FANCL 用家評價

大名鼎鼎的Fancl卸妆油，也是本人一直回购的卸妆油，觉得比卸妆水更加卸得干净，而且温和不刺激。 挤出是透明流动状的油，每次使用2到3泵左右，用指腹画圈的动作轻轻按摩全脸，然后蘸取少量水，重复在脸上画圈，待油乳化后半分钟左右用温水冲洗，再上一个洗面奶就卸得干干净净啦。 比较难卸的部位比如眼妆需要耐心重复以上过程，基本上洗澡的时候就可以一起都卸干净啦。 唯一的缺点是由于未添加防腐剂，开封后保质期太短，只有120天，因此比较适合频繁化妆的人。

我平時都會用開fancl既深層清潔面膜，我覺得效果非常好，但始終人係有惰性，敷面膜其實都真係幾麻煩 所以我見到哩款黑炭酵素深層清潔洗顏粉即刻心郁郁入手，佢一細盒好方便一次使用倒出黎係灰色好幼既粉，之後再加水就會有泡泡出現，好似洗面奶一樣係塊面都打圈 我多數會針對T字位同鼻翼旁邊加下巴比較容易出黑頭粉刺既位置清洗，洗完之後就可以沖水，用完之後唔會覺得皮膚好乾燥，因為佢含有玻尿酸同獨家氨基酸既成分係清潔既同時可以保留肌膚既水份 仲含有竹炭、吸附泥精華等成分徹底洗潔毛孔既污糟野、角質、黑頭同粉刺，比起用mask真係方便好多，真心推薦

冬天轉季必備嘅保濕乳液，搽上臉質地非常清爽水潤，我本身係乾性肌膚，用完呢款乳液皮膚嘅保濕同埋滋潤度都有所提升，無酒精，無香味，一開封就要儘快用曬，所以每次都係用到最新鮮嘅乳液，用完呢款乳液我就算出全日街皮膚都依然保持水潤，保濕效果非常出眾，值得長期回購 #我的崇光感謝祭必買乳液 #我的崇光感謝祭必買乳液 @cosme

市面上有好多不同品牌既清潔mask，但我用過唔同既牌子覺得最好用既係fancl哩枝 皮膚有油脂就會容易產生黑頭粉刺唔想鼻一點點，一個禮拜最少要用一次清潔mask去清潔重點部位，就係T字位同下巴，如果想皮膚好d就最好敷夠兩次 哩款mask裡面有兩種成分軟化同溶解頑固油脂、黑頭，另有三種成分可以溫和地帶走黑頭同油脂，敷完之後感覺到乾淨左好多 我習慣清洗完面之後先用棉花搽一層爽膚水保護皮膚再厚厚地搽上去相應位置，一定要厚厚地搽如果唔係效果就會唔理想 哩款mask因為太快乾(大概5分鐘)就一定要濕水打圈清洗乾淨，千其唔好等到乾哂先洗咁樣黑頭同油脂仲會留係皮膚到，洗完面之後就可以用粉刺夾清埋剩餘既粉刺咁就乾淨哂啦 記得事後最好敷返塊保濕mask等毛孔收細返或者懶既都要搽返相對地保濕既精華同面霜

混油/油肌起選擇卸妝產品上真係要小心！呢隻卸妝油已經係第3支空瓶！唔刺激，唔致痘！好用！藥妝版其實已經好好用，而專櫃版上臉係更輕盈！ 使用上記得乾手，2-3泵油，乾臉上，塗抹好可以重口打圈T字位，然後過水！唔知咩技術，FANCL可以做到瞬間乳化！真係勁！皮膚起卸妝時摩擦係大大減少！我覺得長期用，黑頭粉刺係生少左！而佢亦卸得好乾淨，過水後冇油份殘留之外都好保濕！（不過本人最後慣性點都會用溫和又輕盈既濕面泡泡產品再過多次水！！😂） 佢不含防腐劑與礦物油！不過，不含防腐劑亦係缺點，一開封就要3個月內用晒！但如果係晚晚落妝都一定會用得晒😉

