Cetaphil 舒特膚 好用推薦產品

Noel好用推薦：美國藥妝店的贈品，小小一枝14g 足夠使用一個月 😂 份量很省呢！潤膚乳無味，呈白色，質感柔滑，比較 soft，塗到面上係順滑，好好推💕 帶小小油膩感，秋冬季或轉天氣使用都很適合 👍 我尤其喜歡用這個乳霜敷塗抹鼻子，比較易敏感或變紅的位置，都適合用這枝去舒緩一下。

橘子貓好用推薦：Daily Advance Ultra Hydrating Lotion 朋友贈送的試用裝。 白色乳霜狀，無味，很容易推開，吸收後觸摸皮膚才會感覺有塗產品，不會黏笠，成膜感亦不重，不悶焗。膚感絕對過關。意外地真如產品宣稱是臉部和身體都可用，會想回購正裝。

Milo101好用推薦：🌟舒敏配方，好適合現在時而乾燥時而潮濕的天氣。成份是不含皂鹼、零藥性、零類固醇的。 🌟非常方便使用，一按出來就是白色空氣感泡沫，無香料，清洗和過水都非常容易，雖然是舒敏型的潔臉產品但潔淨力都非常十足！ 🌟洗完臉不會乾、不繃緊，因有三大ceramide保濕成分。

劉肥貓好用推薦：泡沫棉密豐富，溫和不刺激 過水即爽 因為我啲皮膚偏油性，我只會秋冬天時使用 天氣炎熱時使用稍為覺得唔夠清爽

Fng好用推薦：Cetaphil三重溫和煥膚酸潔膚啫哩 這支標榜「溫和煥膚」的潔面產品，在配方設計上呈現出開架品牌罕見的矛盾智慧，對香港夏天的熟齡混合肌來說，是吸晴。 配方解構：溫和背後的計算 •三重酸複合：甘醇酸+乳酸+檸檬酸，理論上涵蓋水溶性与脂溶性代謝 •pH值3.8：刻意調至有效作用臨界點，較同價位Neutrogena水楊酸潔面（pH4.5）更進取 •無皂基+保濕因子：試圖平衡酸類刺激，但停留時間不足難以發揮修護作用 顛覆性使用技巧： 1. 30秒定律：濕臉後按摩不超過30秒立即沖淨，超越即引發緊繃 2. 分區精準清潔：重點按摩T區與下巴，兩頰快速帶過 3. 頻率控制術：夏季每週2-3次晚間使用，冬季降至1次 實測體驗： 在35度高濕環境下，其清爽的啫哩質地確實帶來瞬間降溫快感，洗完當下毛孔視覺收細明顯。但對熟齡肌的兩頰偏乾處，即便嚴格控制時間，仍會產生微刺感——證明其「溫和」僅相對傳統酸類產品而言。 同價位比較： •勝CeraVe水楊酸潔面：清潔力更透徹，適合油脂分泌旺盛期 •敗La Roche-Posay Effaclar：後者的鋅成分控油更持久溫和 💥注意點： 1. 絕對禁止

lonia好用推薦：本人因為係混合肌，T字位好容易出油，鼻翼都有黑頭及毛孔粗大問題，而面頰就長期都有偏乾嘅情況。呢款潔膚啫喱好啱混合性皮膚使用。 佢嘅用法係加水搓至產生泡沫，再於濕面打圈清潔就可以。佢容易沖洗、無殘留感，洗完面亦冇覺得皮膚有繃緊嘅感覺。我覺得佢可以成功做到平衡控油同保濕，用咗一排，T字位油光減少咗，鼻翼嘅顆粒感亦有所減低，摸落皮膚平滑咗，而且毛孔粗大問題亦有改善。所以推薦俾混合肌作日常潔面使用。

Catherine 好用推薦：到左夏天，就一定要美白，所以即刻轉用呢隻cream,用左一排之後發現，真係好似白左少少，雖然美白效果唔算好明顯、但夏日可以無黑到，反而仲白左少少，呢隻cream功勞都好大，佢直情係我夏日必備，夏天必買產品

Tszki好用推薦：地輕盈易推、不黏膩，且具有不致粉刺配方，適合日常妝前或單擦使用。具備 SPF15 防曬系數，能築起防禦層減少紫外線傷害，同時提供即時且持久的保濕效果，預防水份被陽光抽乾。不含酒精、香料、Paraben 防腐劑，且不含會引起光敏感或刺激屏障的美白成份，臨床實證不會引起刺激。使用約四星期後可感受到膚色變透亮，痘印和色斑有淡化跡象。

