Dr.G 好用推薦產品

Yty好用推薦：韓國olive young購入嘅孖裝套裝，價錢實惠，防曬成分溫和，不含香精，酒精同色素，非常適合敏感、泛紅及痘痘肌皮膚，水凝乳質地，非常容易推開同埋清爽，防曬入邊有積雪草、魚腥草萃取精華，可以幫助鎮靜 而且佢係標明物理性防曬，但係完全冇物理性防曬嘅感覺，就好似搽緊一個好清爽舒服快吸收嘅乳液，日常出街用非常足夠，如果咁啱皮膚敏感緊或者生痘痘我就一定會連續用佢幾日，首先唔會令到豆豆再發炎加重，如果面珠敏感紅嘅話，有時用其他品牌喺敏感緊嘅情況下，都會有dd刺激同埋起乾皮仔，但係用呢一款因為實在太溫和，所以同保乳乳液嘅感覺一樣，如果平時都會間唔中突然起敏感或者生痘痘嘅女仔可以買定一支備用，性價比極高，值得推薦的

Hazel好用推薦：前排皮膚敏感所以買黎試吓，雖然有啲乾亦都有泛白情況，但冇令我泛紅或者敏感，而且防曬系數高，尼個夏天都會繼續用佢°

iliya 好用推薦：呢款保濕面霜含有積雪草成份，保濕滋潤，而且唔會笠痴痴，適合夏天用！

Yolanda Kwok好用推薦：本身係乾性肌，夏天使用非常適合。佢唔會太立，好水潤，但又會有保濕作用👍🏻

zetalhc好用推薦：用過最好嘅精華之一！我本身係泛紅好容易出痘痘嘅皮膚，尤其係面頰位好容易就會起粒粒。長期用Dr G呢款精華，我見到我出痘痘嘅次數無咁頻密，而且用完呢個精華之後，退左唔少紅。呢款精華好水潤好容易吸收，而且我仲會用導入機導入，用完唔會覺得面頰黐立立，後續護膚品都好容易吸收！

Kura好用推薦：面膜嘅保濕度都ok，我係冬天用，用完保濕效果可以keep到一日，後續上妝都貼服

Tsyyy好用推薦：一盒5片 紅色包裝 寫明red blemish 我會放雪櫃用 可以鎮定皮膚

Kimchi lau好用推薦：用完有少少遮瑕、又不會太重、而且塗完全完不油、非常乾爽.可能是因為台灣天氣同香港一樣又熱又濕、防哂都幾好的

Ice好用推薦：質地嚟講好水潤輕薄好似啫喱咁，搽上去冰冰涼涼，皮膚好快就可以吸收晒，用完之後皮膚係水潤咗。佢本身有少少味道，唔係香，但係都唔算臭。用咗一輪，係有光滑咗亦都冇咁泛紅，但係可能因為唔係好啱我用嘅原因，唔知點解爆咗好幾粒豆豆，應該就唔係好啱我皮膚用。

Hazel好用推薦：一pack有兩支，可以用好耐，不過佢有個位俾你寫開封日期，所以我都好快用完。佢係比較濕潤嘅磨砂膏質地，好幼滑唔刺激，搓開會有皮屑出嚟，感覺洗得乾淨唔崩緊＇我敏感肌都ok

shadow影子好用推薦：非常適合秋冬天用嘅面霜，有非常好嘅滋潤度，補水鎖水功效也很好。

iliya 好用推薦：Dr G係有名嘅韓國醫美品牌，而呢款皇牌暗瘡消炎精華的確係幾好用，搽完精華之後嘅暗瘡好快就凋謝！

葉子🍃好用推薦：購物送的旅行裝，精華凝膠狀，很貼服唔起膠粒，用時肌膚清爽不黏笠，有舒緩感，搽完有彈性同摸落光滑，油脂平衡返

shadow影子好用推薦：質地比較厚身，可以提供到10分足夠嘅滋潤度，能夠即時舒緩眼周皺紋，缺點係千祈唔好搽太多，如果唔係好容易有油脂粒。