APIVITA 好用推薦產品

橘子貓好用推薦：Facial Masks with Prickly Pear 獨立包裝的Cream Mask，一包剛好是一次的份量。仙人掌是這個系列最熱賣的款式，主要功效是深層滋潤、舒緩鎮靜和補充水份。 打開包裝，面膜霜質地介乎於cream和gel之間，塗上臉有點清涼。可能一包面膜的份量對我來說不太足夠，只敷5分鐘左右膏體就開始變透明，需要過水。 整體來說，補水效果非常明顯，敷完皮膚有變得水潤，但滋潤鎖水效果稍弱，敷後需要疊加其他護膚品才可以將補水效果延長。另外，如果皮膚太乾或敏感時不太推薦敷這款面膜，我試過顴骨過敏時敷，感覺刺激。

維他他好用推薦：姐姐送左兩包apivita cream mask俾我 平時用開paper mask, clay mask多 Cream mask真係少用 今次用完之後我諗我會用多啲cream mask喇 保濕能力好好，敷完等左15分鐘佢都仲係好有感，未乾，過完水之後滑左好多，feel到皮膚即時補濕左，原來cream mask都唔錯！ 一包份量都幾多，我分左兩次用 秋冬特別適合用cream mask 仲有一包等天氣涼啲再用！

Kitty 好用推薦：面膜係一包包，一次一包，乾淨衛生。一撕開包面膜，已經聞到一陣淡淡嘅蜂膠香味，唔會太濃，幾舒服。質地係淺黃色嘅乳膏狀，推開之後都幾滑，厚敷一層都唔覺得悶。 使用過程： 我通常會洗完面之後，搽層爽膚水，再厚厚敷上面膜（避開眼周同嘴唇）。佢唔會好似一啲塗抹式面膜咁，敷嘅時候會覺得好乾或者扯住塊面，反而有少少涼涼哋嘅感覺，幾放鬆。敷大概10-15分鐘，之後用溫水洗乾淨。 效果： 用完之後真係有驚喜！首先，面膜幾易沖洗，洗乾淨後塊面摸落去滑咗，尤其係鼻翼同下巴嘅暗粒，明顯平復咗好多。之前有幾粒紅紅哋嘅暗瘡，敷完之後冇咁紅，感覺消炎效果唔錯。而且皮膚睇落乾淨咗，毛孔好似通咗咁，有光澤感，唔會話用完之後乾到繃緊，保濕度都算OK。 整體評價： 如果你係容易生暗粒、暗瘡，或者皮膚間中敏感乾燥泛紅，呢隻蜂膠面膜真係值得一試！雖然價錢唔算平，但效果對板，尤其係爆瘡期間用，可以好快幫皮膚鎮靜落嚟。我會繼續回購，推薦俾大家！

JOYCE好用推薦：朋友推薦用呢隻蜂皇漿緊緻活膚面膜，話效果好緊緻，買咗一盒嚟試🤔睇吓係咪真係咁勁APIVITA出名成份天然，敏感皮膚都唔需要擔心。打開就有淡淡嘅蜂蜜味，質地係米白色乳液狀。用面膜掃厚敷上面、頸，之後等10分鐘就可以用水洗乾淨，之後搽返面霜鎖水就完成👌🏻呢隻蜂皇漿緊緻活膚面膜話有緊緻、提拉、軟化皮膚嘅作用。軟化、緊緻皮膚同補水功效我覺得唔錯，敷完仲睇得出即時提亮咗。雖然提拉效果真係無，但其他功效都足夠令人想繼續用👍🏻👍🏻

GinGin好用推薦：勁好用，勁保濕，冬天都好夠滋潤，質地濃稠，一包仲可以分到兩次用，花香味都好relax

KDing好用推薦：覺得呢款面膜用完之後，皮膚嘅光澤度係有提升到，除咗佢有基本嘅滋潤之外，佢各方面嘅效果都出色

GinGin好用推薦：無論春夏秋冬用具嚟做保濕面膜都係勁正，用完勁保濕，好似皮膚試識發光咁，而且皮膚質地變軟有彈性

貓餅好用推薦：呢隻cream mask有好多系列，蘆薈主要係保濕，敷上面等待20分鐘左右，就可以洗走佢，其實都幾難洗走，因為佢好厚，但係同時亦都非常補水同鎖水，性價比好高，適合秋冬使用

