Physiogel 用家評價

PHYSIOGEL SCIENCEUTICALS DAILIMUNE AMPOULE SERUM MASK PACK 逆齡抗氧精華面膜 $269/ 5片 from Mannings 功效: 提亮+提昇及修復肌膚屏障+高效抗氧+增強彈性+保濕 採用溫和配方，不含酒精、色素，適合不同膚質使用（包括敏感肌）。 面膜紙的材質不厚不薄剛剛好又不會很易撕破，非常好用。 大小跟本人面型非常接近，而且剪裁立體得宜， 可以完美緊貼面部，面膜也不會在敷面時忽然掉下來。 逆齡抗氧精華面膜的精華滿滿，補濕力極強， 敷面時很有爆水及療癒感。這是款多功能面膜， 嚴選大量美肌養膚成分。 老實說價位真的不是走那種特賣場超便宜路線， 但敷過後我會說這絕對是物有所值！ 特別推介給敏感肌或是轉天氣肌膚不穩定、 乾燥肌及多重問題歲月肌， 都可以使用逆齡抗氧精華面膜作為急救面膜馬上進行急救。 使用後，肌膚秒變水光肌，完美擊退或減淡 ✓乾燥 ✓暗沈 ✓細紋(法令紋) ✓敏感泛紅 肌膚即時水潤透亮嫩滑富彈性舒緩降紅。 意想不到只需敷10-20分鐘的急救面膜會如此高效能， 而且用1片也很有感有效。 最後，如果大家面部日

冬季護膚❄️ 整體質感十分厚，Physiogel 依款係乳霜狀防曬，sfp50/pa++++。塗上後臉會輕輕微笠，有存在感，素顏嘅效果好清淡，唔會過分假。始終呢個牌子係敏感皮膚啱用，我用完皮膚都冇特別過敏 ，不過塗完臉部會局，夏天用嘅時候冇嗰種小銀管防曬水潤清透感，而且即使用咗碎粉都有出暗粒，對我嚟講只係適合香港冬天使用。 冬天用嘅時候就唔錯，就算我混乾肌，乾燥嘅天氣，用佢嘅滋潤度就啱啱好。唔需要再額外種精華油，而且冬天嘅有紫外線關係，用完係好適當咁防曬☀️

呢支 Physiogel 抗敏舒緩防曬修護霜 SPF50，我用咗成個冬天，作為一個成熟偏乾、又有少少敏感底嘅皮膚，整體感覺係「穩陣、溫和、實用型多過靚靚妝感型」。 質地方面，擠出嚟係偏厚身奶油膏狀，唔係好水潤嗰種 fluid sunscreen。啱啱推開嘅時候會覺得有少少阻力，要用啲時間慢慢推勻，特別係鼻翼同眼底位，唔可以一下子落太多，否則會有「笠面」同輕微黏腍感。不過等一兩分鐘吸收之後，就會變成有保護感嘅滋潤膜，摸落去係柔軟、有存在感，但唔至於焗到皮膚唞唔到氣。偏乾肌喺冷風大同開冷氣環境入面，會覺得幾有安全感。 保濕同舒緩力我幾滿意。冬天最怕洗完面搽完護膚再加防曬之後，面上啲乾紋即刻彈出嚟，但呢支用喺乳液之後，已經足夠當埋日間最後一步，之後加少量底妝都唔太起皮。連續用幾日，兩頰本身啲微紅同繃緊感有明顯減少，敏感時例如鼻周因為抹鼻擦到紅，都唔會出現刺痛或者泛紅加劇，算係真係「抗敏」、「穩膚」嗰一類，而唔係淨係講吓。 防曬力方面，SPF50 日常喺香港夠用，冬天日照冇咁猛，但我喺戶外行街一陣，冇見到膚色明顯變暗或者出曬斑陰影。偏乾成熟肌最怕係同時要防曬又要顧屏障，呢支喺長

「 #火熱新品 」【#韓系品牌】【#冬季護膚】第一次用Physiogel呢個品牌，每次冬季轉天氣，皮膚都會敏感變紅，點知呢款Red Soothing AI Repair Essence幾啱用，用咗2-3次已經明顯冇咁紅，減少咗3-4成紅腫！ 呢款精華水質地好輕盈水潤，好似爽膚水咁易推開，吸收超快，塗完手掌完全冇黏膩感。 用量適中，200ml大容量可以用好耐，冬季敏感肌救星。 轉季皮膚易紅腫乾痕，用咗幾次後紅腫明顯改善，即時保濕22%+，一小時內修復受損屏障44%。 含Sensi-T-BB科技（Troxerutin、Beta-Glucan、Panthenol），專攻敏感根源，紓緩痕癢，強化屏障。 價錢親民，敏感肌強推！

