fresh 用家評價

Cream Ancienne 🫶🏻乾敏肌的本命面霜🫶🏻 數年前冬天日夜溫差大，雙頰被凍傷後，每到冬天顴骨位置就會起乾紋、刺痛，變成高原紅。當時用了不下十多款產品：平價修護面霜、芳療褪紅精華、貴婦海藻面霜等等，都不能解決過敏問題，最多只能維持我皮膚現況不再惡化。 未使用古源面霜前，顴骨皮膚乾敏泛紅、刺痛，準備起小疹子的情況：直到我試用了Fresh的古源修女面霜，一抹就即時舒緩了雙頰乾痛的感覺，一晚上就撫平了乾燥紋理。連續在顴骨位置厚敷一星期，泛紅居然褪了八、九成。依靠古源面霜，我雙頰皮膚安然渡過了香港數個溫度反覆的冬天。 持續使用古源面霜後，膚況變得平滑穩定，不再出現高原紅的情況：雖然Fresh的古源面霜定價較高，但我仍覺得物有所值！第一，每次所需用量很少，只需1/2個指甲蓋的份量就足夠抹勻雙頰。套裝𥚃一瓶7ml小容量的已經可以讓我用一個月。第二，很少護膚品能完全符合乾敏肌的需求。一代的古源面霜的成份極為簡潔，主要修復成份是白芒花籽油，鎖水滋潤的基底油成份是白蜂蠟，不含礦物油、酒精、香料、傳統防腐劑，過敏時我真的可以完全放心使用它。 另外，我還發現用它跟A酸、A醇配搭，可以減少

一打開好濃烈嘅花香味，呢隻花味唔假，但需要少少時間適應。入邊添加幾種花嘅成份，主打舒緩作用。 質地好厚身，用後可以做到保濕，即使洗乾淨面膜之後都會有保留油分滋潤皮膚，用完係即刻有保濕效果，敷完感覺舒服。平日一星期敷一次，最佳效果係冬天沖洗完面好乾燥後使用。試過冬天乾燥到甩皮紅咗，敷30分鐘之後，有明顯鎮靜效果。 質地較厚身，冇試過當晚霜過夜，唔建議混油肌使用，有機會爆粒粒。另外花香太重，唔建議敏感肌使用。 $600 100g係貴，但份量好多，用咗一年都未用晒。

呢款面膜喺今年5月推出咗新版本，以下係屋企舊版存貨嘅用後感。 同好多fresh產品一樣，都有一種清新嘅香味。呢款係sleeping mask，臨瞓前好似搽面霜咁搽上面，第二乾洗淨就可以。佢嘅質地係膏狀，上面後有啲黏笠感，但尚可接受，搽完會有滋潤感，可以做到保濕面霜嘅功效。敷完之後第二朝覺得皮膚彈性好咗，有Q彈Q彈嘅感覺，同時亦會感覺到皮膚滑咗。 不過呢款面膜價錢都有啲貴，個人嚟講覺得CP值一般。

呢款面膜喺今年5月出咗新版本，但屋企嘅存貨仲未用完XD，都分享一下用後感，當作參考。 我自己比較鐘意塗抹式面膜多過片狀面膜，因為就算每個人嘅面形、大小唔同，塗抹式面膜都可以完全覆蓋到。fresh嘅產品，香味好似真係食得嘅咁……XD，呢款面膜有清香嘅茶味，質地好似雪葩咁，有少少沙沙哋嘅感覺。 佢作為急救用面膜，效果非常好，搽上面敷5-10分鐘，清水洗淨就可以。敷上面有清涼感，洗完面之後清涼感仲會維持多一陣，所以夏天使用，感覺非常舒服。敷完之後會發現皮膚細緻咗、水潤咗，毛孔變得冇咁明顯，所以敷完之後上妝都會貼服咗。 夏天如果長期處於冷氣房，皮膚好易缺水乾燥。呢款面膜可以瞬間保濕、修護皮膚，敷上面又有涼爽嘅感覺，幫個人降降温，推薦大家入手作為夏天保養品。

Fresh有出好多面膜，好想每一款都試曬🫢依款係花妍舒緩修復面膜，小紅書好多人推薦 花妍舒緩修復面膜主打即時調理皮膚，舒緩皮膚，維穩肌膚，水潤提亮 Fresh面膜價錢唔平，不過一大罐，有排用。 乳白色乳霜質感，洁身，唔太鐘意陣花味🪻 敷左10分鐘，好似敷左一堆cream係面上，好油膩🫥洗完面膜之後，無補水感覺，仲好似洗極都未洗乾淨面膜，泛紅位依然存在 混油/油皮唔適合，官方仲有一種方法係當sleeping mask用，無試過但實會爆粒粒。 做唔做急救既效果，失望🤦🏻‍♀️寧願濕敷toner性價比仲高，送左比mami🙈