mandy好用推薦：Apivita Express Beauty Face Mask for Intensive Moisturization with Cucumber 青瓜深層補濕面膜 補濕效果非常好，也很適合我的肌膚。 獨特的清新青瓜香味，令人喜愛，而且更享受敷面膜的時間。 我比較喜歡厚敷 面膜，每次我會敷一整包。 我的肌膚容易缺水，一星期會敷補濕面膜3-4次。 主打深層補濕，適合任何肌膚，特別是乾燥肌膚。 質感是乳液狀，延展性很好，同時極致滋潤， 很適合用作急救補濕面膜使用。 只需敷10分鐘，再用爽膚水抹掉面膜便可，用法方便簡單。 肌膚太乾燥敷面膜時可能會開頭有少少吉吉地，之後就沒事。 使用後，肌膚有如飲飽水般水嫩動人，即時精神奕奕 是非常好用的速效急救面膜! 含保濕成分: 甘油, 荷荷葩油, 玻尿酸鈉, 維生素原B5, 牛油果, 乳木果 及 蜂蜜 抗氧化成分: 黃瓜果萃取, 維他命E, 葵花籽油, Sideritis Perfoliata Flowers/Leaves/Stems Extract, Sideritis Scardica Flowers/Leav

貓餅好用推薦：個人覺得幾好用嘅cream mask，非常有效保濕，滋潤塊面，厚敷喺面上面，等20分鐘左右，就可以洗走佢，洗完之後覺得皮膚即時補充咗好多水份，而且包裝好方便，一包其實都可以分兩次用

Fish Tse好用推薦：Apivita 相信都係大家熟悉mask既品牌之一，其中清潔方面我好中意哩款南瓜排毒速效面膜 佢搽出黎係白色既，一包基本上成塊面厚敷都冇問題，但重點位置鼻、T字位同下巴我會再搽得厚d，因為哩三個位係肌膚最污糟既地方 裡面包含南瓜酵素、高嶺土都係幫肌膚進行清潔去除角質、死皮同埋吸走多餘油脂。另外南瓜籽、乳木果、檸檬等配方有助保濕、均勻膚色用 我大概會敷15分鐘跟住用水係全面打圈等到透薄左見到膚色就會濕棉花抺走mask再全面沖水，如果想skip棉花哩個過程都可以但就需要沖耐d水先會乾淨 敷完之後鼻頭位置會明顯見到白色粉刺我就會用粉刺夾夾走後就再敷保濕mask。一個星期懶既可以敷一次，勤力既可以敷兩次咁肌膚就會好乾淨

mandy好用推薦：APIVITA Express Beauty Detox face mask with pumpkin 南瓜排毒面膜 主打 補濕軟膚 + 排毒去角質+ 控油 適合所有膚質使用。 南瓜排毒面膜 真係好保濕， 冇一般的清潔面膜 咁易令肌膚乾燥。 使用感由頭到尾都唔乾，非常舒適呀。 清潔力強，可深層潔淨肌膚， 用後肌膚好潔淨亮白， 去除因環境污染而形成的污垢及老化細胞。 使用後，肌膚出油溶妝的情況得到改善。 推介南瓜排毒面膜， 特別是油性肌可以排毒同時控油， 而乾性肌使用也可排毒同時保濕。 含保濕成分: 甘油, 山梨醣醇, 乳木果, 維生素原B5, 蜂蜜, 卵燐脂, 玻尿酸鈉, 醋酸鹽維他命E 及 乙基己基甘油 油性滋潤成分: 乳木果, 橄欖油 及 卵燐脂 保濕成分: 維生素原B5, 蜂蜜, 卵燐脂, 玻尿酸鈉, 醋酸鹽維他命E 及 乙基己基甘油 抗氧化成分: 南瓜籽油, 橄欖油, 卵燐脂, 葵花籽油, Sideritis Perfoliata Flowers/Leaves/Stems Extract, Sideritis Scardica Flowers/Leaves/Stems

mandy好用推薦：Apivita Express Beauty Radiance Mask with Orange 香橙亮白面膜 我是Apivita 速效面膜的資深用家， 非常愛用 這款 香橙亮白面膜。 我很喜歡 香橙面膜的清新香味，所以會特別想敷。 大約一週會用1-2次。 主打 亮澤 + 活膚+ 抗氧化 + 補濕 + 滋養，適合不同肌膚使用。 具美白提亮功效，使用一段時間後肌膚水潤飽滿而且透亮。 雖是 亮白面膜， 補濕力卻挺不錯的，所以一年四季，即使秋冬也可繼續敷。 同為美白面膜，紅石榴煥采抗氧面膜的香味我不太喜歡，所以都只敷香橙面膜。 含保濕成分: 甘油, 荷荷巴油, 乳木果, 蜂蜜, 醋酸鹽維他命E, 維生素原B5 及 木蜜醇 抗氧化成分: 維他命E, 葵花籽油, Sideritis Perfoliata Flowers/Leaves/Stems Extract, Sideritis Scardica Flowers/Leaves/Stems Extract, 維他命C棕櫚酸酯, Sideritis Raeseri Flowers/Leaves/Stems Extrac

