Melano CC 用家評價

Melano CC 如果話係開架美妝王者，應該都唔算過分，喺好多唔同嘅大小美妝店都可以好容易見到佢嘅身形，試過去同款嘅化妝水之後，決定入手一試佢呢款mask。 成份包括：維他命C+維他命E誘導體 可以有效咁帶比底層嘅肌膚滋潤💧 同時間進行提亮🌟 💰一包有10片，CP值好高，除返開都唔使$10一片。 ⭕️呢款mask係少有地有埋眼簾部份，照顧埋你眼部嘅需要。 🕐需要敷嘅時間只需3分鐘，就可以帶到啲精華入去你嘅皮膚底層，適合返工忙碌嘅寶寶使用。 💧雖然佢精華容量聲稱有150%增加，但係打開個包裝之後見唔到有好多嘅精華，不過敷上面都好足夠。 💧敷完3至5分鐘之後，仍然會殘留少量嘅精華喺塊面度，亦都可以好快咁被皮膚吸收，都有感覺佢係帶到去底層入邊✅ ⭕️貼合度吾錯，厚薄都適中，成個敷mask嘅過程都好唔錯。 💟總合評價：深層補水ok；美白提亮效果mamaday 💟偏清爽感覺，適合春夏使用。 敷後圖： 

樂敦cc維c精華原來已經出到第三代。超勁，講到可以美白，去斑、收毛孔、去痘印🍋 因為呢排痘印多左，想搵啲快速去痘印嘅產品用。講到有純特濃維c，好似效果唔錯。佢唧出嚟係油狀，少少檸檬味。當爽膚水同面霜中間精華嗰step，會好油。其實佢個樽口係要用力先會唧精華，一滴滴咁唧出嚟，方便每次用少份量。 我會將佢點係暗瘡印嘅位置，過咗十幾分鐘之後都未吸收晒，精華依然停留喺皮膚面層，好似有層油份覆蓋。感覺好似會令到暗瘡更嚴重🤨 反而最好係溝落面霜用，感覺會吸收得好啲，但呢個方法就冬天/開冷氣較好。 用完唔覺得有特別大嘅效果，暗瘡印完全冇退到，美白又無，平時用有效嘅去印產品係2-3日已經睇到淡咗。當然另外更加期待可以收毛孔，更加唔覺。可能我不太適合VC美白產品。

我本身以為用酵素洗面膏會令到皮膚好乾，但呢支洗面膏完全無，首先佢有淡淡嘅檸檬香味，起泡力都非好，用少少再加少少水就可以起到好多泡🫧🫧 再加上佢清潔力都非常好，清完面之後皮膚好有透明感同光澤。 不過香港比起日本買嘅話係無咁平，係萬寧買要$7X支，如果將會去日本嘅朋友可以去日本買嚟試吓，日本價錢連稅7XX円🙈🙈

自從疫情開始就一直戴口罩，偶爾悶出暗瘡，有時仲會留低啲暗瘡印。開始搵適合嘅去暗瘡印精華，買咗幾款之後都係覺得樂敦Melano CC純天然檸檬祛斑精華液最溫和，效果亦係最明顯。喺日本嘅人氣超高，如果有留意開日本護膚博主嘅應該都見過呢隻產品。 升級版精華含有活性型維他命C同維他命B6，可以有效提亮暗沉膚色，調理皮膚分泌同維持肌膚油水平衡。另外亦加咗三重維他命C誘導體：維他命C衍生物、維他命C醣苷同脂溶性維他命C。 我自己連續用咗差唔多一年，暗瘡印淡咗好多；真心推介俾大家。一支大概可以用到四個月左右，價錢又親民。全銀色係舊版，有黃色嘅係升級版（濃密+控油款）。個人推薦升級版，去暗瘡印快咗少少～ 使用方法： 乾性皮膚可以全塊面用，油性皮膚就局部用（畢竟係油狀液體）。產品可以早晚使用，如果朝早用的話要做好防曬。我自己就係臨睡前洗面後用4至5滴，輕輕喺手心搓勻再搽上全塊面，等吸收之後再搽保濕霜。如果覺得質地太油，可以同面霜混合之後先搽上塊面，膚感超正！

紅爆日本既Melano CC維他命C酵素深層清潔洗面乳真係好好用！每次用佢洗臉後，感覺肌膚徹底清潔，超乾淨，但又唔會有緊繃感，完全唔乾燥，呢點特別好。（以前用過有d酵素洗面，對乾肌黎講太乾） 呢款洗面乳含有維他命C同酵素，能夠有效去除肌膚表面嘅污垢同多餘油脂。我發現用咗幾個星期之後，黑頭同白頭都明顯少咗，肌膚變得更加光滑。每次用時，細膩嘅泡沫能夠深入毛孔，令我感受到清新的感覺。 總括而言，Melano CC呢款洗面乳真係一款性價比高嘅產品，我應該會繼續回購到天荒地方。

