Utena 好用推薦產品

Elaine好用推薦：好襟用，用咗好耐都仲有 而且造型可以hold到成日 方便使用又唔驚整污糟隻手

agnessstang好用推薦：性價比幾高嘅頭髮定型產品 幾十蚊細細粒但可以用超～級～耐～🤣 我手上呢粒已經用咗幾年都好似冇乜用過咁 可以用嚟整理頭頂豎起嘅毛毛/碎髮 令頭髮望落更整齊 冇咁毛燥/雜亂 紮頭髮嘅時候可以用嚟整理後尾枕同耳後一啲比較短紮唔到嘅頭髮 令髮型望落更整齊✨ 用量方面要控制好 輕輕帶過就可以 太多會令頭髮望落令立立有啲油咁 而且佢細細粒 帶出街/去旅行都好方便 隨時喺街都可以整理髮型 不過近排出咗好似睫毛膏咁嘅頭髮整理棒 比起呢個魔髮球可以更精準咁整理碎髮 而且帶出街更方便 所以未必會再買呢個魔髮球～

Noel好用推薦：剛剛用完一顆，這是回購的新品。知道網上多 comments 話它比較笠，油膩感重。這個我也同意，使用時要好小心，避免重手。回購主因：便宜及易買到。當然，我喜歡束 all back 及盤髮髻，bb 毛及碎髮跑出來，就用它掃一掃，這顆很配合我 life style。

greenk好用推薦：由於我本人比較多碎嘅頭髮，所以一直都會用d定型産品去令個頭睇落整齊啲。 見到呢款定型髮球比較多人介紹，同埋價錢唔太貴就入左手～ 試完就發現的而且確能夠將毛燥頭髮定型～ 每次只需要輕輕一掃已經可以保持髮型整齊，所以成舊有排用👍🏽 另一個好處係産品體積細，可以拎埋出街用都仲得😆 但要留意如果重覆掃幾次或太大力掃，頭髮睇落就會變得笠，特別香港比較潮濕嘅天氣要更加小心一啲。

Steph好用推薦：終於找到一枝合心意的「濕濡髮style gel」～ 因為香港濕度比其他地方高，之前就算喺日本搵到啲當地用好fit嘅hair product，返到香港用都做唔到同一個效果，個頭好容易塌。 wet style gel 質感好好用，佢係結合凝膠+護髮油+髮蠟，真係做到一個medium hold 嘅日系濡髮wet look。搽上頭嘅質感偏輕盈，帶光澤。咁短髮嚟講，用1個5蚊con size 都夠做到styling。另外佢嘅香味好微弱，十分好，可以避免同自己嘅香水撞味。 香港夏天嘅時候用，都hold 到全日at least 8 小時呀，會回購！

agnessstang好用推薦：少少化學味 但可以接受 噴霧質地偏黏身 整完頭之後隻手會痴笠笠咁 用量方面要控制好 同埋要離遠少少噴 如果唔係造型感會偏重 比較適合日本嘅濕髮造型 唔係好做到而家興嘅自然感 不過定型力係ok嘅