MEDIHEAL 好用推薦產品
MEDIHEAL 其它肌膚保養 推薦產品一覽 9 件
Kitty 好用推薦:我通常用完洗面奶之後,就拎一塊嚟全臉輕輕擦拭,當爽膚水咁用。另外有時皮膚敏感,啲比較紅、腫咗嘅位,我會剪開嚟濕敷喺局部,大概5-10分鐘,塊面即刻有種涼浸浸、降咗火嘅感覺❄️。有時轉天氣皮膚癢癢哋、唔舒服嗰陣,敷完塊面好快就冷靜落嚟。 用落來最明顯感覺到泛紅減退咗好多,下巴嗰幾粒石頭瘡都冇咁紅咁脹。我自己本身係混合偏乾肌,用落完全冇刺痛或者過敏反應,好舒服🌱。 不過都要講返,佢嘅精華係偏清爽水狀,乾肌人或者冬天用可能會覺得保濕度爭少少,建議之後要加返個面霜鎖水💧。另外有啲人話佢聞落有陣味,唔係人人鍾意,但我接受到🌿。 價錢方面CP值算高,市面上嘅美妝店都會有得賣,好易入手~🛒呢款Mediheal積雪草棉片對於容易泛紅、爆痘、皮膚敏感嘅人嚟講,絕對係必備嘅鎮靜神器❗尤其係春夏換季同太陽曬完塊面泛紅嗰陣,濕敷一塊即刻舒服晒☀️,推薦畀痘肌敏感肌嘅朋友!🙌✨
<看全文>karun好用推薦:產品裏含有積雪草成分,可以幫助舒緩淡印, 棉片的設計較為特別, 呈網狀, 有效幫助清潔面部 同時為肌膚補水。 為了避免過度清潔面部, 我通常早上使用, 在不使用清潔產品下, 清水洗完面後馬上用棉片潔膚, 會覺得皮膚好乾淨又補水, 即使面部生暗瘡或有泛紅的情況下 , 我也會使用它來作濕敷, 有助舒緩皮膚的不適。
<看全文>YiN好用推薦:近期都好鐘意用toner pad,貪佢可以直接用,又可以濕敷又可以抹面,見佢有最近好hit嘅pdrn就忍唔住買咗。係我第一次買mediheal嘅pad,我幾鐘意佢個盒嘅設計,鉗喺個蓋卡得好夠實,盒夠大鉗到底都唔會覺得難。真係用到見底先記得影相寫review😂 方形棉片偏薄身,唔易起毛毛。精華份量啱啱好,唔會滴水,用到尾都唔會乾。整體偏清爽,敷完覺得有保濕到,但唔會痴立立,係我喜歡嘅質地。 效果方面,我覺得皮膚屏障係有改善,有時面頰有少少敏感,敷完係有鎮靜嘅感覺,用嚟代替化妝水抹面都感覺有輕輕清潔到。 至於抗老提拉我覺得好難要求爽膚棉做到明顯效果,整體使用感好就已經好滿意。 佢係我回購清單嘅候選之一。
<看全文>劉肥貓好用推薦:棉片厚薄適中 精華液份量頗多,用嚟濕敷15分鐘敷嘅過程係舒服嘅貼面 但用完並唔覺得有提拉效果
<看全文>







