Lucido-L 好用推薦產品

Nicole好用推薦：LUCIDO-L系列，幾乎全部都用過。當中以淺粉紅嘅精華油最清爽最易買到。五款官方都有建議適合使用人士，而呢款就係適合細軟髪質。因本人頭髮比較粗厚乾燥，所以一開始係試藍色修護型同埋橙色滋潤型，係因為冇貨所以先轉淺粉紅清爽型，但意想唔到雖然係好薄身嘅油（唧5-6次喺手心有時唔為意就已經流咗去手指縫)，但滋潤度完全足夠並唔黏笠，唔會令頭髮變成一束束。比其他款更易吸收同埋個花香係有驚喜。#不斷回購同埋囤貨。 另外提一提，唔好買錯深粉紅嘅抗燥型，因為抗燥型係gel狀精華油，喺掌心推開先搽都唔係咁容易完全吸收，吹頭嗰時感覺唔夠潤髪尾會打結，唔能夠由頭頂梳到髪尾，係系列當中唯一一款因為效果同用後感而唔能夠空瓶嘅精華。 最後，附上全系列五款精華油嘅官方圖俾大家參考。

Kriskirs09好用推薦： 已經係我用嘅第二支 第一次用落覺得都唔錯 所以去日本旅行嘅時候買咗第二支 用過唔同嘅髮尾油 呢一支個質地算係好輕薄我唧出嚟都係好流質 大致上嘅用法： 1. 頭髮半濕嘅狀態下 2. 將髮尾油喺手掌心搓勻 3. 放喺耳仔下面嘅髮尾 4. 髮尾大致吸收之後將手上面剩低少少嘅髮尾油撫平一下耳仔附近嘅頭髮 5. 繼續吹乾個頭 頭髮喺半乾半濕嘅狀態最容易吸收發尾油 同埋因為我電攣咗啲頭髮 頭髮都有受損同埋乾旱嘅情況 我會順住個頭髮電攣嘅方向一路按摩唔好睇我搽緊嘅時候隻手好油 佢一陣吸收完之後就一啲都唔會黏笠 使用嘅時候都要留意份量 唔好一次過貪心用太多泵 如果唔係嘅話個頭就會好笠變成一束束😖 份量用得適宜當吹乾之後頭髮會柔順啲 我把攣頭髮都打理得整齊啲 吹完頭都唔會去到好枯乾同埋混亂 （如果平時懶唔用髮尾油嘅話真係有一種雜草嘅感覺，仲會見到有啲明顯嘅開叉，比較乾燥🤢）真係有種健康頭髮絲嘅感覺✨PS搽咗髮尾油之後吹頭好似吹得快啲🤣

A&R好用推薦：日本買嘅髮尾油，啱平時頭髮容易乾燥、毛躁嘅人用。質地輕盈，唔會笠笠哋，推開好快吸收，搽喺髮尾即刻覺得柔順咗。用完之後頭髮冇咁翹，減少靜電，提升光澤感。 香味方面都幾清新，可以遮蓋頭油味。日常用完全唔覺得膩。 平時洗完頭吹乾之前會搽一泵，髮尾唔會乾到開叉。包裝細支方便攜帶，價錢親民，性價比高。

Kakar好用推薦：呢支護髮油唔錯，我通常會吱最細的份量，淨係用係髮尾位置。頭髮好容易就吸收到，唔會話用完d頭髮黏埋一條。 有時會夾完頭髮，搽少少，等佢無咁傷，護髮功效都算唔錯。

Cole Cole 好用推薦：Lucido 呢款護髮乳喺度日本買，我長期染髮髮尾都好旱同開叉，吹完頭又會好毛燥好鬆散咁，洗完頭之後單搽埋髮尾乳，可以令到頭髮吹乾之後都唔會咁乾旱，可以撫平髮尾乾旱同順滑。減少開叉同埋雀巢頭髮。而且增加一些光澤，味道好香乳液質地，夏天冬天用都冇問題，唔會好厚重又油膩，我會喺吹乾頭之前用，可以令到頭髮睇落更加自然。價錢又平，值得購入推薦。