在日本藥妝買回來試下。 初開始，會聞到它淡淡的橘子香，上臉感覺好舒服。它的油膩感不是很強烈，當乳化它之後，再清洗，都不會覺得好乾。 我屬於皮膚都比較簿及乾肌的人士，都沒有因用油卸妝，而出現過份清潔而敏感情況💗 當然它的卸妝能力都不俗，尤其是見到那些化妝品遇到它慢慢地被捲走，感覺好療癒🤭 個人感覺在日本冬天，屋內經常會開溫氣，用它較用卸妝水或者液，感覺好用，因為有層簿簿的油保護皮膚，不會流失水份。而那層油的感覺又不是很強烈到令人不舒服😌這只是個人感想😂

我第一次買洗面粉就揀左Fancl呢個牌子，貪佢不添加防腐劑。 佢粉質十分幼細，起泡時一定要用起泡工具。 此產品無色無味，記得有一次唔小心整咗啲泡泡入眼都唔醃眼。 用後我覺得乾淨而不繃緊，長遠用能夠明顯做到去角質功效。

2025可能回購的產品！ 同朋友旅行時購入，買左最popular的Suisai金色比媽媽，自己就想試Fancl的產品。 帶去旅行真係好方便，通常1個星期的trip我就執2粒（如果想預比朋友試當然可以帶多d）用的時候好舒服，皮膚不會繃緊。 都keep到皮膚完全無粒粒，但係如果想絕對清除黑頭的話就要配合其他泥款面膜同油類清潔產品。

防曬對肌膚黎講好重要，除左本身個量要足夠之外，本身防曬既產品可唔可以有效抵抗紫外線指數係最重要既一點 fancl既防曬係採用純物理性防曬，有最高既防曬系數SPF50+ PA++++，可以對抗會令到皮膚長雀斑既紫外線同藍光 另外仲有雙透明質酸為肌膚防曬既同時仲進行保濕，如圖所見搽出黎係白色既好易推開，我本人覺得唔泛白既，即使後續上妝都冇打架既情況出現，基本上如果平時就咁搽防曬唔係長期暴露係戶外係唔需要再補防曬

呢個潔顏粉係之前響日本買嘅特別版 因為成日都飛，所以買潔顔粉帶上飛機好方便，唔使怕因為液體而驚俾人收。 卸完妝之後，倒少少粉喺手，再加啲水然之後捽落塊面就ok喇 啲泡泡都幾細緻，而且用完塊面都冇覺得乾，同埋佢冇乜味道，敏感肌都可以用👍🏻

Fancl呢支美白精華使用已超過10年，不停見證佢更新版本，年輕時出暗瘡印，曬黑一用就好快退印可以好快白返，於是都系keep住用。到左年紀有甘上下，又少運動，黑色素去得無甘快，但由於一年365日都有用佢，所以皮膚底層至無甘多黑色素和無出得甘快，so far 面上是沒有斑點，用完都無敏感，會一路用佢！

本人混油/油性，使用感非常良好。用手已經好易出泡，上臉輕盈舒適，過水後清爽得來又有少少保濕，不繃緊。一年四季都岩用，最緊要係夠輕身，去旅行好方便！！！會再次回購！！

日本買嘅卸妝油，fancl 呢款卸妝油都出名，我卸妝還是喜歡用卸妝油，覺得卸得非常乾淨，同埋用油卸嘅好處係皮膚唔會乾，同埋用手打圈嘅時候可以將彩妝卸得乾乾淨淨乾淨，fancl 呢款就完全做到呢個效果，但係價錢會貴啲啲，不過好用就得啦😬

卸妝係好重要既步驟，如果卸得唔乾淨好易會生暗瘡😵‍💫仲會哂左之後既護膚品 哩枝fancl卸妝油我已經回購左唔知幾多次😍 乾手乾面泵兩下上面打圈，然後加水💦乳化，洗完之後塊面唔會乾，而且會見到毛孔好乾淨，所以大推哩個產品👍🏻

Fancl卸妝乳效果非常出色，可以有效地卸除彩妝（包括眼妝）和污垢，同時唔會刺激皮膚或造成不適感覺。 Fancl卸妝乳的成分非常溫和，不含刺激性化學物質，也不含防腐劑和香料等添加劑，因此對敏感肌膚既人來說都很適合。 用左Fancl卸妝乳後，皮膚感覺非常清爽，不會有黏膩的感覺，並且能夠徹底清潔毛孔，使皮膚更加柔軟和光滑。試過用完卸妝乳之後，我再用bioderma 紅色卸妝水再抹，係無任何彩妝殘留，所以我覺得卸得好乾淨好放心，唔做擔心卸得唔乾淨生暗瘡痘痘。