Ceccinmydin好用推薦：Cetaphil 呢支化妝水我係洗面後用手拍上面，質地似水咁薄，延展好快，唔難吸收，唔黏笠，日間用都唔會有負擔，保濕就唔太夠力，夏天用更加啱。 佢係無香味嘅化妝水，連續用落有穩定膚況嘅感覺，膚況起伏少咗，至於提亮／減淡色斑，短期內未見到好明顯嘅變化，美白效果就感受唔到🙈 成份溫和，有經皮膚科測試，啱敏感肌用，比較適合暗啞、膚色不均及敏感性肌膚 可能會考慮回購大支裝，因為清爽保濕、穩定膚況幾啱我需要，但如果你想短期見到亮白／減斑嘅話，呢支未必係速效型。整體係用得舒服但唔算神級😉

wingche好用推薦：轉天氣皮膚易敏感，易爆拆咁紅紅腫腫，上次買舒特膚精華送咗爽膚水，點知一用愛上，好啱換季時用，價錢唔貴，想紓緩紅，化妝棉濕敷！ 夜晚想清潔啲，用化妝棉加爽膚水抹走作二次清潔；朝早想化妝貼啲，倒係手心拍上面。 望下我一上手就秒速滲透就知係轉季入手一定要有！ 已經用到空瓶諗住入手～

Kelvin好用推薦：Cetaphil 新出三酸煥膚系列，有洗面同乳液，呢支係乳液。Cerave都有水楊酸系列，但冇煥膚乳液，一定要試下可唔可以改善毛囊炎。 質地白色乳霜質地，容易推開，加咗三隻換膚酸，水楊酸杏仁酸葡萄果酸，用完冇刺激感，都真係幾溫和。 我會留返夜晚沖完涼瞓覺之前用，如果咁熱30幾度嘅天氣外出時候用，皮膚好有啲黏。 搽咗一段時間，對我嘅毛囊炎只有少好輕微效果，可以講係見唔到效果，純粹當保濕乳液使用。可能需要酸度過分輕微，但保濕度唔錯，開冷氣皮膚都唔乾燥，可惜真係改善唔到毛囊炎，要繼續搵個另一枝產品。 #火熱新品

YYeman好用推薦：cetaphil三重溫和煥膚酸保濕乳液！ 含酸嘅身體乳真係好勁！！兩個星前將香噴噴嘅身體乳轉做絲呢支三酸身體乳，皮膚嘅狀況就已經大變身！ 之前成日因為心口同背脊油淋淋又生暗瘡、悶埋啲閉口，手臂同大髀都係一粒粒「麻麻賴賴」嘅小點點而好煩，皮膚摸上去粗糙「喇」手。但係而家唔單止滑溜咗，仲變得特別細膩！皮膚睇落鬼死咁白嫩清爽，摸上去都舒服到不得了。 真係要講句，Cetaphil呢個三酸把控得特別好！有扁桃酸專門對付表層嘅老廢角質，又有水楊酸深入毛孔清理堆積嘅油脂垃圾，再加埋葡糖酸內酯溫和代謝，然後配搭埋啲舒緩保濕成分，唔單止有效，仲唔刺激！ 而且冇酒精之類嘅亂七八糟嘢，所以連我呢種偏敏感嘅皮膚日日用都冇事，連建立耐受都唔使！就咁用咗呢支，就令到皮膚平滑到好似BB仔咁，點摸點舒服！ 而且呢，呢支身體乳嘅質地非常清爽！搽上身好快吸收，唔黐立立，都唔黐衫！真係又慳事，又安心！

auntiemuscle好用推薦：寫明係 無香料 paraben free 低敏配方 寫明係 可以幫助抵抗皮膚敏感嘅5種徵兆，其中係皮膚屏障比較弱，因為我有一排成日鼻敏感， 抹鼻捽到鼻 位置紅損 洗完面果啲位置又比較乾 但面其他位置唔用潔面乳洗又唔得 咁岩見到呢支就買左黎試  質地係似軟膏狀比cream狀杰身好多 要比啲力吱出黎（平時啲洗面膏細細力吱已經好多） 一粒黃豆份量已經好夠 加少少水起泡 唔係平時果種豐盈 泡沫 捽試面時會覺得好creamy好滑 過水會有啲困難 佢要慢慢洗 先過得乾淨 但洗完真係唔乾 柔軟好多 我都係用黎作早上洗面用 但亮白效果未見到

