POLA 好用推薦產品

Kuma醬好用推薦：之前用過其他牌子嘅美白產品， 都容易令我皮膚敏感， 美白效果做不到之餘， 仲會容易生暗瘡。 第一次試Pola嘅美白產品就係呢支white shot。 因為想試吓去掉面上嘅暗瘡疤痕同一啲色斑， 雖然價錢比較貴，但效果冇令我失望， 基本上持續用一個星期就會見到效果， 我只係晚上在有暗瘡印和色斑上擦， 一個星期之後，暗瘡印和色斑已淡咗好多。 但有地方需要注意，產品質地比較黏稠， 要自己睇住天氣擦， 如果天氣太潮濕或者太熱， 嗰一排就唔好搽， 因為會容易生暗瘡， 選擇一些比較乾燥或者寒冷嘅天氣搽， 效果會比較好。

綺羅香好用推薦：唔知幾時開始，我面上有一塊唔大唔細嘅灰色色斑，一直都好苦惱想要祛咗佢，又唔想去美容，試過好多支聲稱祛斑淡斑嘅美白精華，用完成支都係勉勉強強淡咗少少，直到入手pola CXS n同SXS，話佢哋係我用過嘅最強祛斑組合都唔過分 SXS要跟CXS n之後用，唧出嚟係白色結身嘅cream，無任何氣味，因為係重點美白，唔需要全面搽，我就特別搽係色斑位置，搽嘅時候，SXS會由cream 化成水被吸收入皮膚，斷斷續續搽咗兩個禮拜，灰色嘅斑變成啡色，顏色明顯淡咗，雖然未去到完全消失，但係出現變化已經令我好surprise ，相信堅持搽多一段時間真係做到我心目中祛斑嘅效果

Yty好用推薦：呢款Pola黑ba 抗糖面霜係舊版，我已經啱啱用完空瓶，係我起碼第六瓶了，面霜質地滋潤容易推開，一粒珍珠份量已經足夠全面，喺日本旅行嘅時候就算落雪天，用左皮膚都唔會覺得乾燥同埋掹緊，改善「透明感」同滋潤亮白，而且唔會引起敏感好安心，去旅行就算夜瞓都可以保持到皮膚柔軟唔卡粉，有興趣購入新版 #「透明感」 #抗老 #抗糖#【提升肌膚透明感的護膚品】

JuneL好用推薦：B.A Cream 由於滲透膜被外圍的保護膜及滲透膜雙重保護著, 使美容成份配方的效果更持久! 它質感豐盈柔滑, 容易被肌膚所吸收, 滋潤度高，所以每次只需用少量，放在手心中搓揉後再輕按上面，已能與肌膚融為一體!

Rosa好用推薦：連用兩支，感覺眼紋同虎紋位有改善。但是他的質地比較膏狀，我一般另外用液體狀爽膚水或者透明質酸一起用，明顯好用很多 ！建議質地有待改善

Kuma醬好用推薦： Wrinkle Shot重點係激活膠原蛋白及修補肌膚損傷，即時撫平肌膚紋理，對皺紋功效顯著。 產品質地只能按壓上眼部，很難推開。 因為我自己本身皺紋唔係好明顯， 所以唔係好見到效果， 買完都覺得自己買錯， 因為我黑眼圈比較嚴重， 只能講產品對黑眼圈完全冇幫助…

choichoi好用推薦：能給予混合肌恰當的保濕感，又不會過於油膩的美白產品，重點於剛「凋謝」的痘痘按摩塗抹會有淡化效果且不易「復發」，令人驚喜

ZoeTung好用推薦：POLA 出名美白產品 但用完美白效果不大 唔覺有淡斑或亮白效果 但保濕功效唔錯 都易吸收 但依個價錢同效果 唔會考慮再買

JuneL好用推薦：B.A Massage Cream 蘊含滲透性水溶精華, 令產品更易被肌膚吸收, 所以每次推按後肌膚都變得滋潤，因此我只會乾燥天氣時才用，不然會出痘痘，推按時配合品牌獨特的按摩手法, 更能為面部肌膚回復緊緻及彈力提升!

Lumi Kwan好用推薦：購自日本，pola本來就係日本貴婦品牌，所以好有信心，RED係連young 嘅line，質地較輕，滋潤度唔錯，只不過我認識three後我更中意three，所以我變咗心。同樣地，香港買太貴，要買一定要去日本。

Lydia好用推薦：POLA B.A 立體精華霜 (第7代) — 潤澤度高但對混油肌負擔較重 🧴 質地： 呢支精華霜嘅質地非常之厚實，推開嗰陣會感覺到佢好似一浸好濃稠嘅油分包裹住皮膚咁。雖然佢標榜係精華霜，但我覺得佢質地偏向似「膏」多啲。上臉之後，存在感非常強，唔係嗰種好快吸收晒、好清爽嘅感覺，而係會有一層明顯嘅光澤（或者叫油光）停留喺表面。 效果： 對於我呢種混油肌嚟講，呢支產品嘅滋潤度真係有啲過剩。上臉之後會覺得好「笠」，就算我已經減少咗用量，過咗半個鐘都仲係覺得塊臉黐黐地。 我有唔少暗瘡同暗瘡印，平時最怕啲產品太焗。 雖然佢強調立體感同緊緻，但我未見到呢啲效果之前，已經覺得皮膚負擔唔到呢種油潤感。 缺點： 最主要嘅問題係佢嘅油感太重，唔太啱香港呢種潮濕天氣，或者係我呢類偏油嘅膚質。對於有暗瘡問題嘅人嚟講，佢太過豐富嘅營養反而好容易造成毛孔堵塞。另外，佢嘅價錢真係幾貴，如果用完會令到皮膚爆油、生粒粒，性價比就變到好低。 總結：呢支產品可能比較適合極乾肌或者喺好乾燥嘅外國氣候用。 如果你同我一樣係混油肌、容易生暗瘡嘅話，建議一定要去專櫃試清楚個質地先。對我嚟講，佢嘅潤度太過進取，反而令到皮膚出油情