Physiogel

抗敏紓緩防曬修護霜

【真心不騙】敏感肌救星！Physiogel抗敏防曬修復乳霜，用後一個月真實記錄 話說我本身塊面係極度麻煩友，係嗰種「一轉季就發作」、「一曬少少太陽就紅過關公」、「搽咩都覺得㷫」嘅超敏感肌。之前夏天想搵支防曬，真係搵到頭都大，一係就太「立」、一係就加咗酒精搞到又乾又痕。前排見好多谷友推介Physiogel呢支抗敏舒緩防曬修復乳霜，把心一橫買嚟試，點知……一試真係返唔到轉頭！ 質地：輕薄到有驚喜 老實講，我對「修復乳霜」呢四個字有陰影，以為會好似藥膏咁厚或者好油。但呢支完全顛覆我諗法！佢擠出嚟係輕盈嘅乳液狀，推開嗰下好似水珠咁化開，完全冇嗰種「粉狀」或者「黐𥹉𥹉」嘅感覺。重點係！佢吸收得超快，搽完塊面即刻好似飲飽水咁，有種自然嘅光澤，但絕對唔係油光滿面嗰隻。之後上粉底都勁貼，冇擦膠碎，呢點抵讚！ 防曬力：日常返工絕對夠照 佢係SPF50+ PA++++，日常返工喺冷氣房，或者有時lunch time行出去買飯，呢個防曬度數好夠照。最緊要係佢有埋抗污染功效，而家香港空氣咁差，多一重保護點都安心啲。我試過有日去沙灘，雖然冇長期曝曬，但搽住佢喺戶外企咗成個鐘，塊面都冇話變紅或者出曬斑，防

冬季護膚❄️ 整體質感十分厚，Physiogel 依款係乳霜狀防曬，sfp50/pa++++。塗上後臉會輕輕微笠，有存在感，素顏嘅效果好清淡，唔會過分假。始終呢個牌子係敏感皮膚啱用，我用完皮膚都冇特別過敏 ，不過塗完臉部會局，夏天用嘅時候冇嗰種小銀管防曬水潤清透感，而且即使用咗碎粉都有出暗粒，對我嚟講只係適合香港冬天使用。 冬天用嘅時候就唔錯，就算我混乾肌，乾燥嘅天氣，用佢嘅滋潤度就啱啱好。唔需要再額外種精華油，而且冬天嘅有紫外線關係，用完係好適當咁防曬☀️

呢支 Physiogel 抗敏舒緩防曬修護霜 SPF50，我用咗成個冬天，作為一個成熟偏乾、又有少少敏感底嘅皮膚，整體感覺係「穩陣、溫和、實用型多過靚靚妝感型」。 質地方面，擠出嚟係偏厚身奶油膏狀，唔係好水潤嗰種 fluid sunscreen。啱啱推開嘅時候會覺得有少少阻力，要用啲時間慢慢推勻，特別係鼻翼同眼底位，唔可以一下子落太多，否則會有「笠面」同輕微黏腍感。不過等一兩分鐘吸收之後，就會變成有保護感嘅滋潤膜，摸落去係柔軟、有存在感，但唔至於焗到皮膚唞唔到氣。偏乾肌喺冷風大同開冷氣環境入面，會覺得幾有安全感。 保濕同舒緩力我幾滿意。冬天最怕洗完面搽完護膚再加防曬之後，面上啲乾紋即刻彈出嚟，但呢支用喺乳液之後，已經足夠當埋日間最後一步，之後加少量底妝都唔太起皮。連續用幾日，兩頰本身啲微紅同繃緊感有明顯減少，敏感時例如鼻周因為抹鼻擦到紅，都唔會出現刺痛或者泛紅加劇，算係真係「抗敏」、「穩膚」嗰一類，而唔係淨係講吓。 防曬力方面，SPF50 日常喺香港夠用，冬天日照冇咁猛，但我喺戶外行街一陣，冇見到膚色明顯變暗或者出曬斑陰影。偏乾成熟肌最怕係同時要防曬又要顧屏障，呢支喺長

Physiogel Red Soothing 防曬乳 質地 ⭐️⭐️⭐️ 好輕薄 上咗面唔洗兩分鐘就會無乜存在感 好易推開 但佢易推開得嚟又唔容易blend， 好易做成某啲地方厚 某啲地方薄嘅問題 好奇怪 妝感 ⭐️⭐️ 當佢上完面成完膜之後 佢喺塊面到係油到好似啱啱用緊卸妝油咁 油光滿面🥲 另外佢會有輕微起刷紙膠碎嘅問題 就算幾乾幾油佢都會間唔中有 總結 ⭐️⭐️ 除咗輕薄無咩優點 啱啲平時唔化妝只係想用防曬嘅人 但記得用完要上粉！如果唔係油到出唔到門口

防曬有SPF50+，Physiogel呢個牌子敏感肌膚用 相對比較溫和，防曬質地厚實得來易推，但如果 做妝前防曬好似同後續粉底打交起擦膠碎，所以 都係一般素顏時用/搽手手腳腳

對於它上臉的感覺，我覺得它清爽，容易推開。 覺得它好好用，不是太大感覺，就是在臉上用了一種防曬🙈如果它特價做買一送一，我都幾支持大家買，因為都真心抵，如果係不是太大優惠買，大家可以去Manning 試真d 先決定都未遲😂 我有位油性的朋友用過它，感覺不是太好，因為會出擦子膠碎😣而我自己乾肌用它，又沒有這個情況🤣

優點 • 紓緩及保護受紫外線侵害的肌膚 • 蘊含保濕精華配方,持久保濕滋潤,改善肌膚彈性,使肌膚呈現水潤亮澤 • 防曬提亮調色霜,提亮暗啞膚色,打造光澤健康肌膚 • 先進的BIOMIMIC科技,臨床實證能強化及修復肌膚天然鎖水屏障,減退肌膚敏弱情況 • 可作妝前底霜使用 • 清爽不油膩 • 通過皮膚科醫生測試 #底妝升級好物 #雪葩冰感眼霜

質地易推，有少許泛白，但推開後在臉上是有存在感的，不算清爽，但如果是在乾燥天氣，底層沒做好保水，會感覺皮膚在一層膜下愈來愈乾，不會回購。

整體的質感十分厚重，塗上後臉會很粘笠，很有存在感，而且有股很怪的香料味，雖然係佢嘅舒緩成份，使曬後仍不會泛紅 敏感 ，不過塗完臉部會很局 不適合香港天氣