DHC 用家評價

非常滋潤，我覺得係任何人都啱用嘅潤唇膏 明顯地感受到嘴唇滋潤但唔笠，吸收完都仲可以保持到滋潤嘅感覺 成分簡單，係我會無腦回購嘅選擇 但購入前建議先考慮兩點 1。性價比唔算高：雖然價錢唔貴，但用完一枝嘅速度比一般開架wax base嘅潤唇膏快 2。天氣：唔可以向太熱嘅情況下保存或使用，會融成軟泥狀 今次買嘅係有色版 幫嘴唇補上一點血色 同埋感覺無平時一般版果枝咁易溶

日本買真係好平 一排買每支都係20幾蚊 冇色唇膏 冬天用好潤 夏天都可以用到

一開始用確實係幾滋潤個嘴，但係浸橄欖味真係幾臭，但夜晚瞓覺用都叫接受到，之後再買多支就發現，個嘴越用越乾，仲要成日甩皮，仲要支唇膏好快就用晒，感覺冇幾耐又要再買過支，性價比低

好滋潤嘅有色唇膏，覺得可以撫平唇紋，而又帶微微嘅顏色，好適合日常淡妝嘅時候用

DHC護唇膏一直都好出名，用完之後發現佢真係值得推薦畀人。 外裝設計簡單又高級，有時仲有同卡通公仔聯動，見到鍾意嘅都會買返支🥰 質感上搽上去之後會感覺有層膜包住嘴唇，但不會難受。秋冬天夜晚搽完第二天嘴唇啲裂紋冇曬，超好用👍 唯一減分位就係佢個味...有d難聞，膠膠哋。好彩搽落嘴唇唔會聞到🙈 下圖是我用到底的唇膏😗：

一枝無論春夏秋冬用都冇問題既潤唇膏！夏天就薄搽，冬天就搽厚啲，上唇膏前搽薄薄一層打底足夠令唇膏更貼服~

令人離不開之潤唇膏💯 綜合多年使用經驗，試來試去眾多潤唇膏，最終都係首選呢一支🤭🤭質地唔厚重且唔痴笠笠，而且感覺天然無過重香精氣味，無論夏天冷氣房/乾燥寒冷嘅冬天，雙唇一搽上立刻得到充份滋潤💋💋搽完之後咀唇感覺柔軟度及補濕度都即時提升咗！必定繼續使用！

DHC 潤唇膏係我使用過的最好的潤唇膏之一。它非常滋潤，但唔會感覺油膩或厚重。我的嘴唇很容易乾燥，但使用DHC後，感覺更加柔軟和光滑了。 質地很容易塗抹。可以很好地保濕我的嘴唇。我很喜歡使用這個潤唇膏。用過DHC之後唔會再貪平用vaseline嗰啲石油潤唇膏嚕～

🌟日本購入 🌟潤唇膏性價比十足，內裡金屬設計，斜角也方便塗抹 🌟滋潤度很不錯，持久度可以半日，已經很不錯，質感甚至比部分專櫃品牌好

值得人手一支，大人細路都可以用，成分天然，溫和滋養嘴唇，針對唇部乾燥粗糙，有唇紋死皮都能改善。

都用左成兩個幾月，無功無過，已經每晚都用，唔覺得啲眼睫毛有粗左或者長左，感覺同之前嘅情況冇咩分別，就算做睫毛打底，都冇乜太大分別，用左等於冇用

呢個係我新買嘅第二枝，計返G數，其實性價比麻麻地，但勝在最近周圍都有得買，同埋都幾提氣色，夠滋潤同唔顯唇紋，睇落去飽滿左。

因為敏感肌嘅緣故，時不時都會起啲小白點或者粒粒。想快速消炎嘅時候，我就會用呢枝袪痘精華。 精華係透明水狀，有少少酒精味，滴少少落化妝棉，再重點敷係痘痘上5-10分鐘，可以幫助消炎，第二朝就退約消腫，好有效！

DHC最經典橄欖潤唇膏 天然嘅配方 用起都唔刺激 搽唇膏之前 攞嚟做打底

價錢相宜又好用嘅潤唇膏！回購左無數支，冬天一定要用佢，滋潤，唔會乾燥甩皮！