CLS24好用推薦：首先，係花香味～非常好聞！主要係夏天油脂分泌多既時候本人唔想用髮尾油，所以特登買乳液狀既！我比較中意岩岩洗頭之後既全濕髮用，吹乾之後，輕盈、順滑，而且佢有熱防護成份，吹完頭都唔擔心會毛躁開叉！不過乾髮上既話，搽完都有少少重量，除非噴定型，否則比較易塌，我會避開劉海只搽髮尾！

Blueblueblue好用推薦：用曲髮夾捲完成個頭之後，會噴呢枝噴霧做定型。 不過頭髮有少少痴笠笠。

Hazel好用推薦：唔覺有咩效果，同水冇乜分別，只係有浸香味同少少黏立感，唔覺頭髮有光澤左，亦對維持捲曲度冇幫助。

格仔餅公主好用推薦：冇乜特別感覺啦，又唔係特別難用但又唔會話用得好辛苦，佢個油嘅質地唔算好厚，所以都算易吸收晒，主要用嚟滋潤吓啲頭髮囉，我用嘅時候都冇咩要求

Circlecyy20好用推薦：質地較厚身 由於滋潤度很高 做用頭髮有提升亮度 所以手上沒新品時就會用這枝

Sarah好用推薦：掉髮後生長出嚟嘅毛髮會好似天線咁係頭頂豎起咗，望落好唔靚，用咗這個產品會令到毛髮貼服咗。每次掂一下已經好足夠，用太多會似冇洗頭。

jojoma123好用推薦：質地不黏笠, 取少許份量推勻後, 再輕輕塗搽於髪尾位置, 可以為造型增添亮澤感, 以及塑造輕盈秀髮效果, 只是持久度稍稍不足

kameari好用推薦：呢一款算係易控制易用，效果不錯，一開頭定都可以，但未有好持久始終耐少少都係會塌左啲

keinice好用推薦：容易使用，定型效果理想。

Minnie Tse好用推薦：這髮油用後沒有黐立立的感覺！ 我是又厚又硬的頭髮，髮油都是塗髮尾的 髮油吸收表現佳，可以改善了頭髮毛燥感，就是比較沒那麼澎炸感 頭髮感覺順絲一些，還有甜甜的果味！ 元氣滿滿

royu3好用推薦：我的髮質較乾及易有毛燥感。在使用電髮夾後，在手心揼出2-3滴，先在髮根搓揉，再將手心上剩餘的美髮油輕輕掃在毛燥的髮絲上。有即時順滑效果，秀髮頓時有光澤👍🏻夏天使用不黏膩，價錢相宜，容易入手，推薦⭕️

killkew.b好用推薦：呢支產品功能同性質， 同同品牌旗下既輕盈光澤美髮乳好似🙂 所以兩支我都買左黎試😗 其實兩支都係護髮產品黎，乾髮濕髮用都得， 用完亦唔需要清洗，可以幫頭髮保濕改善毛燥問題😘 而呢支仲可以幫頭髮添加光澤，改善暗啞問題， 不過質地就真係笠身左少少， 如果頭髮比較容易出油既朋友用就唔太適合🫣 但佢性價比好高，粗用唔心痛❤️

lingbb好用推薦：染同電完頭髮買咗好多令頭髮無咁枯燥既產品， 呢個品牌好多地方都有，價錢唔貴就試下 質地係乳液狀，電完髮後每日查黎保濕， 非常黏，如果染重損傷唔會覺得佢唔夠潤。 可以令髮尾望落健康d 用完初頭會覺得髮尾黏，之後會有輕微硬咗幫你keep造型 如果你係曲髮都可以試試！

Rin好用推薦：我記得好像只要幾十蚊就買到CP值很高，而且味道很香 定型效果不錯 但要多噴兩下 亦不要噴太多，因為會好硬

WSY好用推薦：呢支嘅定型效果唔係幾好，出街一大風少少啲頭髮都會吹散，不建議購買！