VT COSMETICS 好用推薦產品

chasiutung好用推薦：一到夏天又熱又焗日日化妝重要帶住個口罩10幾個鐘 皮膚敏感重生左好多暗粒同暗瘡 之前見到VT老虎抗痘面膜買一送一咁扺買左返黎試下 一試就愛上💓 一盒有10片抗痘面膜 一片補水面膜一片提亮面膜一片營養面膜 我自己最喜歡就係佢嘅抗痘面膜 天絲薄紗面膜紙質 厚厚一片吸滿精華 敷左10分鐘 感覺好溫和不刺激 皮膚明顯降紅做到舒緩皮膚敏感同鎮靜皮膚嘅功效而且好保濕 敷完第二朝敏感完全退左 暗瘡細粒左同無咁紅 👍👍 依款面膜非常扺用 推薦俾混油肌同油痘肌人士使用 性格比高💕💕 #夏日必備保養

royu3好用推薦：曬後護理必備的補水修復mask，打開包裝可見滿滿透明狀的精華液，面膜紙質比VT 家普通積雪草mask的更薄更貼面！積雪草成分有助穩定曬後皮膚狀態及舒緩泛紅⭕️ 用後明顯感受到面膜的超強補水力，使暴曬後流失水分的肌膚重拾健康活力！非常適合乾燥或狀態不穩的皮膚！

mssylviaa好用推薦：積雪草近期大熱，越來越多有積雪草功效嘅產品推出。聽過一個敏感肌朋友講呢個牌子嘅mask令佢好驚喜，我於是都入咗手一盒mask set試吓。 我係混合肌但又易泛紅，間唔時都會生痘痘，有時生理期會生大粒又痛嘅暗瘡，想補濕都會怕太笠，紓緩嘅面膜又未必夠補濕。 暫時都敷咗一盒，發現呢隻面膜對降紅見到即時效果，起緊嘅痘痘都會扁咗好多，我暫時未搵到有同樣功效嘅面膜，真係唔錯👍🏻 面膜質地係類似網紋嘅質地，未至於去到蠶絲面膜咁貼面，但都算唔錯，裡面嘅精華好足夠，唔會過多。唯一唔好係個面型唔係好啱我，尤其係鼻樑同同眼頭嘅接位，我要剪開佢先可以更貼面。 面膜價錢係$75一盒10片，比起有啲貴面膜，性價比好高。我自己有試用過同牌子嘅積雪草精華，但效果都唔及呢款面膜咁有即時效果。如果大家同我一樣有相同肌膚問題，不妨試下！

royu3好用推薦：VT CICA近年在日本超火的，在各媒體也能見到它的蹤跡！它的Daily Soothing Mask 更是日本 cosme 美容大賞綜合獎的第7位啊🌟 被積雪草3個字燒到🔥這個paper mask版本蘊含高濃度積雪草1,000ppm、洋甘菊及摩洛哥堅果油等成分，對鎮靜敏感泛紅、暗瘡肌膚特別有效！我的皮膚沒有暗瘡問題，但是很易乾燥泛紅；特別是曬後水份流失，我會用這個mask為肌膚即時補濕紓緩。打開包裝，它的精華是偏水狀、全滲透在面膜紙上。面膜布非常服貼不易滑落，唯一缺點是面膜布不足以包囊鼻頭位置。使用後即時飲飽水～亦舒緩了曬後肌膚的泛紅情況！一年四季、任何膚質都適用💯

TsuenMa好用推薦：［對收細毛孔嘅渴望］ 皮膚背景：少年時期係豆豆肌，但係又處理不善，所以毛孔粗大嘅問題一直困擾住我。所以護膚產品方面，一直都好看重收細毛孔嘅效果，呢款mask就係其中一款產品，睇到網站上面嘅評價，話只要用佢連續七日，就可以即刻見到明顯收細毛孔嘅效果。所以入手嚟一試！ ［產品介紹］ 嚟自韓國嘅品牌：CICA 老虎RETI-A 7 Days mask，聲稱又整肌嘅效果，針對有毛孔煩惱嘅人而設，喺調整毛孔嘅時候，同時間為肌膚進行保濕，從而令毛孔保持彈性。 主要嘅成份包括：CICAHYALON(保濕作用) + RETI-A (整肌作用） ［用後感：冇抱太大期望，就唔會有太大嘅失望］ 喺保濕層面嚟講，呢款mask都算係唔錯，滋潤得來又未至於會係黐立立嘅感覺；但係係咪又真係做到收毛孔嘅效果呢？ 我覺得係收毛孔呢一方面，前後對比之下真係見唔到有太大分別；但相對地佢對皮膚刺激性都較低，敏感肌都可以使用，用作一個普通嘅保濕mask，都算係合格。 不過有樣嘢抵讚嘅係：佢面膜嘅貼幅度好高，薄薄一片，敷上面唔會覺得太厚，令到精華嘅吸收程度都好唔錯。

Stephanie好用推薦：見價錢相宜，入手用於早上化妝前做急救。相較於其他面膜滋潤程度確實較遜色一點，但是作為早上急救的面膜性能非常優秀，性價比高。

Chloeincosme好用推薦：身為一個乾性肌膚嘅人，我對所有時新科技護膚產品都好小心。最近見到好多人推薦 VT 嘅 Cica Reedle Shot 100，話可以改善皮膚吸收力，令皮膚更光滑，連乾肌都可以用，我就決定試吓。 第一次用嘅感覺：上臉好容易推開，而且真係有啲吉吉地既感覺，但係唔會太痛，我覺得係可以接受嘅範圍。用完唔會泛紅，有啲乾，所以我會特別加強保濕。 用咗一排之後：我覺得皮膚真係有變得比較光滑，之前鼻翼兩側有啲粗糙，而家摸上去平滑咗啲。另外，我覺得後續護膚品嘅吸收力都好似好咗 ，搽精華可以好快就吸收晒。 *注意事項：乾肌保濕一定要做足，同埋最好唔好同其他刺激性產品一齊用， e.g. 如果你本身有用 A 酸或者其他去角質產品，就唔好同 Reedle Shot 100 一齊用，以免刺激皮膚. 如果你係敏感肌，記得最好先喺手臂內側試用，確定冇過敏先好搽上臉！ **總結** 整體嚟講，我覺得 VT 嘅 Cica Reedle Shot 100 對於乾性肌膚嚟講都算唔錯，可以改善皮膚光滑度同埋促進吸收。但係，乾肌嘅朋友一定要注意保濕，同埋唔好同其他刺激性產品一齊用。如果你都想試吓，可以好似我咁買片裝