MAJOLICA MAJORCA 好用推薦產品

poonpoon好用推薦：戀愛嘅季節一定要妝容變得更加溫柔，除咗粉粉嫩嫩嘅胭脂，仲有三文魚色嘅眼影之外，一定唔少得一支淺棕色睫毛液。 Majolica majorca 睫毛液出名超多纖維，而且有多種顏色選擇，黑色、深棕色、淺棕色，而且仲有分防水，溫水可卸。 浪漫既季節必選淺棕色，妝容加倍溫柔🌹就算只係搽一層，已經非常長翹，沒有曱甴腳。就算全日都冇甩過。本身的刷形掃頭已經可以令睫毛好纖長，不需要特別技巧。 可惜嘅係只有台灣、日本先有得賣，記得去旅行要團貨。 甜美嘅笑容，加上無敵溫柔嘅妝容，夢幻甜美感up up up💕

YY好用推薦：MJ持久鬈長激場睫毛液 學生年代睇YouTube開始興起，已經撤出香港市場多年😿去親日本旅行一定買返3-4枝，啡色黑色都買。 平價好用，質量好。超多纖維，好易刷到好纖長嘅睫毛 我唔會夾眼睫毛，過份捲撓style唔適合我， 淨係鐘意用纖長mascara，mj睫毛液刷完2層就好夠。我會刷完之後會用眉刷刷返順啲睫毛，咁就好靚。之後再噴setting spray撤回都冇甩，乾得幾快。 出咗全日街有少少溶，用Shu uemura潔顏油都落得好乾淨。到2024仲係我心目中既top one睫毛液 🥇

Rainbow好用推薦：MJ 持久鬈翹激長睫毛液 MJ 睫毛液由中學已經開始用, 最大特點係有黑長纖維同梳子型既刷頭,好容易就有根根分明的效果, 但香港開架已經無得買,上次係日本旅行行過藥妝店,見好耐冇用就買黎用下 今次既體驗: -要係紙巾印走過多既纖維.否則好容易整到眼皮 - 睫毛可以Hold到一日,唔容易dup 返落黎

Karman28好用推薦：十分喜歡呢款睫毛液既刷頭，用完眼睫毛唔會一舊舊，很分明，而且很顯色，感覺睫毛長了和濃密了。 卸妝也很方便，普通的卸妝油或gel都能清潔得很乾淨，不需要特別使用卸眼妝的用品。

Jcxjessie好用推薦：睫毛液乾得好快，唔容易甩落眼底 如果想妝感濃少少就可以用佢，佢入面有好多纖維，可以令到眼睫毛睇落濃密啲同埋長啲 我平時就Z型咁樣掃落啲眼睫毛度，咁樣啲眼睫毛就會分明啲，同埋會向扇狀咁樣散開

Angie好用推薦：平時就算唔化眼影唔畫眼線，都會搽一層睫毛膏，呢款睫毛膏會令到睫毛睇落又長又濃密，成個樣精神晒

Tomo好用推薦：係有令眼睫毛變長，但一定決定無佢講嘅激長效果，係平平地幾好用嘅