薦： 首先感謝@cosme 抽中試用 因為我係會日日戴colour con嘅人 所以基本上每日都會最少化眉毛同眼線 今次嘅色號： 05 灰啡色，顏色比較淺，所以即使畫得唔好都唔會好明顯，對新手比較友好，對於唔同嘅髮色都比較易Carry，望落去相當自然 但我覺得顏色較淺嘅關係畫眼尾嘅時候會難啲令人睇到，所以之後再用會用嚟畫內眼線 但的確做到日系妝容嘅透明感 值得一提嘅係枝筆嘅顏色令到印喺上面嘅字唔太清晰佢嘅筆鋒都幼細 容易畫出細緻嘅線條 而且我認為呢枝眼線筆嘅防水功能一般 有少少手汗一捽就已經甩咗，防油嘅能力亦同樣一般 所以持久度嚟講我認為易出汗/流淚/捽眼就會令到眼線冇咗，持久度一般 所以整體嚟講因為唔係化日系透明妝感，所以未必會回購，但係一枝適合新手同容易上手顏色好靚嘅灰色眼線筆，所以都推薦適合日系或者較淡妝嘅人購買

auntiemuscle好用推薦： 收到ettusais 眼線膠筆 #14 luminous poppy 粉紅罌粟 係一個偏紫既粉磚紅色 帶少少金色閃閃 偏向溫柔感既眼線 係一個我比較少用既色😂因為 我膚色較深 好順滑 好似冇咩阻力唔會kick住「吮」住 好易畫 順滑得來好易控制 佢個筆芯軟硬度係剛剛好 唔會太軟致條線太粗 又唔會太硬致難畫難顯色 整體好適合眼線新手 我畫落手背試色 試用手捽已經捽唔開 乾得好快 即係畫落眼皮唔會好易印返上眼皮 同埋畫一下個已經好顯色 唔會唔夠色 唔需要來回再畫先顯色 如鐘意用眼線 暈開做眼影 就要疊畫上去即係推 如果唔係就條線係推唔開 睇返個簡介 佢係有金色珍珠粉末 自然日常光影相睇得唔清 室內黃光就睇到 手背試色 佢係有啲好幼金色閃閃 持久度都好高 我手背試色 冇刻意用卸妝去抹 條眼線跟左我一日 今次試既時侯 只係用左某日牌淺金色大地色眼影 加呢隻眼線 同埋ettusais mascara base 因為想試日常眼線持久度 我用左來畫上眼線 今日畫完 外出 有響戶外行走 面出晒汗同油 眼線都keep得好好 冇印上眼皮 都冇溶左落眼肚 眼尾都冇化做一堆野 呢個#14

mag好用推薦：今次收到@cosme 的ettusais試用，一共有三樣產品：稜鏡光感眼線液 & 極幼柔滑眼線筆 & 魔束捲翹睫毛底膏。其中有兩樣產品其實試用前我自己都已經買過其他的（就係gel eyeliner同mascara base)，都好鍾意呢兩樣產品。 極幼柔滑眼線筆（紅棕色）畫下眼線，眼線膠筆好啱新手用，注意扭出黎就唔可以扭返入去，所以扭少少好。佢嘅膏體好滑，畫眼線嘅時候完全唔會「kick」住，輕鬆就可以畫到好靚嘅線條 好啦，有圖有真相 素眼vs妝後眼仔 妝後眼仔 vs 大約7-8個鐘出完街流大汗後 可以見到眼線液係淡色左、但係睫毛同下眼線都仲keep到。所以我覺得gel liner 同mascara base真係好勁，眼線液其實都ok 仲見到。

Rin好用推薦：上色度不錯 筆芯較軟 未乾時還是容易擦掉的！ 用油卸妝也是一次性就可以卸乾淨 我多數用來畫眼尾，效果顏色都不錯

Circlecyy20好用推薦：筆頭都幾柔軟 唔吉眼 但同時係佢缺點 難畫得sharp既線條