其實我一直都有用開Physiogel嘅保濕cream，對呢個品牌幾有信心～見佢都有出面膜，仲要係逆齡抗氧，想試吓係咪真係咁厲害！ 📦包裝同精華量： 一盒有5片，面膜紙算薄身，但唔易撕爛～精華量適中，唔會話多到滴晒，但夠敷全面同頸！精華質地係嗰種清爽嘅乳液狀，唔會癡立立，幾舒服～ 🧖‍♀️使用步驟同感受： 1. 洗完面之後，直接敷上面～ 2. 敷15-20分鐘（我通常敷住睇一集劇咁啦～） 3. 攞下面膜之後，我會輕輕按摩等皮膚吸收剩餘精華，唔洗過水！ 敷嘅時候覺得好溫和，完全冇刺痛感（我塊面有時幾敏感下㗎！），敷完之後塊面即刻亮白咗少少，同摸落去好滑！最驚喜係毛孔睇落細緻咗，同埋額頭同眼角嘅乾紋即刻飽滿返，好似飲飽水咁～ 🌟效果總結： - 保濕度： ★★★☆☆（第二朝起身塊面都仲嫩嫩哋） - 亮白度： ★★★☆☆（即時光澤感有，但好快打回原形，唔算極明顯變白） - 抗氧感： ★★★★☆（覺得塊面冇咁易暗沉，妝都貼身咗！） - 溫和度： ★★★★★（敏感肌真心友好～） ✅適合邊類人： - 皮膚敏感但想抗老嘅人 - 乾燥、暗啞、缺乏光澤嘅肌膚

Physiogel的抗敏修復舒緩精華水，絕對係為而家嘅天氣出品。佢外面樽身係粉紅色200ml，入邊倒出嚟嘅水係透明，倒出嚟好輕薄，唔會有厚重感，質地同夏天用嘅爽膚水差唔多，但多咗保濕度。我而家入秋都淨係用乳液多，如果加咗呢支精華水會令到底部更加保濕好，而且乾燥嘅時候冇咁容易甩皮同泛紅。 根據資料，佢可以即時保濕22%+，而且用咗一小時之後，可以修復肌膚受損屏障達44%+。總之我感覺真係冇咁乾燥。無論你係男士定女士，Physiogel 精華水適合都適合現時轉季天氣使用，能夠為持肌膚嘅水潤感👍🏻 #火熱新品

我對Physiogel這個品牌嘅印象係抗敏同醫美護膚有關。因為醫美品牌通常都有醫學試驗同科學研究支持，成效較有應受性。 去萬寧研究過佢哋嘅產品，防曬精華面膜之類全部都係韓國製造。宣傳車提供試用佢哋嘅美白淡斑逆齡精華，可以提亮膚色、淡化黑色素，仲可以鎖水保濕，比較全面聽落真係幾吸引。 美白精華質地係乳白色嘅流質，有啲稠推開時會有少少黏感，之後會慢慢吸收。用完之後一點都唔油膩，特別適合喺乾燥或者冷氣房使用。佢有一股特別嘅草花香味，唔會太重。 美白效果唔刺激，連敏感肌都可以用。我用咗一段時間後面上嘅暗瘡印淡咗少少，美白效果未算太突出，感覺較全方面嘅精華，效果算係不過不失 如果萬寧做折可以考慮購入試吓，但如果正價接近$500可能有啲偏高💕

Physiogel 呢個牌子係特別針對乾燥脆弱嘅敏感肌，亦都係皮膚科醫生推薦嘅開架護膚品。 呢支逆齡抗氧精華水，有勁多功效，可以高效抗氧，改善細紋皺紋，抑制黑色素形成，提升肌膚彈性，保濕潤澤等等好多功效 支野聞落去味道怪怪地，唔係幾好好聞，佢係非常水狀嘅精華，流動性好高，主要改善膚色，用咗一段時間，都冇乜特別大感覺，但係又唔係話太差，正常嘅，價錢就貴咗少少，敏感肌嘅朋友可以試吓呢支精華水 