Cole Cole 好用推薦：這款膏狀洗臉面膜，好處係擦上塊面可以走嚟走去繼續做嘢，唔使瞓喺度。面膜味道似橙花香，質地好滑，保濕效果都唔錯，但是差不多用完一支都未見到美白的功效。

mandy好用推薦：Apivita Express Beauty Face Mask for Radiance & Revitalization with Pomegranate  紅石榴煥采抗氧面膜 主要功效： 提亮 + 抗氧化 + 補濕 作為美白提亮面膜，質感極之水感，保濕力很好， 使用感 及 水潤度 比一般 美白面膜 強多啦。 石榴的抗氧化功能也很好， 是一款好完美的多功效面膜。 使用後，肌膚即時水潤亮白。 由於她保濕力強，即使秋冬也依然可使用。 可跟香橙亮白面膜輪流每星期用1-2次。 香味方面，輕喜歡香面橙亮白膜的清新香味。 紅石榴煥采抗氧面膜的功效很不錯， 就是香味輸給香面橙亮白面膜。 含保濕成分: 甘油, 丁二醇, 山梨醣醇, 醋酸鹽維他命E, 維生素原B5, 乳木果, 木蜜醇, 玻尿酸鈉, 蜂蜜, 乙基己基甘油, 磷脂質, 辛乙二醇 及 茶葉萃取 抗氧化成分: 醋酸鹽維他命E, 石榴果萃取, 橄欖油, 維他命E, 葵花籽油, 維他命C棕櫚酸酯, 棕櫚酸維他命A 及 茶葉萃取  油性滋潤成分: 乳木果, 橄欖油 及 磷脂質  提亮成分: 維他命C棕櫚酸酯  

PorscheB好用推薦：成份有紅石榴 官網介紹 提升明亮光采，煥發青春肌膚，同時提供保護免受游離基的傷害 有機油、蜂蜜提取物、透明質酸和乳木果油有助滋潤和保濕 方便 厚敷10分鐘就可以沖洗 因為入面有啲磨砂粒粒 所以都有輕輕打圈按摩下 無敏感，敷完有覺得滋潤左 但美白效果就唔明顯 會連續用多一兩日試真啲

mandy好用推薦：Apivita Express Beauty Gentle Cleansing Face Mask with Pink clay 粉紅泥溫和潔膚面膜 是清潔型泥膜，保濕力比綠瓷土深層潔膚面膜強，能溫和潔淨及舒緩肌膚，適合中性、乾性及敏感性肌膚使用。 每星期只需使用1 – 2 次。 敷完粉紅泥溫和潔膚面膜後，以保濕爽膚水抹掉粉紅泥膜，並在泥膜之後再敷保濕面膜，用法簡單方便。 使用後肌膚深層潔淨，而且不感乾燥，亦不會對肌膚造成刺激或敏感。 乾燥性敏感肌比較適合用較温和的粉紅泥溫和潔膚面膜，綠瓷土深層潔膚面膜則較適合油性肌。 含抗氧化成分: 葵花籽油, 維生素E, Sideritis Perfoliata Flowers/Leaves/Stems Extract, Sideritis Scardica Flowers/Leaves/Stems Extract, 母菊花萃取, Sideritis Raeseri Flowers/Leaves/Stems Extract, 金盞花花萃取, 對羥基苯乙酮 及 醋酸鹽維他命E 保濕成分: 蜂蜜, 甘油, 維生素原B5, 醋酸鹽維他命E 及

Pinky好用推薦：泥霜狀，淡淡粉紅色，幾順滑，唔會太乾，敷10分鐘左右過水，淨係用手洗要多啲時間，配合洗面巾/毛巾既話好快速就可以洗乾淨，過水後都唔會過乾，但乾性皮膚都係要加強補濕，比較溫和既深層清潔，有清潔力但唔會太強，適合偏乾皮膚

Fng好用推薦：緊膚效果就唔太覺得，但保濕效果都幾明顯，同埋味道好清新，適合夏天敷，洗完臉都有味留低。

Cole Cole 好用推薦：好方便的cream mask，呢隻mask嘅味道好清香，成份好天然，cream狀mask，質地有些少杰杰哋，容易推開，但係皮膚唔係好吸收。細細包獨立包裝，一包可以用三次，敷完mask之後皮膚有些少緊致的感覺，但係洗咗之後仍然保留住好香嘅味道，不過保濕程度一般般，整體覺得還可以。