excel 好用推薦產品

Mo Wong好用推薦：Excel係日本開架品牌，成日聽人地讚佢D產品好用，今次用呢款防曬底霜真係好高質，我見佢話潤澤驚佢會笠，點知佢質地幾水又易推，搽上面完全唔笠，乾肌用都無問題，而且佢係四合一，我懶時只用佢之後簡單上cushion粉底就出門，佢幾保濕，只係佢完全無任向遮瑕作用同提亮效果偏弱。

msthea好用推薦：試咗Excel嘅日間防曬潤澤面霜佢質地比較杰身，搽上面會有少少覺得油膩感覺 過一陣吸收咗會覺得好啲 我個人比較懶，用咗佢就冇再用調色霜 加上呢排天氣乾燥，我用咗佢又真係冇卡粉情況 比較乾燥嘅天氣之下，我覺得皮膚乾燥嘅人都值得一試 但春夏天就應該唔係好啱了

Tobimak好用推薦：呢盒係Excel嘅持久眼影打底霜。我每次用嘅時候都會用手指慢慢印上。佢質地好水潤，但係有少少厚，搽上眼冇幾耐已會見到眼皮位有條摺痕。

Yin_sharing好用推薦：質地有少少黐立，我覺得直接用手指腹，薄薄塗上眼皮會較易操作。上咗眼皮係有滋潤感，但每次都見到眼皮紋有明顯咗，不過上返眼影又唔覺。用完之後嘅眼影有顯色啲，都keep得耐啲，整體ok。

Ah223好用推薦：我常用的日系品牌excel水潤精華持久底霜，本人屬於混合偏乾性皮膚，皮膚偏白，毛孔粗大顯眼，色素沉澱亦明顯，鼻翼及虎紋位置暗啞。 呢支底霜質地易推，流動性高，不厚重，能均勻塗上面；帶有幼細既閃粉，有提亮效果。 保濕型底霜，乾性、混乾性皮膚四季都可以用，混油及油性皮膚可以留返冬天用。 以我混乾性皮膚，化全妝既日子水潤保濕力能持續至卸妝，以開架牌子黎講算很滿意了。 有時唔想化全妝，只係落一落街唔會暴曬既日子，齋用呢支底霜當防曬用，已經好精神，提亮暗啞既鼻翼及虎紋位置，又能輕輕一遮我既色素沉澱，毛孔亦撫平左八至九成，都算係一支平靚正多用途防曬底霜！懶人恩物😎 唯一缺點，呢支底霜搽得太近下眼瞼的話會”嗱”眼睛，試過”嗱”眼睛用清水抺走就無事了！ 前後對比🆚圖： 1️⃣面頰顴骨位置沒有使用任何濾鏡下，色素淡左 2️⃣面頰毛孔撫平左八至九成，皮膚滑左，通透左 3️⃣鼻翼同虎紋位置都提亮左 4️⃣整塊面膚色明顯均勻 質地 ⭐️⭐️⭐️⭐️⭐️ 保濕 ⭐️⭐️⭐️⭐️⭐️ 遮瑕 ⭐️⭐️⭐️🌟 提亮 ⭐️⭐️⭐️⭐️🌟 (⭐️⭐️⭐️⭐️⭐️滿分，⭐️為1分，🌟為0.5分) #excel

Chloeincosme好用推薦：呢排用緊 Excel 水感精華持久底妝霜🤍 但對佢標榜嘅「持久」效果頗無感... 下面講下會既妝效 🤍 水潤度：4/5 質地確實水感輕薄，推開時好順滑，上臉有自然光澤感～ #轉季 岩用 🤍 持久度：2.5/5 帶妝4個鐘已經開始浮浮地，鼻翼同額頭出油位明顯脫妝，完全感受唔到「持久」效果～ 🤍 貼服度：3.5/5 剛上妝時幾貼服，但隨著時間會慢慢浮粉，尤其係眼底，鼻同法令紋位置～ 總結： Excel呢支底妝可能適合追求自然妝感同短時間出門嘅人～但如果你同我一樣期待持久妝效，就可能要諗諗先～唔會回購啦！