最近入手的Melano CC維他命C酵素深層潔面乳真的好適合夏天使用～這款日系開架好物，價格親民容量多，但有媲美酵素洗面粉的清潔力。 🥰很容易起泡，綿密的泡沫能輕鬆帶走臉上多餘油脂和髒污，洗後清爽不緊繃，每天使用毛孔感覺乾淨許多，還有淡淡的柚子香氣。 ✨ 持續使用一段時間後，感覺到皮膚變得更加透亮，素顏也自帶透明感，膚色暗沉的問題也有改善。 👍 真心推薦給正在尋找高CP值、追求肌膚透明感的油肌和混合肌朋友！

日本必買洗面奶！！ 依支洗面奶主打採用獨家酵素活性配方，分解頑固粉刺、幫助代謝老廢角質，再由白泥吸附清潔毛孔髒污 皮膚狀況: 冬天乾敏肌，夏天混合偏乾+少敏感 Skincare routine: 卸妝油 (benefit)/ 卸妝水 (bioderma) ➡️; 洗面奶 (melano cc vit c洗面奶) 產品使用情況: 因朋友介紹，所以就開始使用呢支洗面奶， 使用程序係加少少水，乳化變成泡，再搽上面， 洗面洗得好乾淨，可以清潔毛孔， 洗完面更加覺得有少少美白功能 重點係，用完一啲都唔嘣緊！ 真係強烈建議大家去日本旅行嘅時候買多幾支!!🤣

前排買咗MELANO CC嘅美白淡斑維C精華，見佢有高濃度活性維他命C及維他命E、仲可以預防痘痘。不過因為本人本來就冇乜痘痘，所以吸引我買嘅原因係官方話可以解決色斑、痘印同暗啞。我本來塊臉上面就有唔少雀斑，每次齋上粉底都唔會遮到，所以就諗住用呢支精華睇吓會唔會可以淡化雀斑嘅顏色。 我主要係每一晚洗完面搽完爽膚水之後就搽呢個精華，佢係水油質地。有時朝早化妝之前都會搽呢個精華作妝前打底，搽完呢個之後再上粉底感覺上會貼服啲。比起成塊臉搽，我主要係集中搽臉兩頰嘅雀斑位置同鼻頭。可惜暫時用咗一個月覺得淡班個效果都唔係好顯著。

第一次用呢支酵素潔面已經愛上，膏狀質地，加水氣泡，洗完非常乾淨，沒有繃緊的感覺，長期使用都覺得皮膚膚色白淨左，家人用完都愛上，去日本都會買好幾支反來！

#MELANO CC DEEP CLEAR FACE WASH 酵素洗面 產品加入維他命C配方、酵素成份，甘橘系嘅香味，使用起上嚟好清新。維他命C標榜可以令皮膚變得明亮，所以呢隻洗面我會係朝早使用，使用後塊面好清爽，有好潔淨嘅感覺，為皮膚後續上裝做準備。 呢款洗面性價比好高，一大枝基本上只係需要$50以下，因為我淨係朝早用，咁所以都應該可以用到兩至三個月，就算唔小心多咗都唔會肉赤。 呢款洗面乳好常見，無論係日本嘅藥妝店定係香港嘅各大日本連鎖店，都會見到佢嘅蹤影，基本上價錢同喺日本買嘅差唔多，大家可以試吓。

呢款melano 維他命C面膜，入邊精華好多，每次拎出嚟都會滴水，好誇張 面膜質地非常舒服，係有少少厚度嘅paper mask，眼嗰度會特別多咗一層，眼同鼻嘅面膜連接位要自己輕輕用力撕開，敷上面嘅時候聞到明顯嘅維他命C味道（大概係橙味或者係檸檬味咁樣），感覺幾良好，連續用咗好多張，今次已經係最後一張，皮膚未有感覺明顯美白，但係面膜質地係幾舒服嘅，相信長期用可能會有一定效果，大家都可以去試吓

護膚嘅時候再加一個step, 平平地嘅精華可以提亮肌膚幾抵玩

呢款酵素洗臉奶，好多人介紹所以買左黎試。每次只需要好少就可以出好多泡。用完之後，感覺到皮膚真係好似乾淨左，但係又唔會好乾，用落又冇乜味道，唔錯，會繼續回購

呢款美容液，主要作用係去斑美白，但係我本身皮膚都冇乜班，所以見唔到實際嘅效果，用完一段時間都有少少美白效果。如果皮膚需要集中美白效果的話，呢支係一支不錯的選擇。

係我無限回購嘅一款美白精華，去印真心一流，質地雖然係好似油咁，但搽上臉好容易吸收，同埋美白效果非常見效，價錢非常平，點用都唔會心痛，強力推薦嘅美白精華，產地係日本，推薦俾有需要美白嘅朋友仔 @cosme