Physiogel 這款抗敏紓緩面膜紙比較薄，剪裁很服貼，能緊緊巴住臉部肌膚，精華液是清爽的乳液質地，沒有香味。 它的最大優點就是溫和、零刺激，當我臉部因為換季而泛紅、乾癢，甚至有點敏感刺痛的時侯，敷上它都完全不會有任何不適感。 敷完 15-20 分鐘後取下來，最明顯的就是泛紅立刻退掉一大半，肌膚的灼熱和緊繃感也消失了，皮膚被深層滋潤，而且保濕感可以持續到隔天早上，上妝也會變得更服貼。對我來說，它是一款有效的急救型面膜，鎮靜舒緩的效果一流👍

Physiogel Red Soothing 防曬乳 質地 ⭐️⭐️⭐️ 好輕薄 上咗面唔洗兩分鐘就會無乜存在感 好易推開 但佢易推開得嚟又唔容易blend， 好易做成某啲地方厚 某啲地方薄嘅問題 好奇怪 妝感 ⭐️⭐️ 當佢上完面成完膜之後 佢喺塊面到係油到好似啱啱用緊卸妝油咁 油光滿面🥲 另外佢會有輕微起刷紙膠碎嘅問題 就算幾乾幾油佢都會間唔中有 總結 ⭐️⭐️ 除咗輕薄無咩優點 啱啲平時唔化妝只係想用防曬嘅人 但記得用完要上粉！如果唔係油到出唔到門口

呢排用緊 Physiogel逆齡緊緻精華，入面含有Collajet Complex™彈滑嫩肌膠原複合物，結合S-PDRN、NMN同3重胜肽膠原蛋白，用左排真係感受到肌膚嘭彈咗～ 🤍 緊緻提升：4/5 連續用兩星期，下顎線條明顯提升咗，睇落個輪廓精神咗好多，冇咁浮腫！當然唔會好似做完醫美咁keep到一排，但有肉眼改善都真係勁！ 🤍 淡紋效果：4.5/5 額頭同嘴角嘅細紋有明顯淡化，尤其眼周位置冇再因為乾而卡粉，上妝更貼服～ 🤍 光澤度：4.5/5 用完第二朝起身塊面零舍有光澤，唔會暗沉，個膚色均勻咗好多～ 🤍 溫和度：4/5 配方純淨，冇添加防腐劑同礦物油，敏感肌用都完全冇泛紅或刺激～（有好淡既香味） 總結： Physiogel呢支逆齡精華比想像好用，一支做到膠原再生同屏障修護～會考慮回購！

Physiogel 產品通過皮膚科醫生測試，零色素、零礦物油、零防腐劑，我就幾鍾意買敏感牌子用護膚品，冇咁大刺激。 質地為流質，乳白色少稠身，上面推開後會有黏力，要慢慢推開吸吸，喜歡晚上才使用。啱啱用嘅時候會有刺激感，我會係底層加保濕肌底液，咁就無咁刺痛。 呢支美白精華雖然主打話淡斑，但對我面上輕微嘅雀斑冇效果，keep住用咗一個禮拜面上係美白咗嘅，暗瘡印快退左。

Physiogel喺萬寧有好多高端護膚品，而且多數佢$500以下，對比專櫃牌子又唔算太貴，值得我入手。 依支係逆齡水，感覺比年紀大啲嘅人使用。偏淡黃色嘅流質精華水，小小厚身但唔稠，早上化妝前使用都可以，咁我就不再需要使用繼續護膚品💕 上面冇酒精嘅刺激感，冇咩特別味道，可以為皮膚保濕，但如果抗老緊致嘅感覺不大，不過不失。

我對這個品牌的印象，都是和抗敏、醫美品牌有關，我總覺得醫美品牌有著醫學試驗和科學研究支持，有臨床醫學實證，成效都會比較顯著 有一次逛藥妝店時，見到這品牌新出這支美白淡斑逆齢精華，一支有齊5大護膚功效，包括美白淡斑、改善暗啞、均勻膚色、高效抗氧和強化鎖水屏障，都是我所關注的😍 有些淡斑產品的成份會令我皮膚敏感，令我又愛又恨，但這支精華是零色素、零礦物油、零防腐劑，而且通過皮膚科醫生測試，適合敏感肌，當然要立即試試 這支精華的質地比較流質，是有厚度的水狀，所以皮膚是吸收得超級快，它的顏色是少少奶白色。用了2星期，面上的斑斑真的有變得淡色，整體膚色也有變得均勻，我都幾滿意效果 #火熱新品

#冬季護膚 很易推開，轉季恩物，搽上面和頸不會有油油的感覺，第朝起床皮膚有種滋潤感覺，完全不覺得冬天帶來的乾燥感