Chloeincosme好用推薦：因為爆粒粒所以購入Cetaphill洗面奶，佢標榜溫和潔淨配方，用落零刺激，成個品牌本身已經令人好安心，實際用都完全冇問題！ 🤍 起泡能力：4.5/5 加少少水就好容易搓出綿密細緻嘅泡泡，用量少，唔貴。 🤍 清潔效果：4/5 用完即刻清除到面上多餘油脂，改善暗沉感，最重要係完全冇洗後嘅繃緊拉扯感覺！ 🤍 溫和度：5/5 真係做到溫和潔淨，敏感肌用完全冇出現泛紅或不適，用左一排塊面既粒粒有好返D 🤍 清爽感：4.5/5 沖洗得好乾淨，同時又保持到皮膚水分～ 總結： Cetaphill呢支洗面奶絕對係敏感肌恩物，會持續回購！推薦俾所有追求溫和潔淨同皮膚敏感嘅你！

Kitty 好用推薦：呢款面霜係白色乳液狀，推開之後好輕薄，吸收得快，唔會黐立立或者悶住塊面。冇添加香料，所以係冇味嘅，適合敏感肌同唔鍾意香味嘅朋友。 🌿 成分同功效： 主打積雪草精華，呢個成分出名舒緩同修復肌膚，仲有其他保濕成分，保濕同時強化皮膚屏障。我用咗之後覺得塊面冇咁易泛紅，之前因為戴口罩而生嘅粒粒同痕癢都減咗好多！ 👍 使用感受： - 保濕度：★★★★☆ 雖然係面霜，但唔算好厚重，夏天開冷氣用都好舒服，第二朝起身塊面依然水潤，唔會出油。 - 舒緩效果：★★★★★ 真心推薦比敏感肌！尤其係轉季或者皮膚唔穩定嘅時候，用佢急救好有效，第二日就覺得塊面平靜返好多。 - 價錢同性價比： ★★★☆☆ 藥妝店賣大約$200左右（45ml），唔算平，但一支都用得幾耐，而且效果對得住個價錢！ 💡 小貼士： 如果皮膚極度乾燥，可以之後再加一層保濕精華或者面霜鎖水。 總結： 呢支面霜適合敏感肌、油肌同混合肌，尤其係容易泛紅、缺水或者需要修復皮膚屏障嘅人。當然啦，每個人皮膚唔同，最好都係試咗sample先買正裝啊～

Ceccinmydin好用推薦：Cetaphil 積雪草舒敏鎮靜面霜，效果好好，係敏感肌救星！👍 佢係乳霜質地 ，比較厚重，推開之後有少少殘留感，有層保護膜咁，但唔會黐立立 我最鍾意佢係冇香料！有啲保養品雖然有效，但香味太重，聞落好似好化工咁，呢一罐完全冇香 同埋個包裝design好好，真空按壓式，乾淨衛生，又容易控制份量 效果方面，佢鎮靜皮膚、改善泛紅同痕癢真係有用。配方有積雪草、神經醯胺同尿囊素，可以即時舒緩敏感不適。我冬天時候用，皮膚乾燥痕癢嘅情況真係舒緩咗好多。之前冬天去韓國旅行，天氣乾燥，我都係靠佢，塊面先可以保持穩定，冇出現繃緊或者甩皮嘅慘況。佢嘅保濕鎖水能力好強，可以有效修復皮膚屏障 總結嚟講，呢款面霜保濕力夠 、舒緩泛紅效果明顯，所以一定會回購，好啱冬天用嘅面霜！💯

Vi.ck好用推薦：​今個夏天的太陽真的超級毒！出門一定要擦防曬，我自己覺得用 SPF50 才夠安心。這款就算在戶外暴曬完，皮膚都無點變黑 。最驚喜的是我本身皮膚偏敏感，用落完全無刺激泛紅，感覺溫和又舒服，敏感肌用它真的超放心。

Tszki好用推薦：保濕力強但質地偏厚，後續上妝也較不容易出現乾紋或底妝不服貼的情況。在醫美療程後或皮膚敏感時期使用也不會感到灼熱或刺痛。敏感肌沒有產生過敏反應！ 防曬霜SF50+度數比較高能有效預防曬黑與光老化。 推開後會有明顯泛白，需要較長時間「融入」肌膚，或被戲稱塗完後「白得像鬼」。

維他他好用推薦：Cetaphil 水潤保濕晚霜，有1000 X透明質酸，可以高效深層保濕，呢隻牌子零香料，零藥性，零膽固醇，可以放心使用，都唔錯的cream

水萱草好用推薦：估唔到係第一個心得，呢個晚霜係好隨手咁買嚟試，因用咗好多年同牌子的cream,估唔到好潤！佢個質地係特嘢介乎霜同凝露嘅感覺，好易推開，味道有杏仁味因為佢成份係有杏仁，感覺補水又滋潤，個幾日干燥用都夠潤，唔錯