成日捱夜皮膚蠟黃嘅人必入！！♪用咗半樽嘅超真實分享！ 機緣巧合之下俾朋友燒著咗 忍痛入手咗人生第一件Fresh嘅產品_(´ཀ`」 ∠)_ 一開始我都係直接倒落手搽上面，後來有見到有MUA分享可以倒落化妝棉度抹完面再抹頸，嘗試咗一下之後真係好OK！！佢嘅流動性好強，唔容易被化妝棉吸收，抹晒成塊面再抹頸都仲可以抹埋手臂。用咗大概一個月左右，皮膚有比以前白淨咗，冇咁黃。 （我甚至乎最後仲會攞嚟抹埋Underarm，色素沉澱有改善！！） 雖然佢個名叫做精華水，但佢冇辦法直接替代精華，始終冇精華咁潤，所以我會夾埋其他product一齊用。除咗價錢小貴之外，就冇其他缺點～小資女必必必入嘅一支Toner！！ —————— ♪ 流動性：★ ★ ★ ★ ★ ♪ 滋潤度：★ ★ ★ ☆ ☆ ♪ 性價比：★ ★ ★ ☆ ☆ ♪ 氣味：★ ★ ★ ★ ☆ ——————

Fresh 大豆卸妝潔面乳 法國牌子，係藥妝店成日見到平一大截，拎包sample試下。冇特別研究成份，只靠感覺純粹寫。 ⭐️啫喱狀，小小起泡 ⭐️花香清新味道，可接受 ⭐️性質溫和，洗面時唔刺激👍🏻 ⭐️有卸妝功效 中性肌至乾性岩用，日常冇化妝/淨係搽防曬嘅日子就啱啱好夠用。洗完面未搽面嘅時候有好輕微繃緊。 混合肌至偏油肌未必岩用，應該會感覺唔夠清潔力。 如果正價買$330/140g性價比唔高。

有關提亮膚色，除咗用化妝品之外，打好皮膚底子，定期去角質去除皮膚沉積嘅代謝廢物，幫助護膚品吸收，都有助令膚色回復亮白。 之前search去角質好物，就入手咗fresh呢款黃糖滋潤亮采面膜。一般去角質產品都建議每星期使用一至兩次，而呢款產品官網介紹係每星期可使用三至四次，温和去角質。呢款係膏狀面膜，入面有黃糖同見到有士多啤梨籽。洗完面，濕面狀態搽上面膜，帶有少少香甜嘅果香味，輕輕打圈按摩直到黃糖完全融解，再敷5至10分鐘，用暖水洗淨就可以。暖水洗完面之後，塊面會有一種油份嘅滋潤感，但唔算黏笠。所以秋冬季使用都唔怕因為去角質而導致皮膚乾燥痕癢，甚至引起泛紅。 使用呢款面膜之後，覺得佢可以改善皮膚暗啞，令膚色提亮咗，光澤感都出返晒嚟。特別推薦俾乾性皮膚，揾緊合適去角質產品人士～

Fresh產品標榜強效天然成份.. 敏感肌適用🧏🏻‍♀️ 品牌嘅玫瑰系列一直都有用開.. 之前sales氹過我買喱款…然後.. 紅茶凝時煥活面霜 天然成分有紅茶多效抗老複合成分(BT Matrix™️) 🌷可明顯減少皺紋 🌷同時改善肌膚緊緻度 神經醯胺 🌷加強肌膚保護屏障 🌷防止水分流失和乾燥 💡紅茶味好香.. 好紓緩 💡質地比較厚身.. 適合秋冬使用 💡吸收度高.. 冬天打底再化妝亦無搓泥/起紋 💡鎖水度高.. 冬天室內暖氣下只用同品牌toner+精華+面霜.. 臉部依然無任何不適 💡用完一整罐..有感覺到皮膚緊緻度有提升 🪻用完一整罐..皺紋依然好明顯.. 唔覺得改善到 🪻只限冬天/落雪/室佩暖氣下使用.. 否則容易過潤出油 ⚖️膚質問題..使用限制比較多… 我就唔會返買正裝.. 唔想放得太耐.. 但如果代購有sample size/專櫃有套裝跟細size嘅都值得入手⚖️

多謝今次@cosme 邀請我試用Fresh 全新升級版紅茶酵素抗氧精華水🤍雖然皮膚屬乾敏肌，但很怕使用黏笠的護膚品，不過這款精華水質地清爽，較水狀，拍上面很快吸收，什麼膚質也可以使用🫶🏻連續使用皮膚亦有明顯的改善效果❣️最近皮膚比較乾癢，熬夜以致皮膚暗沉，亦有暗粒。連續使用七天後，皮膚明顯比以前亮白連毛孔都細緻了，而且泛紅情況亦有改善。 使用前:使用後:提亮效果非常明顯，強烈推薦有暗沉問題的姊妹試試💕 價錢: $340/50ml $750/150ml $1020/250ml

好開心抽到今次Fresh嘅紅茶酵素抗氧精華水試用，畢竟天氣時凍時熱，前排皮膚唔太穩定，有啲泛紅同毛孔變得粗大，化妝都唔太上到。 包裝一如以往磨砂透明樽身，倒出嚟猶如水狀嘅精華，氣味雖然聞唔到紅茶味，但頗清新！冇用化妝棉，直接按壓上面，吸收得好快。第二朝格膚好似軟綿綿咁⋯ 用咗一星期左右，皮膚冇咁易出油，毛孔都變得細緻，雖然鼻頭毛孔仲係明顯，但假以時日，相信連重災區嘅鼻頭毛孔都可以收細👍 使用Fresh前：使用Fresh後： 最驚喜係佢令到皮膚冇咁暗啞，感覺好似白咗咁，減少泛紅情況！ 如果你當佢爽膚水紅茶酵素抗氧精華水$1,020/250ml，好似略貴咁，但你一諗到佢係有精華般功能嘅水，你會想收藏私用！