Chloeincosme好用推薦：Excel 絲滑控油持久底霜 ： 可能香港天氣太濕熱，唔係好覺佢好控油，個妝好快就會溶... 🤍 妝效/ 質地：4/5 絲滑乳液狀推開算順滑，有少少修飾毛孔效果，唔會搓泥或厚重～ 🤍 控油力：2.5/5 8月用，上妝兩三個鐘後T位已經明顯出油，鼻翼同額頭開始溶妝，控油效果唔明顯～ 🤍 持久度：3/5 單用呢支底霜，妝容持久度唔算理想，要搭配控油粉底先勉強撐到半日～ 🤍 貼妝度：3.5/5 初時上妝都算貼服，但出油後會令底妝移位，尤其係鼻翼同下巴位置～ 總結： Excel呢支底霜可能適合秋冬或者油份唔多嘅肌膚使用～但對於香港嘅濕熱天氣來講，控油同持久力都唔夠～暫時唔會回購！ #轉季

Soda soda好用推薦：質地水潤易推開，上妝之後成個膚色都好有光澤， 我鐘意冬天用佢，持妝度幾好 不過油肌或者T字位會出油嘅，就唔可以靠佢控油，控油效果唔太見到 夏天如果用佢，我只會用喺兩邊面， T字位就會用Kose桃紅色嗰支make keep primer，呢個組合對混合肌非常之好

Chloeincosme好用推薦：Excel 水凝保濕防曬底霜 🥲坦白講同價位有更好選擇... 🤍 保濕度：3.5/5 質地算水潤，但保濕力唔持久 #轉季 未必岩用 🤍 防曬效果：3/5 防曬系數唔夠高，取代唔到防曬 🤍 貼妝度/ 妝效：3/5 單用有少少提亮效果，但同部分粉底夾得唔好，容易出現屑屑～ 🤍 性價比：2.5/5 開價中偏高價位，但整體表現普通，藥妝店仲有好多平價更好用嘅選擇～ 總結： 如果你係Excel忠實粉絲可以一試，但若追求高性價比嘅保濕防曬底霜，建議考慮其他底霜，唔會回購啦！

Circlecyy20好用推薦：對於平時不想化妝，但又希望能夠調和膚色的人，十 分友好，因為這個產品能夠有提亮膚色嘅感覺同時有防曬效果

格仔餅公主好用推薦：剩搽都ok，睇落皮膚細緻度會高啲同有啲光澤感，用完無生奇怪野，點解強調剩搽因為我發現佢同我個期用緊既REVLON 粉底完全唔夾，浮粉浮到喊

格仔餅公主好用推薦：搽出嚟嗰個均勻膚色既效果都算自然，睇落白左個人精神左，但夏天用我生暗瘡，所以低分左😂

choichoi好用推薦：雖然帶珠光亮粉感但上臉後不會髒髒的，帶一點點粉色提亮，效果比較適合作打底不宜單塗使用就出門喔。除了質地有點濃厚難推開外算是很快能與肌膚融合。

Kitty 好用推薦：用落個質地都算薄身，推開之後唔會覺得黐立立，幾舒服嘅。最明顯係佢有少少提亮眼圈嘅效果，唔會話好誇張，但係眼底真係光咗少少，睇落冇咁暗沉。同埋有輕微增白嘅感覺，如果你本身膚色偏白，用咗之後會覺得眼周乾淨咗。可以令後續眼影更加持久顯色。 不過講到整體效果，我就覺得中規中矩囉～唔會話好驚艷，但叫做有啲基本修飾咁。如果你係想要自然感，或者平時趕時間唔想化全妝而且想望落去精神D，都可以考慮下嘅。 總括來講，呢隻打底膏適合要求唔高、想要低調提亮嘅人。 如果係眼周嚴重暗沉，就可能要再加多層遮瑕先得啦！