takemyokane好用推薦：這幾年很用心養好頭髮，甚少燙染下已不再是受損髮質，但一些小問題如毛燥之類還是會受到直髮夾的影響，加上我是每天都需要用到直髮夾的人，平價直髮夾長遠對髮質始終有影響，因此轉用功能和效果更好的産品。 一開始先被 Power On 的聲音嚇倒🤣預熱後再響一聲又嚇倒。想不到第一樣研究的是如何消音⋯（結論是不能的）預熱是自動感應，只需幾秒就完成。沒有溫度選擇，熱度比想像中高，夾頭髮會冒煙，但神奇在似乎又不傷頭髮。喜歡附送的隔熱套，特別是旅行收拾行李的話，不用等到放涼才能收起。 夾一次就會明白它價錢昂貴的原因。夾完頭髮比未夾之前更閃亮順滑！之前用的直髮夾，同一位置要夾幾次才做到理想效果，現在只夾一次就完成，省去時間而且持久一整天。套裝附送的闊版梳，粒子按摩頭皮很舒服不刺痛。我的頭髮每逢冬天和潮濕春天都會有些頑固毛毛反地心吸力，想不到一梳就平滑下來，太神奇了。 考慮到對髮質的影響，造型省下來的時間，我不再覺得它昂貴了，因為真的值得。

Fng好用推薦：夾直和夾曲都得心應手， 夾出來嘅頭髮順滑同埋有光澤，夾攣咗嘅頭髮喺潮濕天氣就易變返直，如果乾燥嘅秋天冬天就keep到一整日。

Hamiii好用推薦：貪佢無線所以入手 但每次用之前都要差一輪電 其實都有點煩 但夾頭個效果的確係好好 又唔覺得佢好傷頭髮 佢個闊度做埋空氣瀏海都岩岩好 如果唔介意每次用前要差電 會順手過普通版 真係有得必有失😮‍💨

Pinky好用推薦：體積小巧，唔重，無線，使用上非常順手，唔駛1分鐘就完成預熱，朝早趕時間用都ok，固定1個溫度，都夠熱，全頭夾既話充一次電只夠用1次，如果淨係夾劉海就可以用2-3次，因為體積細，所以夾既面板都細，如果經常全頭set既話可能會覺得面板有啲細，但本身自己係主要用嚟夾劉海，就覺得ok，由其是無線又夠熱又輕便呢幾點，已經對產品覺得非常滿意

Anna好用推薦：用完頭髮都好順直同滑，減少毛躁，個型都keep到半日，雖然冇廣告嗰D咁靚，但係比起唔用，真係會好好多嘅，佢仲做到捲曲嘅造型，雖然冇捲髪棒自然。BTW雖然佢sell不傷髮，但系頭髮其實都會乾燥左，要用返髮膜。

choichoi好用推薦：在朋友力推之後購買，感覺其實就是視乎髮質而取決效果的，因我發現自己用任何品牌的直髮夾也好效果也差不多啊

格仔餅公主好用推薦：上次去試嗰卷髮棒嘅時候佢地介紹我呢一個風筒，感覺吹落去啲風力幾柔和唔刺激 都可以列入考慮範圍嘅