買了好幾支fresh 的火山茶激活精華，忍唔住要上黎分享下呢支精華😆😆 講下呢支精華既效用先：火山茶激活精華擷取出源自毛里裘斯火山茶的活性成分，為肌膚注入如火山茶的頑強活膚力量，激發細胞能量，加速代謝循環，啟動自身基因調節機制，鞏固肌膚適應力及防禦力，讓肌膚變得強韌，深層提昇整體膚質，維持肌膚穩定狀態。 瓶身設計：方便，用泵抽取自自己要既份量，唔會倒多倒少。 精華質地水潤，但唔黏稠，塗上臉上很快被吸收，呈透亮飽滿既狀態，之後塗埋face cream 便完成😊😊 用完會繼續補貨😁😁

有幸入選@cosme嘅試用活動, 有機會試用Fresh全新火山茶激活精華, 第一次撰寫分享用後感😊 今次係我第一次正式使用Fresh嘅產品, 之前只透過朋友分享試用過品牌暢銷系列精華水~ 精華嘅包裝已散發濃厚草本清新氣色🌿 精華有淡淡令人感到舒服嘅草本氣味, 而質地輕盈又有啲似乳液, 延伸性好好 皮膚好快吸收, 感覺係搽咗嘢 但又唔會有黏笠感, 朝早起身嘅時候亦唔會黏住頭髮😉 本人膚質係混合性偏油嘅敏感肌, 一向不敢亂試護膚品, 直到近年膚質穩定返先會入手成分溫和嘅產品～ 暫時連續使用約兩星期, 晚上用量比早上多, 起身嘅時候臉部亦未有出現油膩嘅情況, 尤其現時係夏天 有啲意想不到吸收得咁好 而亦有理想嘅保濕效果👍🏻 而偏敏感肌嘅我亦未有出現臉部泛紅或暗粒嘅情況, 可以穩定到肌膚狀態~ 剛開始使用嘅一星期未有明顯感覺, 之後漸漸覺得毛孔有收細 膚質變得細緻 均勻膚色 提升彈性 有返光澤, 感覺臉部皮膚慢慢變得健康 有返氣息, 需要時間同持之以恆使用就會睇到效果~ 長期捱夜嘅我使用後係感覺到膚質有改變, 精華定價對我嚟講係偏高 但而家呢個年紀就會追求效果同穩定性, 如果

一開始用玫瑰保濕面膜，感覺唔錯，又幾香，就試下用其他玫瑰系列。感覺有驚喜。 記得皮膚藉由角質與角質之間的脂質結構，傳遞親油性成分；而對於小的極性分子或離子，可給予水分子通過，所以用水油護膚產品，猶如持有「雙行證」，到達皮膚底層。 依款oil-infused serum 其成份有玫瑰水、角鯊烷、大馬士革玫瑰花萃取物等保濕成分。用前輕輕搖晃，直接用手心溫度塗上面上。夏天早晚用都唔會好笠，又好快吸收。另外，唔會因為有油的成分，容易出多左暗瘡，所以值得推薦比大家用。

FRESH BLACK TEA ADVANCED AGE RENEWAL EYE CREAM 紅茶凝時煥活精華眼霜 $620/ 15ml 功效: 減淡黑眼圈+緊緻眼周肌膚+撫平魚尾紋+改善浮腫 紅茶凝時煥活精華眼霜有著面霜的質地， 卻不會太油潤，延展性還不錯， 非常易於在眼周推開，只稍加按摩就很好吸收。 此外，紅茶凝時煥活精華眼霜還添加了不少養膚成分，如：保濕、抗衰老及美白等成分。 使用後，不只是黑眼圈冇咁明顯， 緊緻度也大大提昇，亦改善了眼部浮腫， 雙目也不再那麼疲累。 含保濕成分: 甘油, 角鯊烷, 丁二醇, 戊二醇, 聚甘油-6, 茶葉萃取, 聚甘油-3, 茁黴多糖, 麥芽糖糊精, 神經醯胺 3, 玻尿酸鈉 及 對羥基苯乙酮 抗衰老成分: 甘油, 角鯊烷, 茶葉萃取, 紅毛丹果皮萃取, 維他命E, 脂溶性維他命C, 神經醯胺 3, 玻尿酸鈉 及 對羥基苯乙酮 抗氧化成分: 角鯊烷, 茶葉萃取, 紅毛丹果皮萃取, 維他命E, 茁黴多糖 及 脂溶性維他命C, 玻尿酸鈉, 對羥基苯乙酮 控油成分: 矽石 及 麥芽糖糊精 鎮靜消炎成分: 茶葉萃取, 紅毛丹果