Rin好用推薦：我分別係買過兩盒NYX 遮瑕膏 其實呢啲有色嘅遮瑕膏呢普遍都係比一啲有化妝經驗啦，會自己調色嘅人用嘅 因為佢呢隻遮瑕膏嘅色係非常深，好容易就過咗龍搞到塊面一達達顏色 一開始我拎第一盒嘅時候呢我係覺得佢嘅質感有啲有啲難溶化，會感覺係黐實喺塊面度，咁我冇特別去再用佢啦，都係用喺一啲應該要修飾嘅地方或者黑眼圈 然後去到第二盒嘅時候呢我就發現咦，其實會唔會係我第一盒買咗翻版呢？ 畢竟佢都幾多翻版嘅，因為第二盒嘅質感的明顯就比第一盒好啦佢係比較滑小小嘅，而且容易溶化

duffy好用推薦：好處：遮瑕力高，質地係比較乾身嘅膏狀，冇咁容易會甩妝 壞處：由於佢質地係比較實，佢冇易睇遮瑕嗰啲咁容易推開，上裝時要留意輕力啲同埋要用指尖嘅溫度或化妝掃去blend開佢 一開始見佢有唔同顏色，覺得幾得意，所以買來試吓 一用就用咗好耐，有一格我已經用到見底了 佢係我而家唯一用嘅遮瑕膏 雖然佢有咁多隻色，但我主要都只係用左下角嗰一格嚟遮黑眼圈同埋暗瘡印 左上嗰格黃色可以用喺啲要提亮嘅位置 我通常會印喺虎紋位，有減淡皺紋效果 綠色係去紅，但只可以印好少，要比較有心機，所以之後就好少再用 紫色係去黃，但我都好少用 

Kura好用推薦：呢款遮瑕膏我用咗好耐，四季都好啱用，遮瑕效果唔錯，佢嘅質地係偏厚實嘅膏狀，容易推開，價錢合理

Circlecyy20好用推薦：並非能夠單用的遮瑕膏，但是因為顏色偏橙使用着黑眼圈作打底，再加後續嘅遮瑕膏會容易遮得好啲

lingbb好用推薦：買錯色買咗好死白嘅pale，比較杰同乾特別搽係眼底，果時學網上美妝達人大範圍塗，嚇親自己。 因為太白用黎輕輕打亮，遮瑕力屬中至高，遮痘遮得好完整，量多會好厚粉，會乾到粒瘡想裂